જામનગર જિલ્લાને ઠેબા ગામે તાજેતરમાં કમોસમી વરસાદ બાદ ગુજરાત સરકાર દ્વારા જાહેર કરેલ કૃષિ સહાય રાહત પેકેજનું ઝી 24 કલાકની ટીમ દ્વારા રિયાલિટી ચેક કરાયું હતું. જામનગર જિલ્લામાં પણ કમોસમી વરસાદના પગલે ખેડૂતોને ભારે નુકસાન થયું છે. ગ્રામ પંચાયતની કચેરીએ સહાયની ઓનલાઇન નોંધણી કરાવવાના માટે ખેડૂતોને હેરાનગી થાય છે. ચાર દિવસથી રાજ્ય સરકાર દ્વારા નોંધણી શરૂ થાય છે. ઓનલાઇન નોંધણીમાં અગાઉના ત્રણ દિવસ સતત સર્વર ડાઉન રહેતા ખેડૂતો હેરાન થયા હતા. જ્યારે આજથી સર્વરમાં ધીમે ધિમે càક્ષાતી કામગીરી શરૂ થાય છે હવે ખેડૂતોમાં રાહત થઈ છે. સરકાર દ્વારા ઓનલાઇન નોંધણીની વ્યવસ્થામાં ફેરફાર કરવામાં આવે તેવી ખેડૂતોની માંગ છે. જ્યારે રાજ્ય સરકાર દ્વારા જાહેર કરેલ કૃષિ રાહત પેકેજની રકમ ખેડૂતોની મજાક સમાન હોવાનું પણ ખેડૂતોએ જણાવી છે અને આ સહાયમાં ફેરફાર કરવામાં આવે તેવી પણ માંગ કરાઈ હતી.