Anchor : अकोला शहरात पोलीस कर्मचाऱ्याच्या पत्नीची ऑनलाईन फसवणूक झाल्याने एकच खळबळ उडाली आहे.अज्ञात व्यक्तीने या महिलेचा व्हॉट्स अ‍ॅप अकाउंट हॅक करून फसवणुकीचा डाव रचला. हॅकिंगनंतर महिलेच्या बँक खात्यातून तब्बल एक लाख 70 हजार रुपये लंपास केल्याची माहिती समोर आली आहे. या प्रकरणी खदान पोलीस ठाण्यात तक्रार दाखल करण्यात आली असून, पोलिसांनी या घटनेचा तपास सुरू केला आहे. विशेष म्हणजे, अकोला पोलीस सध्या ऑनलाईन फसवणूक आणि सायबर गुन्ह्यांविषयी जनजागृती मोहीम राबवत आहेत.अशा वेळी पोलीस कर्मचाऱ्याच्या पत्नीचीच फसवणूक झाल्याने या मोहिमेच्या परिणामकारकतेवर प्रश्नचिन्ह निर्माण झाले आहे.सायबर तज्ज्ञांच्या मते, नागरिकांनी अनोळखी लिंक्सवर क्लिक करणे टाळावे, तसेच ओटीपी किंवा बँक खात्याची गोपनीय माहिती कोणालाही देऊ नये, असे आवाहन करण्यात आले आहे.