Amla Juice Benefits For Weight Loss: ప్రకృతి మనకు ప్రసాదించిన అద్భుత ఔషధం ఉసిరికాయ. కేవలం ఒక గ్లాసు ఉసిరి నీటిని మీ రోజువారి జీవితంలో భాగం చేసుకోవడం వల్ల అద్భుతమైన ఆరోగ్య ప్రయోజనాలు పొందవచ్చు. ముఖ్యంగా మధుమేహం, కొలెస్ట్రాల్ వంటి సమస్యలతో బాధపడేవారికి ఈ "పచ్చి ఉసిరి రసం" ఒక వరంలా పనిచేస్తుంది.

పురాతన కాలం నుండి ఆయుర్వేదంలో ఉసిరికాయకు ప్రత్యేక స్థానం ఉంది. ఉసిరి నీటిని క్రమం తప్పకుండా తీసుకోవడం వల్ల కలిగే ప్రధాన ప్రయోజనాల గురించి ఇప్పుడు తెలుసుకుందాం.

కొలెస్ట్రాల్, చక్కెర స్థాయిల నియంత్రణ
ఉసిరి నీరు రక్తంలోని చెడు కొలెస్ట్రాల్‌ను తగ్గించి, గుండె జబ్బుల ప్రమాదాన్ని నివారిస్తుంది. రక్తంలో చక్కెర స్థాయిలు ఎక్కువగా ఉన్నవారు ఉసిరి నీటిని తాగడం వల్ల ఇన్సులిన్ సున్నితత్వం మెరుగుపడుతుంది. ఇది సహజంగా షుగర్ లెవల్స్‌ను అదుపులో ఉంచుతుంది.

బరువు తగ్గుదల..
శరీర జీవక్రియను వేగవంతం చేయడంలో ఉసిరి నీరు కీలక పాత్ర పోషిస్తుంది. మీరు బరువు తగ్గాలనుకుంటే, వ్యాయామంతో పాటు ఈ పానీయాన్ని తీసుకుంటే శరీరంలోని అదనపు కొవ్వు వేగంగా కరుగుతుంది. ఇందులో పుష్కలంగా ఉండే విటమిన్-సి మీ ఇమ్యూనిటీని పెంచి ఇన్ఫెక్షన్ల నుండి రక్షిస్తుంది.

జీర్ణ సమస్యలకు పరిష్కారం
అజీర్ణం, కడుపు ఉబ్బరం, గ్యాస్ వంటి సమస్యలతో బాధపడేవారు ఉదయాన్నే ఖాళీ కడుపుతో ఉసిరి నీటిని తాగడం వల్ల మంచి ఫలితం ఉంటుంది. ఇది శరీరాన్ని లోపలి నుండి శుభ్రపరుస్తుంది.

ఉసిరి రసం ఎలా తీసుకోవాలి?
ఉదయాన్నే ఒక గ్లాసు గోరువెచ్చని నీటిలో ఉసిరి రసాన్ని కలుపుకుని తాగాలి. ఈ పానీయం కొంచెం వగరుగా అనిపిస్తే, రుచి కోసం కొద్దిగా తేనెను కలుపుకోవచ్చు.

(గమనిక: ఆరోగ్యకరమైన జీవనశైలి కోసం ఉసిరి రసం ఒక ఉత్తమ ఎంపిక. అయితే, ఏదైనా దీర్ఘకాలిక ఆరోగ్య సమస్యలు ఉన్నవారు లేదా మందులు వాడుతున్న వారు ఈ పానీయాన్ని ప్రారంభించే ముందు ఒకసారి వైద్యుని సలహా తీసుకోవడం ఉత్తమం. దీన్ని జీ తెలుగు న్యూస్ ధ్రువీకరించడం లేదు.)

Telangana Assembly Deputy Speaker: 'లోక్‌సభలో డిప్యూటీ స్పీకర్‌ పదవిని భర్తీ చేయలేదని కేంద్ర ప్రభుత్వాన్ని నిలదీస్తున్న కాంగ్రెస్‌ పార్టీ మరి తెలంగాణ అసెంబ్లీ డిప్యూటీ స్పీకర్‌ పదవిని ఎందుకు భర్తీ చేయడం లేదు' మాజీ మంత్రి హరీశ్ రావు ప్రశ్నించారు. ఈ సందర్భంగా కేసీఆర్‌ వేణుగోపాల్‌ తీరును ఖండించారు. 'రాష్ట్రంలో మాత్రం అడ్డగోలుగా రాజ్యాంగ ఉల్లంఘన. ప్రజాస్వామ్య వ్యవస్థలను ఖూనీ చేయడంలో కాంగ్రెస్, బీజేపీ దొందూ దొందే' అని విమర్శించారు.

