નવસારી જિલ્લા દરમ્યાન આદિવાસી પટ્ટાના તેમજ કાંઠાના ગામડાઓમાં ઉનાળો આવતા જ પાણી સમસ્યા સંભળાતી હતી. પરંતુ ભારત સરકારના નળ સે જળ યોજના અંતર્ગત જિલ્લામાં વર્ષ 2021/22 સુધીમાં મોટાભાગના ગામડાંમાં નળ સે જળ યોજના કાર્યરત થતા લાખો લોકોની પાણી સમસ્યાનો નિવારણ થયું છે. નવસારી તાલુકાના પૂર્વ પટ્ટીના નાનકડા વસાર ગામમાં પણ 4 વર્ષ પહેલા આદિવાસી પરિવારોએ કોઈકના કુવાંઓ ઉપર અથવા બોરિંગમાંથી પાણી લેવું પડતું હતું. મહિલાઓ ડોલ અને માથે બેડા રાખીને પાણી લેવાનું જવું પડતું હતું. ઉનાળામાં સમસ્યા વિકટ બનતા ઘરકામ, નોકરી, મજૂરી બાળકોનું ભણતર, રસોઈ આ તમામ છોડીને પાણી લેવા જવું પડતું होतું. પરંતુ વર્ષ 2022 માં પાણી પુરવઠા વિભાગના વાસ્મો અંતર્ગત નળ સે જળ યોજના હેઠળ ગામના તમામ ઘરોના આંગણે નળ પહોંચતા લોકોની પાણી સમસ્યાનું સમાધાન થયું હતું. આજે ગામમાં બે વાર પાણી આપવામાં આવે છે અને ઉનાળામાં ઘણીવાર બપોરના સમયે પણ પાણી આપવામાં આવે છે. તેથી ગામની મહિલાઓ સહ ગ્રામીણોની સમસ્યાનું સમાધન થતા ભારત સરકારનો આભાર વ્યક્ત કર્યો હતો.