जळगावच्या एरंडोल तालुक्यातील कसोदा येथील पाटबंधारे कार्यालयावर शेतकऱ्यांचा धडक मोर्चा... शेतीसाठी कालव्यातून पाणी सोडण्यात येत नसल्याने पाण्याअभावी पिकांचे नुकसान होत असल्याने शेतकरी आक्रमक.. दोन ते तीन तास वाट पाहूनही शाखा अधिकारी उपस्थित न झाल्याने शेतकऱ्यांनी त्यांच्या खुर्चीला पुष्पहार घालून अनोख्या पद्धतीने निषेध नोंदविला निवेदन देऊनही पाटबंधारे विभागाचे अधिकारी कार्यालयात उपस्थित न राहिल्यामुळे कासोदा व परिसरातील शेतकरी संतप्त झाले. पाटबंधारे कार्यालयावर शेतकऱ्यांनी ठिय्या देत आमच्या हक्काचं पाणी आहे, कोणाच्या बापाचं नाही” अशी जोरदार घोषणाबाजी वारंवार निवेदन देऊनही पाटबंधारे विभागाचे अधिकारी दाद देत नसल्याचा आरोप शेतकरी आंदोलकांनी केला. शेतकऱ्यांच्या पाण्याच्या मागणीवर तातडीने तोडगा न निघाल्यास आत्मदहन करण्याचा इशारा देण्यात आला आहे. मोठ्या संख्येने शेतकऱ्यांचा जमाव जमल्याने अनुचित प्रकार घडू नये म्हणून पोलिस देखील हजर होते..