गडचिरोली जिल्ह्यातील वडसा येथील जाहीर सभेत माजी मंत्री आणि राष्ट्रवादी काँग्रेस अजित पवार गटाचे आमदार धर्मरावबाबा आत्राम यांनी मंत्रिमंडळ फेरबदलाचे संकेत दिले. आपण वर्षभरात मंत्री होणार असल्याचे सूतोवाच त्यांनी. गडचिरोली जिल्ह्यातील स्थानिक स्वराज्य संस्था निवडणुकांमध्ये रा. कॉ. अजित पवार गटाने स्वबळाचा नारा दिला. दिवाळीच्या आधी चामोर्शी शहरात मोठी सभा घेत जनकल्याण यात्रेची सुरुवात केली. या मालिकेतील दुसरी सभा वडसा येथे पार पडली. या जाहीर सभेत केलेल्या आपल्या भाषणातून आ. धर्मराव बाबा आत्राम यांनी राष्ट्रवादी काँग्रेस अजित पवार गटाला एक हाती सत्ता द्या, आपण जिल्ह्याचा विकास करून दाखवू आपण मंत्री होणारच आहोत असेही सांगितले.