AI Boyfriends Telugu News: ఆర్టిఫిషియల్ ఇంటెలిజెన్స్ చైనాలో సరికొత్త రూపం దాల్చింది. తోడు కోసం మనుషుల కంటే ఆర్టిఫిషియల్ ఇంటెలిజెన్సీ సృష్టించిన బాయ్ ఫ్రెండ్స్ వైపు అక్కడ యువతులు విపరీతంగా ఆకర్షితులవుతున్నారు. ఒంటరితనం నుంచి విముక్తి పొందడానికి కోట్లాదిమంది అమ్మాయిలు ఈ వర్చువల్ తోడును ఎంచుకోవడానికి ఇష్టపడుతూ ఉన్నారు. అయితే, ఆర్టిఫిషియల్ ఇంటెలిజెన్సీ బాయ్ ఫ్రెండ్స్ కి ఎక్కువ ప్రాముఖ్యత పెరగడంతో చైనా ప్రభుత్వం కలవర పడుతోంది. నిజానికి ఇంతలా ఆర్టిఫిషియల్ ఇంటెలిజెన్సీ అమ్మాయిలను ఆకర్షించడానికి గల కారణాలేంటి? దీనికి సంబంధించిన పూర్తి వివరాలేంటో మనం ఎప్పుడు తెలుసుకుందాం.

చైనాలో పెరుగుతున్న విపరీతమైన పని ఒత్తిడి, సామాజిక ఆంక్షలు, ఆర్థిక ఇబ్బందుల వల్ల యువతకు తమ రిలేషన్ షిప్ కొనసాగించడం పెద్ద భారం అవుతుందట.. పెళ్లి పట్ల విరక్తిగా ఉన్న యువతులు.. గొడవలు పడని, ఎల్లప్పుడూ ప్రేమగా మాట్లాడే ఆర్టిఫిషియల్ ఇంటెలిజెన్సీ చాట్ బాట్లను తమ జీవిత భాగస్వాములుగా భావిస్తూ వస్తున్నారట.. మిన్మో తో పాటు తో పాటు గ్లో వంటి యాపుల ద్వారా తమకు నచ్చిన లవర్స్ ను డిజైన్ చేసుకుంటున్నారు. అంతేకాకుండా  వీరికి 24 గంటలు అందుబాటులో ఉంటూ.. బాధల్లో ఉన్నప్పుడు మానసిక ఒత్తిడిని తగ్గించేందుకు ఓదార్చడం వంటి పనులు చేయడంతో యువతులు ఎక్కువగా వీటికి బానిసలు అవుతున్నారట..

అయితే, ఈ ఆర్టిఫిషియల్ ఇంటెలిజెన్సీ ఇప్పుడు చైనా కమ్యూనిస్టు పార్టీకి పెద్ద తలనొప్పిగా మారింది.. ఇప్పటికే దేశంలో జననాల రేటు విపరీతంగా పడిపోయి ఆందోళన కలిగిస్తుంటే.. యువతులు పెళ్లిళ్లు చేసుకోకుండా ఇలా కేవలం ఆర్టిఫిషియల్ ఇంటెలిజెన్సీ తోనే కాలం గడిపితే భవిష్యత్తులో దేశ జనాభా మరింత తగ్గిపోతుందని అక్కడి ప్రభుత్వం ఊహించని స్థాయిలో భయపడుతుందని వార్తలు వస్తున్నాయి. ఇది దేశ ఆర్థిక వ్యవస్థ పై కూడా ఊహించని ప్రభావం పడుతుందని కొంతమంది నిపుణులు చైనా ప్రభుత్వాన్ని హెచ్చరిస్తున్నారు. 

చైనా ప్రభుత్వం ఈ వర్చువల్ లవ్ ను అరికట్టేందుకు ప్రత్యేకమైన చర్యలు చేపడుతూ వస్తుంది. చాట్ బాట్లతో గడిపే సమయం పై ప్రత్యేకమైన పరిమితి కూడా విధించినట్లు తెలుస్తోంది. ఆర్టిఫిషియల్ ఇంటెలిజెన్స్ చాట్ బాట్లు సామాజిక విలువలను దెబ్బతీయకుండా.. అశ్లీలతకు తావు లేకుండా ఉండేలా కఠినమైన ఫిల్టర్లను అమర్చాలని కంపెనీలకు చైనా ప్రభుత్వం ఆదేశించింది. యువత మనస్తత్వాలను ప్రభావితం చేసే యాపులపై చైనా ప్రభుత్వం ఇప్పటికే ప్రత్యేకమైన నిఘాలు కూడా ఏర్పాటు చేసింది.

