DC Beat KKR By 40 Runs: దాదాపు రెండు నెలల పాటు అలరించిన ఐపీఎల్‌ 2026 చివరి దశకు చేరుకుంది. ఆదివారంతో లీగ్‌ దశ ముగియగా ఆఖరి మ్యాచ్‌లో కలకత్తా నైట్‌రైడర్స్‌పై ఢిల్లీ క్యాపిటల్స్‌ భారీ విజయాన్ని అందుకుంది. మ్యాచ్‌ ఫలితాలు టోర్నీని ఎలాంటి మలుపు తిప్పకపోయినా పరువు కాపాడుకునేందుకు ఇరు జట్లు అత్యంత ప్రాధాన్యంతో మ్యాచ్‌లో తలపడ్డాయి. కలకత్తాపై ఆల్‌రౌండ్‌ ప్రదర్శన చేసిన ఢిల్లీ ఆఖరు విజయాన్ని అందుకుని పరువు కాపాడుకుంది. 40 పరుగుల తేడాతో కలకత్తాపై ఢిల్లీ క్యాపిటల్స్‌ విజయం సాధించింది. మ్యాచ్‌ విశేషాలు ఇలా ఉన్నాయి.

తొలి మ్యాచ్‌లో ముంబై ఇండియన్స్‌పై రాజస్థాన్‌ రాయల్స్‌ గెలిచి ఐపీఎల్‌ 2026 ప్లే ఆఫ్స్ బెర్తును దక్కించుకున్న వేళ ఢిల్లీ క్యాపిటల్స్, కలకత్తా నైట్‌రౌడర్స్‌ మధ్య జరిగిన మ్యాచ్‌కు ప్రాధాన్యం లేదు. ఈడెన్ గార్డెన్స్‌లో జరిగిన మ్యాచ్‌లో టాస్‌ ఓడి ఢిల్లీ క్యాపిటల్స్‌ తొలుత బ్యాటింగ్‌ చేసింది. నిర్ణీత 20 ఓవర్‌లలో 5 వికెట్ల నష్టానికి ఢిల్లీ 2023 పరుగులు చేసింది. ఓపెనర్ కేఎల్ రాహుల్‌ (60) అర్ధ శతకంతో చెలరేగి ఆడగా.. 4 ఫోర్లు బాదాడు. కెప్టెన్‌ అక్షర్ పటేల్ 39 పరుగులతో రాణించగా.. సాహిల్‌ పరాఖ్‌ (24), డేవిడ్‌ మిల్లర్‌ (28), అశుతోష్‌ శర్మ (18) తలా కొన్ని పరుగులు చేశారు. కలకత్తా బౌలర్లు పరిమితంగా వేసి ఢిల్లీ స్కోర్‌బోర్డును కొంత నియంత్రించారు. సౌరభ్‌ దుబే రెండు వికెట్లతో పర్వాలేదనిపించగా.. అనుకూల్‌ రాయ్‌, సునీల్‌ నరైన్‌, వరుణ్‌ చక్రవర్తి తలా ఒక్కో వికెట్‌ పడగొట్టారు.

