धुळे महानगरपालिकेच्या निवडणुकीत मतदानाची तयारी प्रशासनाने सुरू केलीली आहे. महापालिकेच्या निवडणुकीसाठी 507 मतदान केंद्र असणार आहेत. त्यातील 18 मतदान केंद्र हे संवेदनशील आहेत. गेल्या पंचवार्षिक निवडणुकीमध्ये 120 संवेदनशील मतदान केंद्र होते. त्या तुलनेने यावेळेस 102 संवेदनशील मतदान केंद्र कमी झाले आहेत. मतदानासाठी प्रशासकीय पातळीवर तयारीला वेग आलेला आहे. अधिकारी, कर्मचाऱ्यांचे नियुक्ती करण्यात आलेले आहे. मतदान प्रक्रियेचे प्रशिक्षण ही दिले गेलेले आहे. त्यामुळे कुठलाही अनुचित प्रकार घडू नये अथवा तांत्रिक अडचणीमुळे मतदान प्रक्रियेत बाधा पोहचू नये यासाठी प्रशासनाने तयारी केलेली आहे. विशेष म्हणजे संवेदनशील मतदान केंद्रांवर वाढीव पोलीस बंदोबस्त ही तैनात करण्यात आला आहे