નવસારી જિલ્લામાં અઠવાડિયા પહેલાં આવેલ વાવાઝોડામાં સહાય મુદ્દા રાજકારણ ગરમાયું છે. આજે વાંસડાના ધારાસભ્ય અનંત પટેલ દ્વારા સરકાર દ્વારા સહાય ન ચુકવવાના આક્ષેપોમાં વાંસડામાં અસરગ્રસ્તો સાથે રેલી કાઢી તાલુકા સેવા સદનના પ્રાંગણમાં ધારણા પ્રદર્શન કર્યા હતા. જેમાં વાંસડાના વાવાઝોડામાં અસરગ્રસ્ત ગામડાઓના 170 ઘરોને નુકસાન થયું છે. જેમને પાંચ લાખ રૂપિયાની সহાયની માંગ કરી હતી. ત્યારે જિલ્લા પંચાયત પ્રમુખે વાંસદા અને ચીખલી તાલુકાના કુલ 32 ગામડાઓને વાવાઝોડામાં અસર થઈ હોવાની વાત કરી હતી. જેમાં 3500 ઘરોને નુકસાન થયું હતું, જેમાંથી 1,000 ઘરોને વધુ નુકસાન થયું, જેનો સર્વે પ્રમાણે 30 લાખના નુકસાન થયાનો રિપોર્ટ થયાનો જણાવી, જેના આધારે અત્યાર સુધીમાં 8 લાખ રૂપિયાની સહાય ચુકવાઈ ગઈ છે અને બાકીની સહાય ચૂકવવાની પ્રક્રિયા ચાલી રહી છે. ઉલ્લેખનીય છે કે, વાવાઝોડાના અસરગ્રસ્તોને સહાય ચુકવવા અંગેની આ વાત જિલ્લા પંચાયત પ્રમુખે જિલ્લા પંચાયતની સામાન્ય સભામાં કરી હતી.