ఢిల్లీ విధించిన లక్ష్యాన్ని ఛేదించడానికి దిగిన కలకత్తా నైట్‌రైడర్స్‌ కుప్పకూలి 18.4 ఓవర్లు 163 పరుగులు చేసి మ్యాచ్‌ను చేజార్చుకుంది. కెప్టెన్‌ అజింక్యా రహానే అద్భుతమైన అర్ధ శతకంతో మెరిసినా.. మిగతా బ్యాటర్లు సహకరించలేకపోయారు. 39 బంతుల్లో 63 పరుగులు చేసిన అజింక్యా నాలుగేసి ఫోర్లు, సిక్సర్లు నమోదు చేశాడు. ఫిన్‌ అలెన్‌ (20), మనీష్‌ పాండే (25), రావుమెన్‌ పావెల్‌ (29) పోరాడినా విజయానికి కావాల్సిన పరుగులు రాబట్టలేకపోయారు. కామెరూన్‌ గ్రీన్‌ రెండు పరుగులకే పరిమితమవగా.. రింకూ సింగ్‌, కార్తీక్‌ త్యాగి డకౌటయ్యాడు. అనుకూల్‌ రాయ్‌ (9), వరుణ్‌ చక్రవర్తి (5) తక్కువ పరుగులు నమోదు చేశారు. ఢిల్లీ క్యాపిటల్స్‌ బౌలర్లు అద్భుతంగా బంతులు వేసి ప్రత్యర్థిని లక్ష్యాన్ని చేరుకోకుండా అడ్డగించింది. బౌలర్లంతా సమష్టి కృషితో కలకత్తా కుప్పకూలింది. లుంగి ఎంగిడి, కుల్దీప్‌ యాదవ్‌ మూడు వికెట్లు తీసి కలకత్తాను భారీ దెబ్బతీశారు. మిచెల్‌ స్టార్క్‌ రెండు వికెట్లు, కెప్టెన్‌ అక్షర్‌ పటేల్‌ ఒక వికెట్‌ పరిమితమయ్యాడు. ఈ విజయంతో ఢిల్లీ క్యాపిటల్స్‌ పరువు నిలబెట్టుకోగా.. కలకత్తా నైట్‌రైడర్స్‌ సొంత గడ్డపై చివరి మ్యాచ్‌ను కూడా కోల్పోయి ఘోర పరాభవం ఎదుర్కొంది.

ఈ మ్యాచ్‌తో ఐపీఎల్‌ 2026 లీగ్‌ దశ ముగిసింది. అన్ని జట్లు 14 మ్యాచ్‌లు ఆడగా కలకత్తా, ఢిల్లీ జట్లు కూడా పూర్తి చేశాయి. మొత్తం 14 ఆడిన ఇరు జట్లలో ఢిల్లీ క్యాపిటల్స్‌ ఏడేసి విజయాలు, ఓటములను చవిచూసిన 14 పాయింట్లు ఖాతాలో వేసుకుంది. ఇక కలకత్తా నైట్‌రౌడర్స్‌ మొత్తం 14 మ్యాచ్‌లు ఆడి 6 విజయాలు, ఏడు ఓటములను చవిచూసింది. వీరిద్దరి మధ్య జరిగిన మ్యాచ్‌ ముగియడంతో ఐపీఎల్‌ 2026 లీగ్‌ మ్యాచ్‌ల దశ ముగిసింది. ఇక సోమవారం ఒక రోజు విరామం తర్వాత మంగళవారం బెంగళూరు, గుజరాత్‌ మధ్య ఎలిమినేటర్‌ తొలి మ్యాచ్‌ జరగనుండగా.. బుధవారం హైదరాబాద్‌, రాజస్థాన్‌ మధ్య మ్యాచ్‌ జరగనుంది. 

Maruti Dzire CNG: ఇండియన్ ఆటో మొబైల్ మార్కెట్లో మారుతీ సుజుకీ బ్రాండ్ కు ఉన్న ప్రత్యేకతే వేరు. ముఖ్యంగా మధ్యతరగతి కుటుంబాలకు, కమర్షియల్ వెహికల్స్ రంగంలో ఈ కంపెనీ కార్లకు భారీగా డిమాండ్ ఉంటుంది. ప్రస్తుతం దేశంలోనే నెంబర్ సెడాన్ కారుగా నిలిచింది మారుతీ సుజుకీ డిజైర్. అమ్మకాల్లోనూ సరికొత్త రికార్డ్ క్రియేట్ చేస్తోంది. అద్భుతమైన మైలేజీ, తక్కువ మెయింటనెన్స్, పవర్ ఫుల్ ఫీచర్లతో ఈ కారు వినియోగదారుల్లో నిరంతరం ప్రజాదరన పొందుతోంది. అందుకే ఇది అమ్మకాల పరంగా అనేక పెద్ద మోడళ్లతో పోటీ పడుతోంది.ప్రతి నెలా వేలాది మంది కొనుగోలు చేస్తున్నారు.