LPG, LNG, PNG Difference: మధ్యప్రాచ్యంలో పెరుగుతున్న ఉద్రిక్తతలు, ముఖ్యంగా ఇరాన్‌కు సంబంధించిన పరిస్థితులు ప్రపంచ ఇంధన మార్కెట్‌పై ప్రభావం చూపుతున్నాయి. ఈ పరిస్థితుల కారణంగా అంతర్జాతీయంగా గ్యాస్ సరఫరాలపై ఒత్తిడి పెరిగింది. దాని ప్రభావం భారతదేశంలో కూడా కనిపించడం ప్రారంభమైంది. గ్యాస్ ధరలు పెరగడం, కొంత ప్రాంతాల్లో సరఫరా అంతరాయం ఏర్పడడం వల్ల కొన్ని నగరాల్లోని చిన్న హోటళ్లు, రెస్టారెంట్లు తమ వ్యాపారాన్ని కొనసాగించడం కష్టంగా మారింది. కొన్ని చోట్ల కార్యకలాపాలను తాత్కాలికంగా నిలిపివేయాల్సిన పరిస్థితి కూడా ఏర్పడింది.

ఈ పరిస్థితుల్లో చాలా మంది ప్రజలకు ఒక సందేహం వస్తోంది. ఇంట్లో ఉపయోగించే గ్యాస్ ఏది? పైపుల ద్వారా వచ్చే గ్యాస్, సిలిండర్ గ్యాస్, LNG అన్నీ ఒకటేనా? వాస్తవానికి ఈ మూడు గ్యాస్ రకాల మధ్య స్పష్టమైన తేడాలు ఉన్నాయి. అవి ఏమిటి? భారత్‌లో అవి ఎలా సరఫరా అవుతున్నాయి? అనే విషయాలను సరళంగా తెలుసుకోవడం అవసరం. LPG, LNG, PNG మధ్య అసలు తేడా ఏంటీ? భారత్ ఈ గ్యాస్ ఎక్కడి నుంచి కొనుగోలు చేస్తుందో తెలుసుకుందాం. 

PNG అంటే ఏమిటి?

PNG అంటే  పైప్డ్ నేచురల్ గ్యాస్ . ఇది సహజ వాయువు. ఇందులో ప్రధానంగా మీథేన్ గ్యాస్ అధికంగా ఉంటుంది. ఈ గ్యాస్‌ను ప్రత్యేక పైప్‌లైన్ నెట్‌వర్క్ ద్వారా నేరుగా ఇళ్లకు సరఫరా చేస్తారు. ఢిల్లీ, ముంబై, నోయిడా, గురుగ్రామ్ వంటి పెద్ద నగరాల్లో ఇప్పటికే లక్షలాది ఇళ్లకు ఈ విధంగా గ్యాస్ అందుతోంది. PNG ఉపయోగించే ఇళ్లలో గ్యాస్ వినియోగాన్ని కొలవడానికి మీటర్ అమర్చుతారు. విద్యుత్ బిల్లుల మాదిరిగానే ప్రతి నెల గ్యాస్ వినియోగానికి అనుగుణంగా బిల్లు చెల్లించాలి. ఈ గ్యాస్‌ను ప్రధానంగా వంటకు,  గీజర్‌లకు ఉపయోగిస్తారు. PNG తేలికపాటి వాయువు కావడంతో లీక్ అయినా అది గాల్లోకి పైకి వెళ్లిపోతుంది. అందువల్ల ఇది తక్కువ ప్రమాదకరమైన, శుభ్రమైన ఇంధనంగా పరిగణిస్తారు. 

LPG అంటే ఏమిటి?
LPG అంటే  లిక్విఫైడ్ పెట్రోలియం గ్యాస్. ఇది మన ఇళ్లలో సాధారణంగా ఉపయోగించే సిలిండర్ గ్యాస్. ఇందులో ప్రొపేన్, బ్యూటేన్ అనే వాయువుల మిశ్రమం ఉంటుంది. ఈ వాయువులను అధిక ఒత్తిడితో ద్రవ రూపంలోకి మార్చి సిలిండర్లలో నింపుతారు. సాధారణంగా భారతదేశంలో 14.2 కిలోల సిలిండర్లు ఎక్కువగా ఉపయోగిస్తారు.  ప్రధాన మంత్రి ఉజ్వల యోజన అమలు తర్వాత దేశవ్యాప్తంగా కోట్లాది కుటుంబాలకు LPG కనెక్షన్లు అందాయి. ప్రస్తుతం భారతదేశంలో 32 కోట్లకు పైగా LPG కనెక్షన్లు ఉన్నట్లు అంచనా. LPGలో పెద్ద భాగం మధ్యప్రాచ్య దేశాల నుంచి దిగుమతి అవుతుంది. ఈ గ్యాస్ గాలి కంటే బరువుగా ఉంటుంది. అందువల్ల గ్యాస్ లీక్ అయితే అది నేల దగ్గర చేరి ప్రమాదం కలిగించే అవకాశం ఉంటుంది. అందుకే LPG వాడేటప్పుడు జాగ్రత్తలు తీసుకోవడం చాలా అవసరం.

