యువకుడిని కాపాడిన మత్స్యకారులు

శ్రీశైలం పాతాళ గంగకు విహారయాత్రకు వెళ్లిన నలుగురు స్నేహితులు కృష్ణా నదిలో స్నానం చేస్తుండగా, ప్రవాహంలో కొట్టుకుపోయిన యువకుడిని మత్స్యకారులు చాకచక్యంగా కాపాడారు. యువకుడు కొట్టుకుపోతుండటం గమనించిన మత్స్యకారులు వెంటనే పడవలో వెళ్లి సురక్షితంగా ఒడ్డుకు చేర్చారు. దీంతో ఆ యువకుడు ప్రాణాలతో బయటపడ్డాడు. సకాలంలో స్పందించి యువకుడి ప్రాణాలు కాపాడిన మత్స్యకారులను పలువురు అభినందించారు.