గత కొన్ని నెలలుగా ఈ కారు సేల్స్ పరంగా అన్ని బ్రాండ్ల కార్ల మీద భారీ పై చేయి సాధిస్తూ వస్తోంది. డిజైర్ సాధిస్తున్న ఈ అద్భుతమైన విజయానికి ప్రధాన కారణం అందులోని సీఎన్జీ వేరియంట్ అని మార్కెట్ వర్గాలు చెబుతున్నాయి. కంపెనీ ఫైనాన్షియల్ ఇయర్ 2025-26 . మారుతి సుజుకి డిజైర్ CNG 1.35 లక్షలకు పైగా యూనిట్ల అమ్మకాలను నమోదు చేసింది. అంటే ప్రతి నెలా 11,000 మందికి పైగా కస్టమర్లు ఈ కారును ఎగబడి కొనుగోలు చేస్తున్నారు. టాక్సీ, ప్రైవేట్ విభాగాలలో దీనికి డిమాండ్ బలంగా ఉంది. ఒక కేజీ గ్యాస్ కు ఏకంగా 33.73 కి.మీ.ల అద్భుతమైన మైలేజీ అందిస్తోంది. 

MI vs RR Highlights: ఆరంభంలో అదిరే విజయాలు సాధించి.. అనంతరం వెనకబడిపోయిన రాజస్థాన్‌ రాయల్స్‌ ఆఖరి లీగ్‌ మ్యాచ్‌లో అద్భుతం చేసింది. ముంబై ఇండియన్స్‌ను ఓడించిన రాజస్థాన్‌ రాయల్స్‌ ఐపీఎల్‌ 2026 ప్లేఆఫ్స్‌లో బెర్త్‌ దక్కించుకుంది. ఇప్పటికే ప్లేఆఫ్స్‌లో చేరిన సన్‌రైజర్స్‌తో ఎలిమినేటర్‌ 2 మ్యాచ్‌ ఆడనుంది. అదిరే ప్రదర్శన చేసిన రాజస్థాన్ రాయల్స్ 30 పరుగుల తేడాతో ముంబైపై విజయం సాధించింది. ఈ మ్యాచ్‌కు సంబంధించిన విశేషాలు ఇవే.

Smart Skywalk Works: హైదరాబాద్‌ నగరంలో రద్దీ ప్రాంతమైన మెహిదీపట్నంలో భారీ ట్రాఫిక్‌ ఆంక్షలు విధిస్తున్నారు. హైదరాబాద్‌లో నిత్యం బిజీగా ఉండే మెహిదీపట్నం రైతుబజార్ వద్ద స్కైవాక్ నిర్మాణ పనులతోపాటు పీవీఎన్ఆర్ ఎక్స్‌ప్రెస్‌వేపై సీసీటీవీ కెమెరా పోల్స్ ఏర్పాటు చేస్తున్నారు. ఈ పనుల నేపథ్యంలో హైదరాబాద్‌లో భారీగా ట్రాఫిక్ డైవర్షన్స్‌ ప్రకటించారు. వాహనదారులకు ఇబ్బందులు కలగకుండా చూసేందుకు హైదరాబాద్ ట్రాఫిక్ పోలీసులు కీలక నిర్ణయం తీసుకున్నారు. వాహనాల రాకపోకలు సజావుగా సాగేలా మే 24, 25 తేదీలలో సాయంత్రం 4 గంటల నుంచి మరుసటి రోజు ఉదయం 6 గంటల వరకు ట్రాఫిక్ మళ్లింపులు, ప్రత్యామ్నాయ మార్గాలను ఏర్పాటు చేసినట్లు హైదరాబాద్ ట్రాఫిక్ పోలీస్ జాయింట్ కమిషనర్ ఒక ప్రకటనలో తెలిపారు.

ట్రాఫిక్ మళ్లింపులు, ప్రత్యామ్నాయ మార్గాల వివరాలు

మాసబ్ ట్యాంక్ నుంచి రేతిబౌలి వైపు
మాసబ్ ట్యాంక్, ఎన్ఎండీసీ, సరోజిని దేవి కంటి ఆసుపత్రి వైపు నుంచి రేతిబౌలి - నానల్ నగర్ వైపు వెళ్లే ట్రాఫిక్‌ను పీవీఎన్ఆర్ ఎక్స్‌ప్రెస్‌వే పిల్లర్ నెం. 2 నుంచి 3 (అజీజియా మసీదు) వద్ద మెరాజ్ కేఫ్ మీదుగా కుడి వైపునకు మళ్లించి.. మెహదీపట్నం పిల్లర్ నెం. 15 వద్ద సాధారణ మార్గంలోకి వాహనాలను అనుమతిస్తారు

