अकोल्यात अतिवृष्टीग्रस्त शेतकऱ्यांच्या विविध मागण्यांसाठी राष्ट्रवादी काँग्रेस (शरद पवार गट) तर्फे जिल्हाधिकारी कार्यालयासमोर ‘काळी दिवाळी’ आंदोलन करण्यात आले.शेतकऱ्यांना हेक्टरी ५० हजार रुपये आर्थिक मदत द्यावी, कर्जमाफी करावी, तसेच पीकविम्याची नुकसानभरपाई तातडीने मिळावी, अशा मागण्यांसाठी हे आंदोलन छेडण्यात आले.सरकार स्वतः दिवाळी साजरी करत असताना शेतकऱ्यांच्या घरात अंधार आहे, शेतकऱ्यांच्या मुलांना दिवाळी साजरी करता येत नाही, असा आरोप यावेळी राष्ट्रवादी काँग्रेस (श. प.)च्या पदाधिकाऱ्यांनी केला. या आंदोलनात पक्षाचे नेते, पदाधिकारी व कार्यकर्ते मोठ्या संख्येने सहभागी झाले होते. जिल्हाधिकाऱ्यांमार्फत मुख्यमंत्री आणि राज्य सरकारला मागण्यांचे निवेदन देण्यात आले.