अँकर:वाशिम जिल्ह्यातील रेशनवरील धान्य वाटप पद्धतीत बदल करण्यात आले आहेत. पुरवठा विभागाने केलेल्या सुधारित व्यवस्थेनुसार आता रेशन दुकानांतून ज्वारीसोबत गहू, तांदूळ आणि साखर दिली जाणार आहे.यापूर्वी प्रति रेशनकार्ड २५ किलो तांदूळ आणि १० किलो गहू वितरित केला जात होता. मात्र नव्या निर्णयानुसार आता २० किलो तांदूळ आणि १५ किलो गहू देण्यात येणार आहे.तांदळाचे प्रमाण कमी करून गव्हाचे प्रमाण वाढवण्यात आले असून त्यामुळे लाभार्थ्यांना दैनंदिन आहारासाठी अधिक सोयीचा पर्याय उपलब्ध होणार आहे.ही सुधारित धान्य वितरण व्यवस्था चालू महिन्यापासून अंमलात आली असून याचा लाभ जिल्ह्यातील सर्व रेशनधारकांना मिळणार आहे.