టోలిచౌకి, లంగర్‌హౌస్ నుంచి మాసబ్ ట్యాంక్ వైపు
టోలిచౌకి, లంగర్‌హౌస్, అత్తాపూర్ నుంచి నానల్ నగర్ - రేతిబౌలి మీదుగా మాసబ్ ట్యాంక్ వైపు వెళ్లే ట్రాఫిక్‌ను పీవీఎన్ఆర్ ఎక్స్‌ప్రెస్‌వే పిల్లర్ నంబర్‌ 23 వద్ద యూ-టర్న్ చేయించి.. వ్యతిరేక దిశలో పంపి.. అనంతరం పిల్లర్ నంబర్‌ 4, 5 వద్ద మళ్లీ సాధారణ మార్గంలో కలుపుతారు

మాసబ్ ట్యాంక్ నుంచి శంషాబాద్ విమానాశ్రయం వైపు
మాసబ్ ట్యాంక్ నుంచి శంషాబాద్ విమానాశ్రయం వైపు వెళ్లే వాహనాలను సరోజిని దేవి కంటి ఆసుపత్రి వద్ద లక్ష్మీనగర్ రాంప్ (పిల్లర్ నంబర్‌ 77) వైపునకు మళ్లిస్తారు

శంషాబాద్ విమానాశ్రయం నుంచి మెహదీపట్నం వైపు
శంషాబాద్ విమానాశ్రయం నుంచి మెహదీపట్నం వైపు వచ్చే వాహనాలు లక్ష్మీనగర్ రాంప్ (పిల్లర్ నంబర్‌ 88) వద్ద ఎగ్జిట్ తీసుకోవాల్సి ఉంటుంది. పీవీఎన్ఆర్ ఎక్స్‌ప్రెస్‌వేపై పనుల పురోగతికి అనుగుణంగా వాహనాలను ఆయా డౌన్ రాంపుల ద్వారా కిందకు అనుమతిస్తారు.

ట్రాఫిక్ పోలీస్ విజ్ఞప్తి
వాహనదారులు ఎప్పటికప్పుడు ట్రాఫిక్ అప్‌డేట్ల కోసం హైదరాబాద్ ట్రాఫిక్ పోలీస్ అధికారిక ఫేస్‌బుక్ పేజీ (facebook.com/HYDTP), ఎక్స్ (ట్విట్టర్) హ్యాండిల్ (@HYDTP)లను పరిశీలించాలని ట్రాఫిక్‌ పోలీసులు సూచించారు. ప్రయాణంలో ఎలాంటి అత్యవసర పరిస్థితి ఎదురైనా.. సహాయం కోసం ట్రాఫిక్ హెల్ప్‌లైన్ నంబర్ 9010203626ను సంప్రదించవచ్చు. నగర ప్రజలు, వాహనదారులు ఈ ట్రాఫిక్ మళ్లింపులను గమనించి ట్రాఫిక్ ఇబ్బందులు లేని ప్రత్యామ్నాయ మార్గాలను ఎంచుకుని తమ గమ్యస్థానాలకు చేరుకోవాలని సూచించారు. హైదరాబాద్ ట్రాఫిక్ పోలీసులకు సంపూర్ణంగా సహకరించాలని జాయింట్ కమిషనర్ ఆఫ్ పోలీస్ విజ్ఞప్తి చేశారు.

Extramarital Affair Crime: భర్తతో వివాహమై ఇద్దరు పిల్లలు కలిగిన తర్వాత భార్య వేరొకరితో వివాహేతర సంబంధం ఏర్పరచుకుంది. ప్రియుడి మోజులో పడి కట్టుకున్న భర్తను వదిలేయాలని చూసింది. తమ బంధానికి అడ్డుగా ఉన్నాడని భావించి ప్రియుడితో కలిసి భర్త హత్యకు ప్రణాళిక రచించింది. భర్తను ఫుల్లుగా తాగించి మద్యం మత్తులో ఉండడంతో అతడిని ప్రియుడితో కలిసి భార్య హత్య చేసింది. భర్త మృతదేహాన్ని అతడి సొంత పొలంలోనే జేసీబీతో గుంతలో పూడ్చివేసింది. ఈ సంఘటన సంగారెడ్డి జిల్లాలో చోటుచేసుకుంది.