Congress 6 Guarantees: 'కాంగ్రెస్ పార్టీ ఇచ్చిన హామీలు, కాంగ్రెస్ పార్టీ చేస్తున్న అరాచకాలపై ఈ అసెంబ్లీ సమావేశంలో అనుసరించాల్సిన వ్యూహంపై చర్చించాం' అని బీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్‌ తెలిపారు. 'రాష్ట్రంలో అన్ని ప్రాంతాల్లో కాంగ్రెస్ బుల్డోజర్లను పంపి ఇళ్లను కూలగొడుతున్న తీరుగానే శాసనసభలోనూ మంద బలంతో బుల్డోజర్ టాక్టిక్స్‌ని ప్రయోగిస్తున్నది. శాసనసభ, శాసనమండలి సమావేశాల్లో అబద్ధాలు, అసత్యాలను పచ్చిగా మాట్లాడుతూ అంకెలను తారుమారు చేస్తూ అసెంబ్లీ సమావేశాలను తూతూమంత్రంగా నిర్వహిస్తున్నది' అని విమర్శించారు. 'ఆరు గ్యారెంటీలకు తొలి మంత్రివర్గ సమావేశంలోనే నిర్ణయం తీసుకొని చట్టబద్ధత కల్పిస్తామని కాంగ్రెస్ పార్టీ హామీ ఇచ్చింది. దానికి తగ్గట్టు చట్టబద్దత కల్పించాలని ప్రైవేటు బిల్లు పెడతాం' అని కేటీఆర్‌ తెలిపారు.

EPS 95 Pension Hike Update: దేశవ్యాప్తంగా ఉన్న సుమారు 81 లక్షల మంది EPS-95 పెన్షనర్లకు సంబంధించిన ఒక కీలక పరిణామం తెరపైకి వచ్చింది. తమ కనీస పెన్షన్‌ను ఏకంగా 7 రెట్లు పెంచాలని డిమాండ్ చేస్తూ పెన్షనర్లు మరోసారి పోరాట బాట పట్టారు. ఈ నేపథ్యంలో ప్రభుత్వం నుంచి అందుతున్న సమాచారం, పెన్షనర్ల ఆందోళనల వివరాలను ఇప్పుడు తెలుసుకుందాం. ప్రస్తుత ద్రవ్యోల్బణం దృష్ట్యా నెలకు రూ.1,000 పెన్షన్ ఏమాత్రం సరిపోదని నిరసిస్తూ, పెన్షనర్లు తమ గొంతు వినిపిస్తున్నారు.

మార్చి 9 (నిన్న) నుండి ఢిల్లీలోని జంతర్ మంతర్ వద్ద మూడు రోజుల పాటు సాగే నిరసన కార్యక్రమాన్ని పెన్షనర్లు ప్రారంభించారు. ఇందులో కేంద్ర, రాష్ట్ర ప్రభుత్వ రంగ సంస్థలు, ప్రైవేట్ ఫ్యాక్టరీలు, మీడియా సంస్థల మాజీ ఉద్యోగులు ఈ పోరాటంలో భాగస్వాములయ్యారు. 30-35 ఏళ్లు విరాళాలు అందించినప్పటికీ, ప్రస్తుతం సగటున కేవలం రూ.1,171 మాత్రమే పెన్షన్ వస్తోందని వారు వాపోతున్నారు.

ప్రధాన డిమాండ్లు ఏమిటి?
EPS-95 జాతీయ పోరాట కమిటీ ప్రభుత్వం ముందు ఉంచిన ప్రధాన కోరికలు ఇవే. ప్రస్తుతమున్న రూ.1,000 ని రూ.7,500 కు పెంచాలని డిమాండ్ చేస్తున్నారు. కరువు భత్యం (DA), ఉచిత వైద్య సదుపాయం కల్పించాలని ఉద్యోగులు డిమాండ్ చేస్తున్నారు. నవంబర్ 4, 2022 నాటి సుప్రీంకోర్టు తీర్పు ప్రకారం అర్హులైన వారందరికీ అధిక పెన్షన్ ప్రయోజనాలు అందించాలని ఉద్యోగ సంఘాలు కోరుతున్నారు.

పెన్షన్ నిధిని నిర్వహించడంపై ప్రభుత్వం తన పరిమితులను వివరిస్తోంది. పెన్షన్ నిధిలో బీమా అకౌంటింగ్ లోటు ఉందని, అకస్మాత్తుగా పెన్షన్ మొత్తాన్ని భారీగా పెంచడం ఆర్థికంగా భారమని ప్రభుత్వం భావిస్తోంది. ప్రస్తుతం గరిష్ట జీత పరిమితి రూ.15,000పై లెక్కలు కడుతున్నారు. దీనిని పెంచితే తప్ప పెన్షన్ పెరగడం కష్టమని ప్రభుత్వం వాదిస్తోంది.

