मुंगळा ग्रामपंचायत कार्यालयासमोर गावातील मुख्य रस्त्यावर झालेल्या अतिक्रमण हटवण्याच्या मागणीसाठी पांडू सहस्रबुद्धे यांनी कडाक्याच्या थंडीत सुरू केलेले अन्नत्याग उपोषण आज तिसऱ्या दिवशीही सुरू आहे. गावातील मुख्य रस्त्यावर झालेल्या अतिक्रमणामुळे वाहतुकीस मोठा अडथळा निर्माण झाला आहे. तसेच, या रस्त्याखाली असलेली ग्रामपंचायतीची मुख्य पाणीपुरवठा योजना पाईपलाईन दबली गेल्यामुळे नागरिकांना पिण्याच्या पाण्याच्या मोठ्या समस्येला सामोरे जावे लागत आहे. अतिक्रमण हटवण्यासाठी अनेकदा निवेदनांद्वारे मागणी करूनही प्रशासनाने दुर्लक्ष केल्याने, पांडू सहस्रबुद्धे यांनी ग्रामपंचायत कार्यालयासमोर आंदोलनाचा मार्ग अवलंबला आहे. या उपोषणामुळे गावात चिंतेचे वातावरण निर्माण झाले असून, नागरिकांनी लवकरात लवकर प्रशासनाने योग्य ती कारवाई करावी, अशी मागणी केली आहे.