సంగారెడ్డి జిల్లా నారాయణఖేడ్‌ మండలం గంగాపూర్ గ్రామానికి చెందిన ముత్యంరెడ్డికి, భార్య కల్పన ఉంది. వీరిద్దరికీ టీనేజ్‌ కలిగిన పిల్లలు ఉన్నారు. భర్త రోజువారీ వ్యవసాయ పనులు చేస్తుండేవాడు.. భార్య ఓ ఆస్పత్రిలో నర్సుగా పనిచేస్తోంది. ఆమెకు మానూరు మండలం ఎల్గోయి గ్రామానికి చెందిన గైనీ పండరితో పరిచయమైంది. ఆ పరిచయం కాస్త వారిద్దరి మధ్య వివాహేతర సంబంధానికి దారితీసింది.  తరచూ వీరిద్దరూ కలుసుకునేవారు. ఈ క్రమంలో తమ బంధానికి ముత్యంరెడ్డి అడ్డుగా ఉన్నాడని భావించారు. అతడి అడ్డు తొలగించుకుంటే హాయిగా తామిద్దరం కలిసి జీవించవచ్చనే భావన ఏర్పడింది.

ఒకరోజు భర్త ముత్యంరెడ్డికి భార్య పీకలదాకా మద్యం తాగించింది. అనంతరం హత్య చేసి భర్త పొలంలోనే మృతదేహాన్ని జేసీబీ సహాయంతో పూడ్చిపెట్టారు. ఎవరికీ అనుమానం రాకుండా పూడ్చిపెట్టిన ప్రాంతంలో రాళ్లు పెట్టారు. అయితే తొమ్మిది రోజులుగా ముత్యంరెడ్డి కనిపించకపోవడంతో కుటుంబసభ్యులు నారాయణఖేడ్ పోలీసులను ఆశ్రయించారు. భర్త కనిపించడం లేదని భార్య మిస్సింగ్ కేసు పెట్టింది. ఆమె ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

దర్యాప్తులో భాగంగా భార్య కల్పనపై పోలీసులు అనుమానం వ్యక్తం చేసి తమదైన విచారణ చేశారు. ఆమెతో పోలీసులు విస్తుగొలిపే నిజాలు బయటపెట్టారు. ఆమెతోపాటు ప్రియుడు పండరిని అదుపులోకి తీసుకుని విచారించారు. తమ వివాహేతర సంబంధానికి అడ్డుగా మారుతున్నాడనే కారణంతోనే ముత్యంరెడ్డిని హత్య చేసినట్లు భార్యతోపాటు ఆమె ప్రియుడు పండరి పోలీసుల విచారణలో అంగీకరించారు. ఈ ఘటన నారాయణఖేడ్ ప్రాంతంలో తీవ్ర కలకలం రేపింది. కేసుకు సంబంధించిన పూర్తి వివరాలు పోలీసుల అధికారిక ప్రకటన అనంతరం వెల్లడి కానున్నాయి.

IDFC Petrol Card Offer: రోజురోజుకూ పెరుగుతున్న పెట్రోల్ ధరలతో సామాన్యుడి జేబుకు చిల్లు పడుతోంది. ఇలాంటి సమయంలో ఇంధన  ఖర్చులతో పాటు రోజువారీ షాపింగ్‌లపై వేల రూపాయలు ఆదా చేసుకునే అద్భుతమైన అవకాశం మార్కెట్లోకి వచ్చింది. అదే IDFC పవర్ ప్లస్ క్రెడిట్ కార్డ్ ద్వారా ఏడాదికి 171 లీటర్ల పెట్రోల్‌ను ఉచితంగా పొందే అవకాశం ఉంది అదెలాగో ఇప్పుడు తెలుసుకుందాం. 

