ગુજરાત સરકાર દ્વારા રાજ્યના અનુસૂચિત જાતિ અને આદિજાતિના વિદ્યાર્થીઓના હિતમાં એક ખૂબ જ મહત્વનો અને ઐતિહાસિક નિર્ણય લેવામાં આવ્યો છે. વર્ષ 2026-27ના बजેટમાં સરકારે પોસ્ટ-મેટ્રિક શિષ્યવૃત્તિ માટેની વાર્ષિક આવક મર્યાદામાં ધરખમ વધારો કર્યો છે. આ નિર્ણયને પગલે દક્ષિણ ગુજરાતના વલસાડ જિલ્લામાં ખુશીની લહેર જોવા મળી રહી છે. ગુજરાત સરકારના વર્ષ 2026-27ના बजેટમાં શિક્ષણ ક્ષેત્રે ક્રાંતિકારી ફેરફાર લાવવા માટે એક મોટું પગલુ ભરવામાં આવ્યું છે. અત્યાર સુધી SC અને ST કેટેગરીના જે વિદ્યાર્થીઓના પરિવારની વાર્ષિક આવક 2.50 લાખ સુધી હતી, તેમને જ પોસ્ટ-મેટ્રિક શિષ્યવૃત્તિનો લાભ મળતો હતો. પરંતુ હવે આ મર્યાદા વધારીને 6 લાખ રૂપિયા કરી દેવામાં આવી છે. આ નિર્ણયથી મધ્યમ વર્ગના હજારો આદિવાસી પરિવારોને મોટી રાહત મળશે અને તેમના બાળકો ઉચ્ચ શિક્ષણથી વંચિત નહીં રહે. વલસાડ જિલ્લાના આદિવાસી વિદ્યાર્થીએ આ સમાચાર સાંભળતા જ સરકારનો આભાર વ્યક્ત કર્યો હતો.