કઠોર દ.ગુ. વીજ કચેરીનો સિનિયર કલાર્ક અને લેબર કોન્ટ્રાક્ટરે કોમર્શિયલ વિજ કનેક્શન મેળવવા માટે ૭૦ હજાર રૂપિયાની લાંચ માંગી હતી. જેથી ફરિયાદીએ એસીબીનો સંપર્ક કરી કર્યો હતો. એસીબીના છટકામાં બેને કામરેજ ટોલનાકાની બાજુમાં સ્વાગત નર્સરીમાં લાંચના રૂપિયા લેતા ઝડપાઈ ગયા હતા. સુરત કઠોર સબ ડિવિઝન સમાવીષ્ટ વિસ્તારની પોતાની માલિકીની જગ્યામાં કોમર્શિયલ વિજ કનેક્શન લેવા માટે જરૂરી કાગળો તથા પુરાવાઓ કઠોર સબ ડિવિઝન કચેરી ખાતે ફરીયાદી દ્વારા આપવામાં આવ્યા હતા. ત્યારે જે કોમર્શિયલ વિજ મીટર લગાડવાની કાર્યવાહી કરવાનાં અવેજ પેટે કઠોર સબ ડિવિઝનમાં સિનિયર કલાર્ક તરીકે ફરજ બજાવતા સંતોષ ભગવાન સોનવણે તથા લેબર કોન્ટ્રાક્ટર ભરત રમણીક સાવલીયાએ ફરીયાદી પાસે ૭૦ હજાર રૂપિયા લાંચની માંગણી કરી હતી. ફરીયાદી પાસે પુરતા પેપરો હતા. જેથી તેઓ લાંચ આપવા માંગતા ન હતા. જેથી લાંચીયા સિનિયર કલાર્ક અને લેબર કોન્ટ્રેક્ટરને પાથ ભણાવવા એસીબીનો સંપર્ક કર્યો હતો. હરકતમાં આવેલી સુરત ગ્રામ્ય એસીબી પીઆઈ આર.કે. સોલંકીએ પોતાની ટીમ સાથે છટકુ ગોઠવ્યું હતું. આ દરમિયાન સિનિયર કલાર્કે લાંચની ૭૦ હજાર રૂપિયાની_Rકમ લેવા લેબર કોન્ટ્રાક્ટરને મોકલ્યો હતો. એસીબીએ કામરેજ ટોલનાકા પાસે સ્વાગત નર્સરીમાં લાંચની રકમ લેવાં આવેલા સિનિયર કલાર્ક સંતોષ ભગવાન સોનવણે અને લેબર કોન્ટ્રાક્ટર ભરત રમણીક સાવલીયાને આબાદ ઝડપી પાડયા હતા. અને લાંચની ૭૦ હજાર રૂપિયા રીકવર કરી હતી.