అయితే క్రెడిట్ కార్డు కొనుగోలు చేయాలంటే రూ.499గా వార్షిక రుసుము వెచ్చించాల్సి ఉంటుంది. రెండో ఏడాది నుండి రూ.499 వసూలు చేస్తారు. అయితే, ఏడాదిలో రూ.1,50,000 లేదా అంతకంటే ఎక్కువ ఖర్చు చేస్తే ఈ వార్షిక రుసుము పూర్తిగా మాఫీ అవుతుంది. అయితే ఈ కార్డు జారీ చేసిన వెంటనే కస్టమర్లకు భారీ ప్రయోజనాలు లభించే అవకాశం ఉంది. HPCL బంకుల్లో చేసే మొదటి రూ.500 ఖర్చుపై రూ.500 విలువైన గిఫ్ట్ వోచర్ లభిస్తుంది. అలాగే మొదటి EMI కన్వర్షన్‌పై గరిష్టంగా రూ.1000 వరకు (5%) క్యాష్‌బ్యాక్ వస్తుంది. వీటికి అదనంగా రూ.1000 విలువైన మర్చంట్ ఆఫర్లు సొంతమవుతాయి.

అదనపు ప్రయోజనాలు..
ఈ క్రెడిట్ కార్డు వినియోగదారులకు ఉచిత ఎయిర్‌పోర్ట్ లాంజ్ యాక్సెస్ ఉంటుంది. ప్రతి నెలా కనీసం రూ.20,000 ఖర్చు చేస్తే, త్రైమాసికానికి ఒకసారి డొమెస్టిక్ ఎయిర్‌పోర్ట్ లాంజ్‌ను ఉచితంగా వాడుకోవచ్చు. అలాగే మూవీ టిక్కెట్లపై 25% వరకు (గరిష్టంగా రూ.100) తగ్గింపు లభిస్తుంది. అత్యవసర పరిస్థితుల్లో ఏటీఎం నుండి నగదు తీసుకుంటే గడువు తేదీ వరకు 0% వడ్డీ వర్తిస్తుంది (కేవలం ప్రాసెసింగ్ ఫీజు ఉంటుంది). అదే విధంగా ఈ కార్డు వినియోగదారుల రూ.2,00,000 విలువైన ఉచిత వ్యక్తిగత ప్రమాద బీమా లభిస్తుంది. రోడ్‌సైడ్ అసిస్టెన్స్ కోసం రూ.1,399 విలువైన రోడ్‌సైడ్ సహాయం ఉచితంగా అందుకోవచ్చు.

172 లీటర్ల పెట్రోల్ లెక్క ఎలా?
ఒక లీటర్ పెట్రోల్ ధర సుమారు రూ.110 గా లెక్కిస్తే.. ఈ కార్డు ద్వారా లభించే రివార్డులు, క్యాష్‌బ్యాక్‌ల రూపంలో ఏడాదికి మొత్తం రూ.18,918 వరకు ఆదా చేసుకోవచ్చు. అంటే దాదాపు 172 లీటర్ల పెట్రోల్ ఉచితంగా పొందినట్లే లెక్క! అంతేకాకుండా, మీ స్నేహితులకు ఈ కార్డును రిఫర్ చేయడం ద్వారా అదనంగా మరో 10,000 రివార్డ్ పాయింట్లను కూడా సొంతం చేసుకోవచ్చు. తక్కువ వడ్డీ రేట్లు, ఎక్కువ ప్రయోజనాలు ఉన్న ఈ క్రెడిట్ కార్డ్ నిత్యం ప్రయాణాలు చేసే వారికి ఒక గొప్ప అసెట్ అని చెప్పవచ్చు.

(గమనిక: పైన పేర్కొన్న సమాచారం కేవలం పాఠకాస్తకి కోసమే పొందుపరిచింది. దీన్ని పాటించే ముందు సంబంధిత అధికారిక వెబ్‌సైట్‌ను సందర్శించగలరు. దీన్ని జీ తెలుగు న్యూస్ ధ్రువీకరించడం లేదు.)

Chiyaan Vikram Workout: తమిళ చిత్ర పరిశ్రమలో చియాన్ విక్రమ్ తిరుగులేని నటుడిగా నిరూపించుకున్నారు. సినిమాలోని క్యారెక్టర్ కోసం ఆయన తన బాడీని పూర్తిగా ట్రాన్స్‌ఫర్మేన్ చేసుకోవడం దిట్ట. ఉదాహరణకు 'ఐ: మనోహరుడు' సినిమాలోని మూడు విభిన్న పాత్ర కోసం ఆయన శరీరాన్ని మలుచుకున్న తీరు ఎంతోమందికి స్ఫూర్తిని ఇచ్చింది. దాదాపుగా 60 ఏళ్ల వయసున్న నటుడు విక్రమ్.. ఈ వయసులోనూ ఫిట్‌గా కుర్రాళ్లకు దీటుగా కనిపిస్తున్నాడు.

