એકર દેલાડવામાં સરદાર માર્કેટના દલાલની હત્યા કરી ફેંકી દેવાયેલી લાશ મળવાના પ્રકરણમાં કાઈમ બ્રાંચે પટણાથી આરોપીને પકડી પાડયો હતો. અપ્રાકૃતિક સંબંધ માટે દબાણથી કંટાળી જઈ નવીન યાદવ કૌટુંબિક ભાઇ સાથે મળી હત્યા કરી હતી. ગુનો કર્યા બાદ ૧૫ હજાર રોકડા અને મોબાઇલની લૂંટ ચલાવી ટ્રેનમાં બિહાર ભાગી છૂટયો હતો. વિઓ.1 સુરતના દેલાડવા ગામ, વિનોદભાઈ પટેલના ખેતરમાં બનાવેલી પાણીના નાળામાંથી ગત શનિવારે બપોરે એક યુવકની હત્યા કરી ફેંકી દેવાયેલી લાશ મળી આવી હતી. મૃતકનાં ગળા તથા માથાના પાછળના ભાગે તીક્ષ્ણ હથિયારના ઇજાનાનિશાનો મળી આવ્યા હતા. ડિંડોલી પોલીસે આ મામલે હત્યાનો ગુનો નોંધી તપાસ કરતાં મૃતકની ઓળખ પરવત પાટિયા, ચંદ્રલોક સોસાયટીમાં રહેતા અને સરદાર માર્કેટમાં દલાલી કરતાં સુભાષ દત્તાત્રેય લાટે તરીકે થઇ હતી.સુભાષ ગત ૧૫મી ઓગસ્ટે માર્કેટમાં ગયા બાદથી ગુમ હતો. તેની બાઈક પણ ગુમ હોઈ હત્યારો તેની નજીકનો જ હોવાનું પોલીસને આશંકા હતી. દરમિયાન ક્રાઈમ બાંચે આ ગુનાનો ભેદ ઉકેલી નાંખ્યો હતો. ક્રાઈમ બાંચે આરોપી નવીન પ્રમોદ યાદવને બિહારના પટનાથી સ્થાનિક એટીએફની મદદ લઈ પકડી પાડયોહતો. પોલીસના જણાવ્યા પ્રમાણે મૃતક સુભાષ છ માસથી સરદાર માર્કેટમાં આડતિયા-મુન્શી તરીકે કામ કરતો હતો. આરોપી નવીન યાદવને તે હમાલી કામ માટે માર્કેટમાં બોલાવતો હતો અને અકુદરતી સંબંધ માટે વારંવાર દબાણ કરતો હતો. જેથી કંટાળી જઈ નવીને કૌટુંબિક ભાઈ વિકાસ બબુલ યાદવ સાથે મળી હત્યાનો કારસો ઘડ્યો હતો. ફરવાના બહાને સુભાષની જ બાઇક પર ત્રણેય જણા દેલાડવા ગયા હતા અને ત્યાં ઘાતકી હત્યા કરી દીધી હતી. ત્યારબાદ મૃતકના ખિસ્સામાંથી રોકડા ૧૫ હજાર, મોબાઈલ લૂંટી લીધા બાદ સુભાષની બાઈક રાજીવનગર ખાતે છોડી ટ્રેનમાં બેસી બિહાર ભાગી છૂટયા હતા. વિકાસ યાદવ હાલ વોન્ટેડ છે. બાઈટ..ભાવેશ રોજીયા.ડીસીપી ક્રાઇમબ્રાંચ