पंढरपूर तालुक्यातील तिसंगी येथे मायाक्का ज्वेलर्स दुकानात चौघांनी घुसून दुकानदाराला तलवारीने मारून बंदुकीचा धाक दाखवून सोन्या-चांदीचे दागिने व रोख रक्कम, असा एकूण ६ लाख ८० हजार रुपयांचा मुद्देमाल लुटून नेल्याची घटना बुधवारी रात्री एकच्या sुमारास घडली आहे. अक्षय सुखदेव कोळेकर यांचे तिसंगी येथे सोने-चांदीचे दुकान आहे. ते नेहमीप्रमाणे दुकान बंद करून दुकानात झोपले. बुधवारी रात्री एकच्या sुमारास दुकानात अनोळखी चार इसम आले. त्यांनी तलवार तसेच बंदूक सारखी दिसणारी वस्तूचा धाक दाखवून पाय आणि खांद्यावर मारहाण केली. तसेच आरडाओरडा करू नये म्हणून तोंडांत बोळा कोंबला यानंतर दुकानातील सोन्या-चांदीचे दागिने व रोख रक्कम चोरून घेऊन गेले. या प्रकरणी पंढरपूर ग्रामीण पोलिसात गुन्हा दाखल झाला आहे.