अँकर:-- चंद्रपूर शहर मनपात निवडणुकीनंतर सर्वाधिक नगरसेवक निवडून आलेल्या काँग्रेस पक्षात महापौर पदावरून वडेट्टीवार आणि धानोरकर गटातील युद्ध गेले काही दिवस अनुभवले जात आहे. दोन्ही गटांनी एकमेकांचे नगरसेवक उचलून नेत अज्ञात स्थळी रवाना झाले आहेत. अशा स्थितीत केवळ माध्यमांपुढे काँग्रेस पक्षातील वादाचे जाहीर प्रदर्शन होत असताना काँग्रेस प्रदेशाध्यक्ष हर्षवर्धन सपकाळ यांच्या मदतीने हा वाद तुर्तास शमला असल्याचे पुढे आले आहे. काल रात्री उशिरा हर्षवर्धन सपकाळ आणि हा विजय वडेट्टीवार यांच्यात संवाद झाल्याची माहिती असून यासंदर्भात खा. धानोरकर यांनाही सबुरीने घेण्याचा निरोप देण्यात आला आहे. सध्या तरी दोन्ही गटांची एकमेकांविरोधात नाराजी कायम असून तलवारी मात्र म्यान झाल्या आहेत. या संवादातून नक्की फार्मूला काय निघाला हे मात्र कोडे असले तरी ज्या गटाचा महापौर असेल त्याच्या दुसऱ्या गटाला स्थायी समिती तर मदत करणाऱ्या पक्षाला उपमहापौरपद दिले जाण्याची चर्चा आहे.