जळगाव जिल्ह्यात नगर परिषदेच्या निवडणुकांमध्ये मंत्री व आमदारांच्या सौभाग्यवती या नगराध्यक्ष पदी रिंगणात आहेत. जामनेर भुसावळ नगरपरिषदेच्या निवडणुकांमध्ये मंत्र्यांच्या सौभाग्यवती रिंगणात असून जलसंपदा मंत्री गिरीश महाजन यांच्या पत्नी साधना महाजन भुसावळ मधून वस्त्रोद्योग मंत्री संजय सावकारे यांच्या पत्नी रजनी सावकारे नगराध्यक्ष पदाच्या रिंगणात आहेत, तर पाचोऱ्यामध्ये आमदार किशोर पाटील यांच्या पत्नी सुनीता पाटील यांच्याविरुद्ध माजी आमदार दिलीप वाघ यांच्या पत्नी सुचेता वाघ या रिंगणात आहेत. चाळीसगावमध्ये आमदार मंगेश चव्हाण यांच्या पत्नी प्रतिभा चव्हाण रिंगणात असून त्यांच्या विरोधात दिवंगत माजी आमदार राजीव देशमुख यांच्या पत्नी पद्मजा देशमुख देखील रिंगणात आहेत. त्यामुळे आपल्या पक्षातील उमेदवारांना निवडून आणण्यासोबत आपल्या सौभाग्यवतींनाही निवडून आणण्याची दुहेरी जबाबदारी मंत्री व आमदारांवर पडली आहे.