छत्रपती शिवाजी महाराज महाराजस्व समाधान शिबिराचं आयोजन.... कल्याण तहसिदार कार्यालयाच्या वतीने टप्पा-क्र-१ ची अंमलबजावणी.... सर्वसामान्य जनता व शेतकरी यांचे महसूल विभागांतर्गत क्षेत्रीय कार्यालयांशी संबंधित दैनंदिन प्रश्न सत्वर निकाली काढणे, महाराष्ट्र जमिन महसूल संहितेच्या नवीन तरतुदींची जनजागृती करुन, प्रभावी अंमलबजावणी करणे, डिजिटल सेवांचा जास्तीत जास्त वापर सुनिश्चित करणे, नागरिकांना Single Day Service Delivery द्वारा सेवा पुरविणे या उद्देशाने माहे मार्च ते माहे मे या कालावधीमध्ये राज्यात महसूल मंडळ स्तरावर तसेच नगर परिषद / नगर पंचायत पातळीवर “छत्रपती शिवाजी समाधान शिबिर अभियान टप्पा १” राबविण्यात येत आहे. याच पार्श्वभूमीवर कल्याण तहसिल कार्यालया मार्फत ७ मार्च ते १५ मे दरम्यान तालुक्यातील सहा मंडाळात छत्रपती शिवाजी महाराज महाराजस्व अभियान शिबिराचं नियोजन करण्यात आलं आहे. ७ मार्च रोजी हिना आशिष सोसायटी, बेतूरकडपाडा रोड कल़याण (प) व १४ मार्च रोजी पार्वतीबाई कर्पे हाँल कर्पेवाडी तिसगाव कल्याण पूर्व, व १० एप्रिल रोजी गावदेवी मंदिर समाज हॉल रेतीबंदर क्रॉस रोड डोंबिवली पश्चिम, तसेच १७ एप्रिल रोजी जीवनदीप महाविद्यालय गोवेली व ८ मे रोजी गणेश मंदिर हॉल टिटवाळा, तर १५ मे रोजी भक्ती मंगल कार्यालय खडवली येथे छत्रपती शिवाजी महाराज महाराजस्व अभियान शिबिर आयोजन करण्यात आले आहे. या शिबिराचा लाभ सर्व नागरिकांनी व शेतकऱ्यांनी घ्यावा असे आवाहन कल्याण तहसीलदार विकास गारुडकर यांनी केले आहे.