शिखांची दक्षिण काशी असलेल्या नांदेडमधील सचखंड गुरुद्वारात तख्त स्नानने आज पासुन दिवाळी सणाला सुरूवात झाली. गुरुद्वारात तख्त स्नानची पुरातन परंपरा आहे. गोदावरी नदीतुन पाणी आणून संपूर्ण गुरुद्वारा गोदावरी नदीच्या पाण्याने स्वछ केला जातो. पहिली घाघर घेउन पंचप्यारे साहिब गुरुद्वारात येतात. त्यांचा सोबत हजारो भाविक गोदावरी नदीतून घाघरीने पाणी घेउन गुरुद्वारात येतात. गोदावरीच्या पाण्याने संपूर्ण गुरुद्वाराची स्वच्छता केली जाते. श्री गुरु गोबिंदसिंघजी यांच्या ऐतिहासिक शस्त्राची सफाई देखील याच पाण्याने केली जाते. आज पासुन गुरुद्वारात दिवाळी साजरी केली जाते. विशेष म्हणजे तख्त स्नान सोहळा फक्त नांदेडच्या सचखंड गुरुद्वारातच होतो. त्यामुळे देश आणि विदेशातील भाविक तख्त स्नान सोहळ्यात सहभागी होण्यासाठी मोठया प्रमाणावर नांदेडला येतात.