పెన్షన్ ఎంత పెరిగే అవకాశం ఉంది? 
ప్రస్తుతం జరుగుతున్న నిరసనలు, ఒత్తిడిని గమనిస్తే పెన్షన్ పెంపుపై ప్రభుత్వం ఒక మధ్యేమార్గాన్ని అన్వేషించే అవకాశం ఉంది. ప్రస్తుత కనీస పెన్షన్ రూ.1,000 ఉండగా.. దాన్ని రూ.7,500 వరకు పెంచాలంటూ ఉద్యోగులు పోరుబాట పట్టారు. అయితే నిపుణుల అంచనా ప్రకారం.. కనీస పెన్షన్ రూ.2,500 నుంచి రూ.3,000 వరకు పెరిగే అవకాశం ఉంది.

పెన్షనర్లు కోరుతున్నట్లుగా 7 రెట్లు పెంపు వెంటనే జరగడం కష్టమైనప్పటికీ, కనీస పెన్షన్‌ను రూ.3,000 వరకు పెంచే దిశగా ప్రభుత్వం అడుగులు వేయవచ్చని విశ్లేషకులు భావిస్తున్నారు. మార్చి 11న ముగిసే ఈ నిరసనల తర్వాత ప్రభుత్వం నుండి ఏదైనా అధికారిక ప్రకటన వెలువడుతుందేమో చూడాలి.

Tirumala Currency Permission: కలియుగ వైకుంఠవాసుడు కొలువుదీరిన తిరుమల కొండపైకి భక్త కోటి భారీ సంఖ్యలో తరలివస్తుంటారు. శ్రీవారిని దర్శించుకోవడానికి వచ్చే భక్తులు కొన్ని విషయాలు తెలుసుకోవాల్సి ఉంటుంది. తాజాగా జరిగిన ఓ పరిణామం భక్తులకు కొత్త సందేహం వ్యక్తమవుతోంది. తిరుమల కొండపైకి వెళ్లే సమయంలో అలిపిరి చెక్‌ పోస్టు వద్ద భారీగా డబ్బులు పట్టుబడ్డాయి. ఓ వ్యక్తి కారులో దాదాపు అర కోటికి పైగా డబ్బులు తీసుకెళ్తుండగా పోలీసులు వాటిని స్వాధీనం చేసుకున్నారు. ఈ పరిణామం చర్చనీయాంశంగా మారింది. ఆ వివరాలు ఇలా ఉన్నాయి.

Washing Clothes At Night Vastu: నేటి బిజీ లైఫ్‌లో సమయం సరిపోక చాలామంది రాత్రి వేళల్లో బట్టలు ఉతుకుతుంటారు. అయితే, వాస్తు శాస్త్రం, జ్యోతిష్య నిపుణులు ఈ అలవాటు పట్ల హెచ్చరిస్తున్నారు. రాత్రి పూట బట్టలు ఉతకడం వల్ల జీవితంలో ప్రతికూల మార్పులు వస్తాయని, కొన్ని వాస్తు దోషాలకు దారితీస్తుందని వారు చెబుతున్నారు. వాస్తు, శాస్త్రీయ దృక్కోణంలో రాత్రి వేళ బట్టలు ఉతకడం వల్ల కలిగే నష్టాల గురించి ఇప్పుడు తెలుసుకుందాం.

వాస్తు, ఆధ్యాత్మిక కారణాలు
ప్రతికూల శక్తి: వాస్తు శాస్త్రం ప్రకారం పగలు సానుకూల శక్తితో నిండి ఉంటుంది. రాత్రి వేళలో ప్రతికూల శక్తుల ప్రభావం ఎక్కువగా ఉంటుంది. రాత్రి పూట బట్టలు ఉతకడం వల్ల ఈ ప్రతికూలత దుస్తుల ద్వారా ఇంట్లోకి ప్రవేశించే అవకాశం ఉందని నమ్ముతారు.

ఆర్థిక ఇబ్బందులు: జ్యోతిష్య శాస్త్రం ప్రకారం.. అనవసరంగా రాత్రి వేళ నీటిని పారబోయడం ఇంటి శ్రేయస్సును తగ్గిస్తుంది. ఇది ఆర్థిక ఇబ్బందులకు, కుటుంబ సభ్యుల మధ్య మనస్పర్థలకు దారితీయవచ్చు.

వాస్తు దోషాలు: సూర్యాస్తమయం తర్వాత బట్టలు ఉతకడం లేదా ఆరబెట్టడం వల్ల ఇంట్లో వాస్తు దోషాలు పెరిగి, మానసిక అశాంతికి దారితీస్తుందని నిపుణులు హెచ్చరిస్తున్నారు.

