पाडरा के डाभास रोड पर युवक की निर्मम हत्या, हत्यारे की तलाश जारी

પાદરા તાલુકાના ડભાસા રોડ પર મહલી તલાવડી પાસે મોડી રાત્રે એક યુવકની નિર્મમ હત્યાની ઘટના સામે આવી છે. મળતી માહિતી અનુસાર, શનાભાઈ રાવજીભાઈ ચાવડા નામના યુવકની તીક્ષ્ણ હથિયારથી હત્યા કરવામાં આવી હોવાની આશંકા છે. યુવકના શરીર પર છાતી તેમજ માથાના ભાગે ગંભીર ઘા જોવા મળ્યા હતા, જેના કારણે ઘટનાએ સમગ્ર વિસ્તારમાં ચકચાર મચાવી છે. ઘટનાના સમયે પરિવારના અન્ય સભ્યો ઘરની અંદર સૂતા હતા, જ્યારે શનાભાઈ ઘરના બહાર સૂતો હતો. મોડી રાત્રે કોઈ અજાણયા શખ્સો દ્વારા આ ઘટનાને અંજામ આપવામાં આવ્યો હોવાની શક્યતા વ્યક્ત કરવામાં આવી રહી છે. સવારે ઘટના અંગે જાણ થતા જ આસપાસના લોકો એકત્ર થયા હતા. માહિતી મળતા પાદરા પોલીસ તાત્કાલિક ઘટના સ્થળે પહોંચી હતી અને મૃતદેહને પોસ્ટમોર્ટમ માટે મોકલવામાં આવ્યો હતો. પોલીસએ ઘટના સ્થળનો કડક સુરક્ષા બંધોબસ્ત ગોઠવી તપાસ શરૂ કરી છે. આસપાસ લાગેલા સીસીટીવી કેમેરાના ફૂટેજ ચકાસવામાં આવી રહ્યા છે, તેમજ આજુબાજુના રહેવાસીઓની પૂછપરછ પણ હાથ ધરવામાં આવી છે. હत्यાનો ભેદ ઉકેલવા માટે પોલીસના ઉચ્ચ અધિકારીઓ સહિત વિવિધ એજન્સીઓ તપાસમાં જોડાઈ છે. હાલ સમગ્ર મામલે પોલીસ ગુનો દાખલ કરી વધુ તપાસ શરૂ કરી છે.