ઈરાન અને ઈઝરાયેલ ,અમેરિકા વચ્ચે ચાલી રહેલા સંઘર્ષની સીધી અસર હવે સામાન્ય માનવીના સ્વાસ્થ્ય પર પણ જોવા મળી રહી છે. વૈશ્વિક તણાવને કારણે દેશભરમાં સર્જાયેલી ગેસ સીલિન્ડરની અછતમાં વલસાડની સરકારી આયુર્વેદિક હોસ્પિટલ પણ આવી ગઈ છે. ગેસના અભાવે અહીં દર્દીઓને અપાતી સ્ટીલમ/સ્ટીમ અને ઉકાળા જેવી પાયાની સુવિધાઓ ખોરવાઈ ગઈ છે. જેના પગલે હોસ્પિટલ તંત્રએ દર્દીઓની સંખ્યામાં ઘટાડો કરવાની ફરજ પડી છે વિઓ : વલસાડની આ સરકારી આયુર્વેદિક હોસ્પિટલ, જ્યાં દરરોજ મોટો સંખ્યા દર્દીઓ પોતાની વ્યાધિઓના ઈલાજ માટે આશા સાથે આવે છે. ખાસ કરીને પેરાલિસીસ (લક્ઝા) ના દર્દીઓ માટે અહીંની સ્ટીમ બાથ અને આયુર્વેદિક ઉકાળો રામબાણ ઈલાજ સાબિત થાય છે. પરંતુ, છેલ્લેના કેટલાક દિવસોથી અહીંનું ચિત્ર બદલાઈ ગયું છે. ગેસ સિલિન્ડરના પુરવઠામાં થયેલા ઘટાડાના કારણે આ મહત્વપૂર્ણ સારવાર પ્રક્રિયાઓમાં મોટો અવરોધ ઉભો થયો છે. આયુર્વેદિક પદ્ધતીમાં સ્ટીમ આપવા માટે અને જડીબુટ્ટીઓના ઉકાળા બનાવવા માટે ગેસની સતત જરૂરિયાત રહે છે. ગેસ વગર આ પ્રક્રિયાઓ શક્ય નથી. જો વધુ દર્દીઓને લેવામાં આવે તો તેમને ક્વોલિટિ મુજબની સારવાર આપી શકાતી નથી. આ મજબૂરીને કારણે, જે હોસ્પિટલમાં પહેલા દરરોજ ૧૦૦ થી વધુ દર્દીઓની સારવાર થતી હતી, ત્યાં હવે માત્ર ૨૦ થી ૩૦ દર્દીઓને જ પ્રવેશ આપવામાં આવી રહ્યો છે. હોપસ્પિટલ તંત્ર દ્વારા હવે દર્દીઓને ટોકન અથવા નંબર આપીને વારાફરતી બોલાવવામાં આવી રહ્યા છે. ગંભીર દર્દીઓને પ્રાથમિકતા આપવાનો પ્રયાસ થઈ રહ્યો છે. પરંતુ ગેસની અછત એટલી ગંભીર છે કે ઈલેક્ટ્રિક સાધનો પણ પૂરતા સાબિત નથી થઈ રહ્યા. દૂર-દૂરથી આવતા દર્દીઓને સારવાર લીધા વગર જ પરત જવું પડી રહ્યું છે અથવા લાંબી રાહ જોવી પડી રહી છે.સ્થાનિક વહીવટી તંત્ર અને હોસ્પિટલ મેનેજમેન્ટ દ્વારા ઉપલી કક્ષાએ આ અંગે જાણ કરવામાં આવી છે. જો વહેલી તકે ગેસનો પુરવઠો પૂર્વવત નહિ થાય, તો આગામી દિવસોમાં દર્દીઓની હાલાકીમાં ઓર ઘણા વધારો થવાની ભીતિ સેવાઈ રહી છે. એક તરફ મોંઘી સારવાર અને બીજી તરફ આયુર્વેદમાં પણ આવી મુશ્કેલીઓ, સામાન્ય જનતા માટે હવે "જાયે તો જાયે કહાં" જેવી સ્થિતિ સર્જાઈ છે.