ગુજરાત એટીએસને એક મોટી સફળતા મળી છે. પંજાબમાં હેરોઈન, હેન્ડ ગ્રેનેડ અને પિસ્તોલના મોટા કન્સાઇનમેન્ટ સાથે સંકળાયેલો મોસ્ટ વોન્ટેડ આરોપી રહેમતઅલી શેખ ની ધરપકડ ગુજરાત એટીએસ એ કરી છે પાકિસ્તાન બોર્ડરથી નશીલા પદાર્થો અને વિસ્ફોટકો ઘુસાડનારા આ નેટવર્કનો મહત્વનો કડીરૂપ શખ્સ અમદાવાદના રખિયાલમાં છુપાયો હતો. એટીએસની ટીમે ઓપરેશન પાર પાડીને પંજાબ પોલીસ ને જાણ કરવા માં આવી છે અમદાવાદનું રખિયાલ વિસ્તાર અને ત્યાં આવેલું એક એમ્બ્રોડરીનું કારખાનું... અહીં સામાન્ય મજૂરની જેમ કામ કરતો રહેમતઅલી શેખ હકીકતમાં કોઈ સાધારણ ગુનેગાર નથી, પુરતાય આ આંતરરાષ્ટ્રીય નાર્કોટિક્સ અને હથિયાર સ્મગલિંગ નેટવર્કનો સભ્ય છે. પંજાબની પાકિસ્તાન બોર્ડરથી હેરોઈન અને ઘાતક હેન્ડ ગ્રેનેડ સપ્લાય કરવાના ગુણામાં તે મુખ્ય આરોપી હતો. ગત જાન્યુઆરી માસમાં અમૃતસરમાં જ્યારે 43 કિલો હેરોઈન અને ચાર હેન્ડ ગ્રેનેડ પકડાયા, ત્યારથી આ શખ્સ પોલિસને થાપ આપી રહ્યો હતો. આરોપીની મોડસ ઓપરેન્ડી અને તેના ભાગવાની રીત જોઈને સુરક્ષા એજન્સીઓ પણ ચોંકી ગઈ છે. અમૃતસરના રાજાસાંસી પોલીસ સ્ટેશનમાં ગુનો નોંધાયા બાદ, રહેમતઅલી પહેલા પંજાબથી નેપાળ ભાગી ગયો હતો. નેપાળમાં થોડો સમય છુપાયા બાદ તે બિહાર થઈને ગુજરાતમાં પ્રવેશ્યો. પોતાની ઓળખ છુપાવવા માટે તે રખિયાલમાં મજૂરીકામ કરી રહ્યો હતો. પણ ગુજરાત એટીએસની બાજ નજરથી તે બચી શક્યો નહીં. પોલીસ તપાસમાં સામે આવ્યું છે કે આ નેટવર્ક માત્ર ડ્રગ્સ નહીં પરંતુ દેશમાં અસ્થિરતા ફેલાવવા માટે વિસ્ફોટકો પણ સપ્લાય કરતું હતું. રહેમતઅલી પાસેથી અગાઉ પંજાબમાં સ્ટાર-માર્ક પિસ્તોલ અને 46 જીવંત કારતૂસ પણ જપ્ત કરવામાં આવ્યા હતા. હાલ ગુજરાત એટીએસ દ્વારા આ વોન્ટેડ આરોપીની અટકાયત કરવામાં આવી છે અને તેને પંજાબ પોલીસને સોંપવાની પ્રક્રિયા હાથ ધરાઈ છે.