శాస్త్రీయ, ఆరోగ్య పరమైన సమస్యలు
కేవలం నమ్మకాలే కాదు, సైంటిఫిక్ రీజన్స్ కూడా ఉన్నాయి. సూర్యరశ్మి ఒక సహజ క్రిమిసంహారకంగా ఉంటారు. రాత్రిపూట ఆరబెట్టిన బట్టలకు సూర్యకాంతి తగలదు. దీనివల్ల బట్టల్లోని తేమ వల్ల బ్యాక్టీరియా, సూక్ష్మక్రిములు పూర్తిగా నశించవు. సరిగ్గా ఆరని, బ్యాక్టీరియా ఉన్న బట్టలు ధరించడం వల్ల చర్మ అలెర్జీలు, దురద వంటి రుగ్మతలు వచ్చే ప్రమాదం ఉంది.

ఏ సమయంలో ఉతకడం ఉత్తమం?
వీలైనంత వరకు ఉదయం లేదా మధ్యాహ్నం వేళల్లో బట్టలు ఉతకడానికి ప్రాధాన్యత ఇవ్వండి. ఉతికిన బట్టలను సూర్యరశ్మి బాగా తగిలే చోట ఆరబెట్టడం వల్ల అవి పూర్తిగా క్రిమిరహితంగా మారుతాయి. ఇది ఇంట్లో సానుకూల శక్తిని నింపడమే కాకుండా, మీ దుస్తులకు తాజాగా ఉండేలా చేస్తుంది.

బిజీ షెడ్యూల్ వల్ల ఉదయం కుదరకపోతే, బట్టలను రాత్రి ఉతికినప్పటికీ, ఆరబెట్టే ప్రక్రియను మాత్రం పగలు సూర్యకాంతిలో ఉండేలా చూసుకోండి. సరైన పద్ధతుల్లో బట్టలు ఉతకడం వల్ల మీ ఆరోగ్యం, కుటుంబ శ్రేయస్సు రెండూ మెరుగుపడతాయి.

King Cobra Death Viral Video: సోషల్ మీడియాలో ప్రతిరోజూ వేలాది వీడియోలు వైరల్ అవుతుంటాయి. కానీ కొన్ని మాత్రం మనల్ని ఆశ్చార్యాని గురిచేస్తాయి. తాజాగా కింగ్ కోబ్రా (నాగుపాము) మరణానికి సంబంధించిన ఒక అరుదైన, భయంకరమైన వీడియో నెటిజన్లను వణికిస్తోంది.

ప్రపంచంలోనే అత్యంత ప్రమాదకరమైన పాముగా పేరుగాంచిన కింగ్ కోబ్రా, చనిపోయే చివరి క్షణాల్లో ఎలా ప్రవర్తించిందో ఈ వీడియోలో తెలుస్తోంది. సాధారణంగా పాములు పడగ విప్పడం మనం చూస్తుంటాం, కానీ ఒక పాము చనిపోయే ముందు ఇంత భయంకరంగా ప్రవర్తించడం చాలా అరుదు. 

వీడియోలో ఏముంది?
వైరల్ అవుతున్న వీడియో ప్రారంభంలో ఒక భారీ కింగ్ కోబ్రా నేలపై చుట్టుకుని కనిపిస్తుంది. అయితే, అకస్మాత్తుగా అది బుసకొడుతూ పైకి లేచి శత్రువుపై దాడికి సిద్ధమైనట్లు పడగ విప్పుతుంది. తన నోరును వెడల్పుగా తెరిచి, తీవ్రమైన ఒత్తిడితో కోరల నుండి విషాన్ని బయటకు చిమ్ముతుంది. ఆ దృశ్యం చూస్తుంటే అది తన చివరి శక్తినంతా కూడగట్టుకుని పోరాడుతున్నట్లు అనిపిస్తుంది.

విషాన్ని ఉమ్మిన మరుక్షణమే, ఆ పాము తన నియంత్రణను కోల్పోయి ఒక్కసారిగా నేలపై కుప్పకూలిపోతుంది. కొన్ని సెకన్ల వ్యవధిలోనే అది ప్రాణాలు వదలడం అందరినీ విస్మయానికి గురిచేస్తోంది.

నెటిజన్ల స్పందన
@NR LIFE అనే సోషల్ మీడియా ఖాతాలో పోస్ట్ అయిన ఈ వీడియో ప్రస్తుతం ఇంటర్నెట్‌ను షేక్ చేస్తోంది. "పాము మరణం ఇంత భయంకరంగా ఉంటుందా?" అని కొందరు ఆశ్చర్యపోతుంటే, మరికొందరు ఇది ప్రకృతిలో కనిపించే అత్యంత అరుదైన "సహజ మరణం" అని వ్యాఖ్యానిస్తున్నారు.