ఎంతో అంకితభావంతో తన ఫిట్‌నెస్‌ను ఆ విధంగా కొనసాగిస్తున్నాడు. తాజాగా ఆయన కొన్ని జిమ్ ఫొటోలను సోషల్ మీడియాలో షేర్ చేశాడు. వాటిని చూసిన ఫ్యాన్స్ 60 ఏళ్ల వయసులోనూ ఇంత యవ్వనంగా ఉండడం ఎలా సాధ్యమని ఆశ్చర్యపోతున్నారు. 

చియాన్ విక్రమ్ ఎప్పుడూ ఒకే రకమైన వ్యాయామాలు చేయరట. అతను ప్రతి పాత్రకు తగినట్లుగా తన శిక్షణ దినచర్యను మార్చుకుంటాడని ఆయన సన్నిహితులు చెబుతున్నారు. ముఖ్యంగా ప్లైయోమెట్రిక్ వ్యాయామాలు అతని ఫిట్‌నెస్ దినచర్యలో ఒక ముఖ్యమైన భాగమని అన్నారు. ఈ వ్యాయామాలు శరీరానికి వేగం, చురుకుదనాన్ని ఇవ్వడమే కాకుండా, కండరాల బలాన్ని కూడా మెరుగుపరుస్తాయట.

అదేవిధంగా, కార్డియో వ్యాయామాలు, వెయిట్‌లిఫ్టింగ్ వ్యాయామాలు అతని దినచర్యలో ముఖ్యమైన పాత్ర పోషిస్తాయి. 'ఐ' చిత్రంలో బాడీబిల్డర్ పాత్ర కోసం భారీ వెయిట్‌లిఫ్టింగ్, గూనన్ పాత్ర కోసం బరువు తగ్గడానికి కార్డియో వ్యాయామాలు వంటి పూర్తిగా భిన్నమైన వర్కౌట్‌లను అతను చేశాడు.

డైటింగ్ ఎంతో ముఖ్యం..
విక్రమ్ తన శరీరాకృతి మార్పులో ఆహార నియంత్రణకు చాలా ప్రాముఖ్యత ఇస్తాడు. శరీరాకృతి కేవలం వ్యాయామం వల్ల మాత్రమే కాకుండా, మనం తీసుకునే ఆహారం ప్రభావం వల్ల కూడా ఏర్పడుతుందని అతను నమ్ముతాడు. అందుకే, షూటింగ్ సమయంలో అతను చాలా ప్రణాళికాబద్ధమైన ఆహారాన్ని పాటిస్తాడు. బరువు తగ్గే సమయంలో, అతను ఫైబర్ అధికంగా ఉండే కూరగాయలు, పండ్లను ఎక్కువగా తింటాడు. అతను కార్బోహైడ్రేట్ ఆహారాలను తగ్గించి, గుడ్డులోని తెల్లసొన, ఉడికించిన చేపలు, చికెన్ వంటి ప్రోటీన్ అధికంగా ఉండే ఆహారాలను క్రమం తప్పకుండా తీసుకుంటాడు. 

BRS Party: 'ఉన్న నగరాన్ని పట్టించుకునే శక్తి లేదు కానీ.. 'ఫ్యూచర్ సిటీ' అంటూ అడ్డగోలు మాటలు చెబుతున్నారు. ఉన్న నగరాన్ని పట్టించుకోవడం చేతగాని రేవంత్ రెడ్డి ఫ్యూచర్ సిటీ పేరుతో పోజులు కొడుతున్నాడు' అని మాజీ మంత్రి కేటీఆర్ తీవ్ర ఆగ్రహం వ్యక్తం చేశారు. ఉన్న హైదరాబాద్ నగరంలో కనీసం మోరి తీసి చెత్త ఎత్తే పరిస్థితిలో కూడా లేని రేవంత్ రెడ్డి.. ఫ్యూచర్ సిటీ అంటే ఎవరూ నమ్మరని తెలిపారు. ఫ్యూచర్ లేని రేవంత్ రెడ్డి ఫ్యూచర్ సిటీ కడతా అంటే పట్టించుకునేది ఎవరూ అని ప్రశ్నించారు.

