એંકર: સુરત: રાજ્ય સરકારે રત્નકલાકારોના સંતાનો માટે જાહેર કરેલી શૈક્ષણિક સહાય હજી સુધી ન મળતા હીરા ઉદ્યોગ સાથે સંકળાયેલા પરિવારોમાં રોષ ફેલાયો છે. બે મહિના કરતાં વધુ સમય વીતી ગયો હોવા છતાં વિદ્યાર્થીઓને આર્થિક સહાય ન મળતા અનેક રત્નકલાકારો માટે સંતાનોની સ્કૂલ ફી ભરવી પણ મુશ્કેલ બની ગઈ છે. વીઓ:1 હીરા ઉદ્યોગમાં ચાલી રહેલી મંદીને કારણે હજારો રત્નકલાકારોએ તેમની નોકરી ગુમાવી છે. આર્થિક પરિસ્થિતિ અત્યંત કફોડી બની જતાં, કેટલાક રત્નકલાકારોએ જીવ ટૂંકાવવા જેવા અંતિમ પગલાં પણ ભર્યા હતા. બાઈટ:ભાવેશ ટાંક (ડાયમંડ વર્કર યુનિયન ગુજરાતના ઉપપ્રમુખ) વીઓ:2 સરકારની જાહેરાત બાદ, સમગ્ર ગુજરાતમાંથી ૧.૨૦ લાખથી વધુ રત્નકલાકારોના સંતાનો માટે ફી માફીની અરજીઓ આવી હતી. એકલા સુરત શહેરમાંથી જ ૩૦૦થી વધુ શાળાઓના ૭૮,૦૦૦ વિદ્યાર્થીઓની અરજીઓ નોંધાઈ હતી. આટલી મોટી સંખ્યામાં અરજીઓ સ્વીકારવામાં આવી હોવા છતાં, હજી સુધી એક પણ વિદ્યાર્થીને આર્થિક સહાય મળી નથી. બાઈટ:ભાવેશ ટાંક (ડાયમંડ વર્કર યુનિયન ગુજરાતના ઉપપ્રમુખ) વીઓ:3 ડાયમંડ વર્કર યુનિયન ગુજરાતના ઉપપ્રમુખે તાત્કાલિક શૈક્ષણિક આર્થિક સહાય આપવાની માંગ કરી છે. તેમણે જણાવ્યું છે કે અનેક રત્નકલાકારોના બાળકોને ફી ન ભરી શકવાને કારણે શૈક્ષણિક મુશ્કેલીઓનો સામનો કરવો પડી રહ્યો છે. આ પરિસ્થિતિને કારણે રત્નકલાકારોમાં સરકાર પ્રત્યે ભારે નારાજગી જોવા મળી રહી છે. અને તેમને લાગે છે કે સરકારની જાહેરાત માત્ર એક વચન બનીને રહી ગઈ છે. પ્રશાંત ઢીવરે - સુરત PACKAGE