રાજપીપલા સ્થિત પાસપોર્ટ ઓફિસને ઇ-મેઇલ મારફતે બોમ્બથી ઉડાવી દેવાની ધમકી મળતા વિસ્તારતમાં તાત્કાળ ચકચાર મચી હતી. મળેલી માહિતી અનુસાર, પાસપોર્ટ ઓફિસ જે પોસ્ટ ઓફિસના પરિસરમાં આવેલ છે, ત્યાં સુરક્ષા એજન્સીઓ દ્વારા તરત જ કામગીરી હાથ ધરવામાં આવી. ધમકી મળતાની સાથે જ નર્મદા પોલીસ, બોમ્બ સ્કોડ, QRT ટીમ અને ફાયર બ્રિગેડના જવાનો ઘટના સ્થળે પહોંચી ગયા હતા. સુરક્ષા દૃષ્ટિએ પોસ્ટ ઓફિસ તથા પાસપોર્ટ ઓફિસ બંનેને ખાલી કરાવી પરિસરની સંપૂર્ણ તપાસ હાથ ધરવામાં આવી. બોમ્બ શોધવા માટે જરૂરી તમામ સાધન-સામગ્રી સાથે વિશેષ ટીમ દ્વારા સુક્ષ્મ શોધ ઓપરેશન કરવામાં આવ્યું. ઉપરાંત તપાસમાં કોઈ શંકાસ્પદ વસ્તુ મળી આવી ન હતી. નર્મદા પોલીસ દ્વારા સમગ્ર વિસ્તારને સુરક્ષિત જાહેર કરવામાં આવ્યો છે અને ધમકીભર્યા ઈ-મેઈલ અંગે વધુ તપાસ ચાલુ છે. ઈ-મેઈલ મોકલનાર વ્યક્તિ સુધી પહોંચવા માટે સાયબર સેલની મદદ લેવામાં આવી રહી છે.