Free Power To Farmers: ఉచిత విద్యుత్తు రద్దు కోసమే కాంగ్రెస్ మోటర్లకు మీటర్లను పెడుతుందని.. ప్రీపెయిడ్ మీటర్లతో విద్యుత్ రంగాన్ని ప్రైవేటుపరం చేయబోతున్నదని బీఆర్‌ఎస్‌ పార్టీ వర్కింగ్‌ ప్రెసిడెంట్‌, మాజీ మంత్రి కేటీఆర్‌ ఆందోళన వ్యక్తం చేశారు. కాంగ్రెస్ వస్తే ఉచిత విద్యుత్తు పోతుందని ఆనాడే హెచ్చరించామని గుర్తుచేశారు. ప్రతి ఒక్కరి ఇంట్లో ప్రీపెయిడ్ మీటర్లు రాబోతున్నాయని చెప్పారు. కాంగ్రెస్ కరెంటు కుట్రలను ప్రజలు వ్యతిరేకించాలని పిలుపునిచ్చారు.

Adi Mukteshwar Temple Kaleshwaram: భారతదేశంలోనే అత్యంత ప్రసిద్ధిగాంచిన పుణ్యక్షేత్రాల్లో ఒకటైన కాలేశ్వరంలో మరో అద్భుత ఆధ్యాత్మిక రహస్యం దాగి ఉంది.. ఇక్కడి ప్రధాన ఆలయానికి కేవలం ఒక కిలోమీటర్ దూరంలో కొలువై ఉన్న ఆది ముక్తేశ్వరాలయం ఎంతో ప్రసిద్ధి చెందింది. కాశీ క్షేత్రానికి వెళ్తే ఎలాంటి పుణ్యం, ముక్తి లభిస్తుందో.. ఇక్కడి ఆది ముక్తేశ్వరుడిని దర్శించుకుంటే అలాంటి ముక్తి లభిస్తుందని భక్తుల ప్రగాఢ నమ్మకం.. ఈ ఆలయ విశిష్టత గురించి ఆలయ ప్రధాన పూజారి స్రవణ్ కుమార్ పలు ఆసక్తికరమైన విషయాలను వెల్లడించారు..

ఆలయ విశిష్టతను పూజారి శ్రవణ్ కుమార్ వివరిస్తూ.. ఈ ఆలయానికి ఆ పేరు రావడం వెనక ఒక గొప్ప పురాణ నేపథ్యం ఉందని తెలిపారు.. కలియుగం ప్రారంభం కాకముందే.. అంటే కాలం ఆదిలోనే ఇక్కడ శివుడు స్వయంభుగా వెలిశాడు.. సృష్టి ఆదిలోనే ఇక్కడ ఈశ్వర లింగం ఆవిర్భవించడం వల్లనే ఈ స్వామికి ఆది ముక్తేశ్వరుడు అనే పేరు వచ్చినట్లు ఆయన పేర్కొన్నారు. యుగయుగాలుగా ఈ ఆలయం ఇక్కడ భక్తుల పాలిట కల్పవల్లిగా విరాజిల్లుతూ వస్తోంది..

హిందూ సాంప్రదాయంలో కాశీ క్షేత్రానికి ఒక ప్రత్యేకమైన స్థానం ఉంది.. కాశీలో మరణిస్తే పునర్జన్మ లేకుండా నేరుగా ముక్తి లభిస్తుందని శాస్త్రాలు చెబుతున్నాయి. అయితే, అంతటి సుదూర ప్రాంతంలో ఉన్న కాశీకి వెళ్లలేనని భక్తుల కోసం కాలేశ్వరంలోనే ఈ ఆదిముక్తేశ్వరుడు కొలువుదీరాడని భక్తులు విశ్వసిస్తారు.. కాశీ క్షేత్రంలో మరణిస్తే మానవుడికి ఎలాంటి ముక్తి మోక్షం లభిస్తాయో.. పవిత్ర గోదావరి తీరాన ఉన్న ముక్తేశ్వరంలోని ఈ ఆది ముక్తేశ్వరుడిని భక్తిశ్రద్ధలతో దర్శించుకుంటే అలాంటి లాభాలే కలుగుతాయని ఆలయ పూజారి శ్రవణ్ కుమార్ తెలిపారు..