नाशिक जिल्ह्यातील येवला आणि चांदवड हे तालुके अनेक वर्षांपासून दुष्काळग्रस्त म्हणून ओळखले जात होते. मात्र, राज्याचे अन्न, नागरी पुरवठा आणि ग्राहक संरक्षण मंत्री छगन भुजबळ यांच्या ड्रीम प्रोजेक्ट म्हणून ओळखल्या जाणाऱ्या मांजरपाडा प्रकल्पामुळे या भागात जलक्रांती घडून आली आहे. 2010 मध्ये दक्षिणेकडून उत्तरेकडे समुद्रात वाहून जाणारे पाणी अडवून 560 कोटी रुपयांचा निधी मंजूर केलेला खर्च करत बोगदा तयार करण्यात आला. या बोगद्याच्या माध्यमातून 151 किलोमीटर अंतरावर येवला तालुक्यातील डोंगरगावपर्यंत पाणी आणण्यात आले आहे. त्यानंतर पुणेगाव–दरसवाडी–डोंगरगाव पोहच कालवा या माध्यमातून हे पाणी वितरीत करण्यात आले. कालव्यातील तांत्रिक अडचणी दूर करण्यासाठी या प्रकल्पाच्या दुसऱ्या टप्प्यात 275 कोटी रुपयांचा खर्च करत कालव्याचे अस्तरीकरण करण्यात आले आहे. त्यामुळे आता येवला आणि चांदवड तालुक्यातील शंभरहून अधिक लहान-मोठे बंधारे पूर्णपणे भरले आहेत. परिणामी, पिण्याचे तसेच शेतीसाठी पाण्याचा प्रश्न कायमस्वरूपी मार्गी लागला आहे. या यशस्वी प्रकल्पामुळे वर्षानुवर्षे दुष्काळाने त्रस्त असलेल्या शेतकऱ्यांना दिलासा मिळाला असून, मंत्री छगन भुजबळ यांचा मांजरपाडा प्रकल्प हा नाशिक जिल्ह्याच्ा आदर्श जलसिंचन प्रकल्प ठरला आहे.