विमानतळामुळे श्रीमंतांची सोय झाली पण गरीब खड्डयातच मरतो आहे. विमानतळ आणि रस्त्यावर पडलेले खड्डे सरकारवर टीका करतात. जमिनी विकू नका नाहीतर पश्चातापाची वेळ येईल. बच्‍चु कडू यांच्या अलिबागकरांना सल्‍ला. बच्‍चु कडू यांनी अलिबागमधील रस्त्यावर पडलेले खड्डे आणि नवीमुंबई विमानतळाच्‍या मुद्द्यावरून सरकारला लक्ष्‍य केले. विमानतळ सुरू करून श्रीमंताची जगात फिरायची व्यवस्था केली पण गरीब मात्र खड्डयातूनच प्रवास करत मरतो आहे. अलिबागला येताना खड्डे बघितले तर परत जावसं वाटलं हेच का अच्‍छे दिन असा सवाल बच्‍चु कडू यांनी केला. राज्यभर सुरू असलेल्‍या हक्‍क यात्रेनिमित्‍त ते अलिबागला आले होते. यावेळी जमिनी विकू नका नाहीतर पश्‍चाताप करण्‍याची वेळ येईल असा सल्‍ला बच्‍चू कडू यांनी दिला. एकवेळ पोटाला चिमटा घ्या, 5–10 वर्ष वाट बघा नाहीतर हे सगळे लोक तुमच्‍या जमिनीवर टपलेले आहेत, मोदीजी चांगले दिवस आणणार नाहीत तुमचं डोकं चांगले दिवस आणेल, असं बच्‍चू कडू म्‍हणाले.