గమనిక: ఈ వీడియో ఎక్కడ, ఎప్పుడు తీశారనే దానిపై స్పష్టమైన సమాచారం లేనప్పటికీ, కింగ్ కోబ్రా వంటి శక్తివంతమైన జీవి అంత వేగంగా ప్రాణాలు వదలడం సంచలనంగా మారింది. నిపుణుల అభిప్రాయం ప్రకారం, పాములకు తీవ్రమైన అంతర్గత గాయాలు అయినప్పుడు లేదా నాడీ వ్యవస్థ విఫలమైనప్పుడు ఇలాంటి ప్రవర్తన కనిపించే అవకాశం ఉంది. ప్రకృతిలో ప్రతి జీవి మరణం ఒక రహస్యమే. ఈ వీడియో కింగ్ కోబ్రా భీకరమైన అంతిమ క్షణాలకు సాక్ష్యంగా నిలుస్తోంది.

Poco C85x 5g Price In India: భారత మార్కెట్‌లోకి పోకో కంపెనీ అద్భుతమైన స్మార్ట్‌ఫోన్‌ను విడుదల చేసింది. దీనిని కంపెనీ పోకో C85x 5G పేరుతో అందుబాటులోకి తీసుకు వచ్చింది.. దీనిని కంపెనీ గత ఏడాది డిసెంబర్‌లో విడుదల చేసిన పోకో C85 కొత్త వేరియంట్‌లో భాగంగా దీనిని అందుబాటులోకి తీసుకు వచ్చింది. ఇది ఎన్నో రకాల అద్భుతమైన ఫీచర్స్‌తో లాంచ్‌ చేసింది. అయితే, దీనికి సంబంధించిన ఫీచర్స్‌, ధర వివరాలు ఇప్పుడు మనం తెలుసుకుందాం.

పోకో C85x 5G స్మార్ట్‌ఫోన్‌ 120Hz రిఫ్రెష్ రేట్‌ సపోర్ట్‌తో కూడిన 6.9-అంగుళాల HD+ డిస్‌ప్లేను కలిగి ఉంటుంది. అంతేకాకుండా నాచ్ డిజైన్‌తో 8MP ఫ్రంట్ కెమెరాతో ఈ మొబైల్ అందుబాటులోకి వచ్చింది. అలాగే ఇది అద్భుతమైన యూనిసోక్ T8300 చిప్‌సెట్ ప్రాసెసర్‌పై రన్‌ అవుతుంది. దీంతో పాటు 4GB ర్యామ్‌ వేరియంట్‌లో బేస్‌ వేరియంట్ ప్రారంభమవుతుంది. ఇవే కాకుండా ఈ స్మార్ట్‌ఫోన్‌ ఎన్నో రకాల అద్భుతమైన ఫీచర్స్‌ లభిస్తున్నాయి. 

ఈ Poco C85x 5G స్మార్ట్‌ఫోన్‌కి సంబంధించిన వేరియంట్స్‌ వివరాల్లోకి వెళితే.. మొదటి వేరియంట్‌ 4GB + 64GB ధర రూ.10,999 నుంచి ప్రారంభమవుతుంది. అంతేకాకుండా 4GB + 128GB స్టోరేజ్ మోడల్ ధర రూ.11,999 ధరతో అందుబాటులోకి రాబోతోంది. అయితే, మార్చి 14వ తేదిన ఫ్లిప్‌కార్ట్‌లో ఈ స్మార్ట్‌ఫోన్‌ విక్రయాలు ప్రారంభం కాబోతున్నట్లు కంపెనీ అధికారంగా వెల్లడించింది. ఈ ఫోన్ బ్లాక్, గోల్డ్‌తో పాటు గ్రీన్ కలర్ ఆప్షన్లలో అందుబాటులో ఉంది. 

Poco C85x 5G స్మార్ట్‌ఫోన్‌కి సంబంధించిన స్పెషిఫికేషన్స్‌ వివరాల్లోకి వెళితే.. ఇది 1600 × 720 పిక్సెల్‌ల రిజల్యూషన్‌తో 6.9-అంగుళాల HD+ డిస్‌ప్లేను కలిగి ఉండబోతున్నట్లు తెలుస్తోంది. అంతేకాకుండా 120Hz రిఫ్రెష్ రేట్‌ సపోర్ట్‌తో అందుబాటులోకి రాబోతోంది. ఈ డిస్ప్లే 810 నిట్‌ల వరకు గరిష్ట బ్రైట్‌నెస్‌ సపోర్ట్‌ను కూడా అందిస్తోంది. ఇది ఆక్టా-కోర్ యూనిసోక్ T8300 6nm ప్రాసెసర్‌పై రన్‌ అవుతుంది. దీంతో పాటు మాలి G57 MC2 GPUను కలిగి ఉంటుంది. అలాగే ఫ్రంట్‌ భాగంలో 32MP ప్రైమరీ రియర్ కెమెరాను కూడా కలిగి ఉండబోతున్నట్లు తెలుస్తోంది. ఇందులో సైడ్-మౌంటెడ్ ఫింగర్ ప్రింట్ స్కానర్ కూడా అందుబాటులో ఉంది. 

