વડોદરાના બાપોદ વિસ્તારમાં આવેલા મારૂતિ ફ્લેટમાં આગ લાગવાની ઘટના સામે આવી હતી. અચానક આગ લાગતા ધુમાડાના ગોટા જોવા મળ્યા હતા. પ્રાથમિક તારણ મુજબ એસીમાં શોર્ટ સર્કિટના કારણે આગ લગાયાની શક્યતા વ્યક્ત કરવામાં આવી છે. ફાયર વિભાગની ટીમે સમયસર પહોંચી આગ પર કાબુ મેળવી લીધો હતો. વડોદરા શહેરના બાપોદ વિસ્તારમાં આવેલા મારૂતિ ફ્લેટમાં આજે આગ લાગવાની ઘટના સામે આવતા વિસ્તારોમાં થોડીવાર માટે અફરાતફરીનો માહોલ સર્જાયો હતો. ફ્લેટમાંથી અચાનક આગની જ્વાળામાં ધુમાડાના ગોટા નીકળતા સ્થાનિક રહેવાસીઓમાં ભય ફેલાયો હતો. ઘટનાની જાણ થતા તાત્કાલિક ફાયર વિભાગને જાણ કરવામાં આવી હતી, જેના પગલે પાણીગેટ અને ગાજરાવાડી ફાયર સ્ટેશનની ટીમો ઘટના સ્થળે પહોંચી હતી. ફાયર ફાઇટરો દ્વારા ભારે જહેમત બાદ આગ પર કાબુ મેળવવામાં આવ્યો હતો. પ્રાથમિક તપાસમાં એસીમાં શોર્ટ સર્કિટના કારણે आग લાગી હોવાની શક્યતા વ્યક્ત થઈ છે. સદનસીબે સમયસર आग પર કાબુ મેળવતા કોઈ જાનહાનિ થયાની માહિતી સામે આવી નથી, પરંતુ ફ્લેટમાં રહેલ સામાનને નુકસાન થયું હોવાનું જાણવા મળ્યું છે. હાલ ફાયર વિભાગ દ્વારા સંપૂર્ણ ઘટનાની વધુ તપાસ હાથ ધરવામાં આવી છે.