સુરત જિલ્લાની માંડવી તાલુકામાં એક ચોંકાવનારી ઘટના સામે આવી છે, જેમાં એક પરિવિતાને પ્રેમજાળમાં ફસાવી દુષ્કર્મ આચરવા અને ગેરકાયદેસર ધર્મ પરિવર્તન કરાવવાના આરોપસર પિતા-પુત્રની ધરપકડ કરવામાં આવી છે. ધરપકડ કરાયેલા આરોપીઓ પૈકી એક વ્યક્તિ સરકારી શાળાનો આચાર્ય છે અને ધર્માતરણ સાથે સંકળાયેલા ટ્રસ્ટનું સંચાલન કરે છે. વીઓ:1 માંડવી ખાતે ન્યુ લાઈફ ક્લિનિકના તબીબ અંકિત ચૌધરીએ એક પરિવીતાને તેની બીમાર પતિની સારવાર કરાવવા આવતા પ્રેમજાળમાં ફસાવી હતી. ત્યારબાદ તબીબે પરિણીતા સાથે દુષ્કર્મ આચર્યું હતું.પરિણીતાએ ફરિયાદમાં જણાવ્યું છે કે અંકિત ચૌધરીએ ધર્મ પરિવર્તન કરાવી ક્લિનિકમાં જ તેની સાથે વારંવાર શારીરિક સંબંધો બાંધ્યા હતા. વીઓ:2 આરોપી અંકિત ચઓધરીએ પરિણીતા પર એવું દબાણ કર્યું હતું કે, "તારું આખું પરિવાર ધર્મ પરિવર્તન કરશે તો જ હું તને અને તારો દીકરીને અપનાવી લગ્ન કરીશ." પરિણીતાએ આ દબાણ સ્વીકારી ધર્મ પરિવર્તન કરવાની તૈયારી બતાવી, તો તબીબ અંકિત ચૌધરીએ તેને તરછોડી દીધી હતી અને જાનથી મારી નાખવાની ધમકી પણ આપી હતી. વીઓ:3 પરિવીતાની ફરિયાદના આધારે માંડವಿ પોલીસે ગુનો નોંધાઈ તપાસ હાથ ધરી હતી. આ તપાસ દરમિયાન આરોપી અંકિત ચૌધરીના પિતા રામજી ચૌધરી અને અન્ય સભ્યો દ્વારા પણ પરિણીતા પર ખ્રિસ્તી ધર્મ અપનાવવા માટે દબાણ કરાયા હતા. માંગરોળ ડિવિઝનના DYSP દ્વારા આ અંગે અલગથી તપાસ હાથ ધરી હતી, જેમાં પોલીસને તમામ પુરાવા મળી આવતા ગેરકાયદેસર ધર્મ પરિવર્તનનો વધુ એક ગુનો દાખલ કરવામાં આવ્યો હતો. આમ, બે અલગ-અલગ ગુનાઓમાં માંડવી પોલીસે પિતા રામજી ચૌધરી અને પુત્ર અંકિત ચૌધરીની ધરપકડ કરી છે. વીઓ:4 ધરપકડ કરાયેલા પૈકીના રામજી ચૌધરી માંડવીની પીપલવાડા સ્થિત સરકારી શાળામાં આચાર્ય તરીકેનો પદભાર ધરાવે છે. આ ઉપરાંત, તેઓ ધી પ્રે ફોર એવરલાસ્ટિંગ લાઈફ ચારિટેબલ ટ્રસ્ટનું પણ સંચાલન કરે છે. આ ટ્રસ્ટના માધ્યમથી રામજી ચૌધરી ખ્રિસ્તી ધર્મનો પ્રચાર-પ્રસાર કરતા હોવાનું બહાર આવ્યું છે. તપાસમાં પુરાવા મળ્યા છે કે રામજી ચૌધરી અલગ-અલગ લોહ-લાલચ અને પ્રલોભન આપીને ધર્મ પરિવર્તન કરાવી રહ્યા હતા. વીઓ:5 માંડવી પોલીસ હવે આ બંને આરોપીઓ દ્વારા અત્યાર સુધીમાં કેટલા લોકોને ગેરકાયદેસર રીતે ધર્મ પરિવર્તન કરાવવામાં આવ્યું છે, તે દિશામાં તપાસ શરૂ કરી છે. આ આરોપીઓના બેંક એકાઉન્ટોની ઝીણવટભરી તપાસ પણ હાથ ધરીશું. ક્યાં-કયા વિસ્તારમાં આ રીતે ગેરકાયદે ધર્મ પરિવર્તન કરાવવામાં આવ્યું છે તે તપાસ ચાલી રહી છે. માંડવી પોલીસની આ ઝીણવટભરી તપાસમાં ગેરકાયદેસર ધર્મ પરિવર્તનના અનેક કેસોનો ખુલાસો થવાની શક્યતા છે.