फळेगांव येथे रामनवमी निमित्त हरिनाम सप्ताहाचे आयोजन... विविध धार्मिक कार्यक्रमांची मेजवाणी... रामनवमीचा उत्सव संपूर्ण देशात मोठ्या उत्साहात संपन्न होत असतानाच कल्याण तालुक्यातील फळेगावांत ही या निमित्ताने हरिनाम सप्ताहाचे आयोजन करण्यात आले आहे. या निमित्ताने राम जप, हरिआपाठ, भजन, कीर्तन अशा विविध धार्मिक कार्यक्रांचे आयोजन करण्यात आलेले आहे. सकाळी प्रभू रामचंद्रांच्या मुर्तीला अभिषेक करून कार्यक्रमाची सुरुवात करण्यात आली. दिवसभर राम नाम जप करण्यात आले. दुपारी पालखी सोहळा काढत देवाची मिरवणूक काढण्यात आली. या पालखी सोहळ्यात शेकडो महिला पुरूष व तरुण सहभागी झाले होते. रात्री कीर्तन व भजनाचा कार्यक्रम पार पडला. अतिशय उत्साहात प्रभू रामचंद्रांच्या जन्मसोहळ्याचा कार्यक्रम पार पडला.