Amit Mishra Police Case: ప్రముఖ క్రికెటర్‌పై ఆయన భార్య తీవ్ర ఆరోపణలు చేసింది. నటి గరీమా తివారీ తన భర్తపై కోర్టును ఆశ్రయించింది. తనను బలవంతంగా మద్యం తాగించడమే కాకుండా..డబ్బు, అదనపు కట్నం కోసం ఎంతో క్రూరంగా హింసించినట్లు ఆపే ఆరోపించింది.

ఐపీఎల్ క్రికెటర్ అమిత్ మిశ్రా, అతని కుటుంబంపై గరిమా తివారీపై ఇప్పుడు కోర్టుకు వెళ్లింది. వరకట్నం కోసం శారీరకంగా, మానసికంగా హింసించడంతో పాటు ఆత్మహత్యకు ప్రేరేపించడం వంటి తీవ్రమైన ఆరోపణలు ఆమె చేశారు. 

జాతీయ మీడియా నివేదికల ప్రకారం..ఉత్తరప్రదేశ్‌లోని కాన్పూర్‌కు చెందిన 35 ఏళ్ల మోడల్ గరిమా తివారీ అదనపు సివిల్ జడ్జి కోర్టులో ఫిర్యాదు చేసింది. వివాహం తర్వాత తన భర్త, అతని కుటుంబం నుండి అనేక సార్లు శారీరక, మానసిక హింసను ఎదుర్కొంటున్నానని ఆమె తన ఫిర్యాదులో పేర్కొంది. అమిత్ మిశ్రాతో పాటు, అతని తల్లి బీనా మిశ్రా, తండ్రి శశికాంత్ మిశ్రా, సోదరుడు అమర్ మిశ్రా, వదిన రీతు మిశ్రా, సోదరి స్వాతి మిశ్రాలను కూడా ఆమె తన ఫిర్యాదులో నిందితులుగా పేర్కొన్నారు.

"అమిత్ మిశ్రా..నేను 2019లో ఇన్‌స్టాగ్రామ్ ద్వారా పరిచయం అయ్యింది. మేము దాదాపు మూడేళ్లు ప్రేమలో ఉండి.. 2021 ఏప్రిల్ 26న కాన్పూర్‌లోని ఒక క్లబ్‌లో పెళ్లి చేసుకున్నాము. మా వివాహం జరిగిన వెంటనే.. నా భర్త, అత్తమామలు నాకు హోండా సిటీ కారు రూ.10 లక్షల కట్నం ఇవ్వాలని మా కుటుంబంపై ఒత్తిడి తీసుకురావడం ప్రారంభించారు. పెళ్లి తర్వాత నన్ను పంపించేటప్పుడు మా కుటుంబం రూ.2.5 లక్షలు ఏర్పాటు చేసింది. కానీ ఆ తర్వాత కూడా, మరిన్ని డబ్బుల డిమాండ్ చేస్తున్నారని" గరిమ ఆమె ఫిర్యాదులో పేర్కొంది.

అమిత్ మిశ్రా తరచూ మద్యం సేవించి తనను తీవ్రంగా కొట్టి, హింసించేవాడని ఆమె భార్య గరిమా తివారీ ఆరోపింది. అయితే కొన్నిసార్లు రోజుల తరబడి ఆహారం, నీరు కూడా ఇవ్వకుండా ఇబ్బంది పెట్టారని ఆమె చెప్పుకొచ్చింది. చివరికి తాను మోడలింగ్ పని ద్వారా సంపాదించిన డబ్బును లాక్కునేవాడని, విడాకులు తీసుకుంటానని పదే పదే బెదిరించేవాడని కూడా ఆమె ఆరోపించింది. ఇలాంటి నిరంతర వేధింపుల కారణంగా, తాను నిరాశకు గురయ్యానని తన మోడలింగ్ వృత్తిని వదులుకోవాల్సి వచ్చిందని ఆమె చెప్పింది.

ఈ వేధింపులతో విసుగు చెందిన గరిమ తివారీ కఠినమైన చర్యలు తీసుకోవడానికి ప్రయత్నించింది. ఆమె ఒకసారి ఫినాయిల్ తాగి ఆత్మహత్యకు ప్రయత్నించి ప్రాణాపాయం నుంచి బయటపడింది. పోలీస్ కమిషనర్ కార్యాలయంతో సహా అనేకసార్లు పోలీసులను ఫిర్యాదు చేసినా.. క్రికెటర్ అమిత్ మిశ్రాపై ఎలాంటి చర్యలు తీసుకోవాలని ఆమె కోర్టుకు విన్నవించుకుంది.