Italy vs Nepal Highlights: ஐசிசி டி20 உலகக் கோப்பை தொடரில் நேபாள அணியை 10 விக்கெட் வித்தியாசத்தில் வென்று இத்தாலி வரலாற்று வெற்றியை பதிவு செய்துள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

India vs Pakistan 2026: ஐசிசி டி20 உலகக் கோப்பை 2026 தொடர் நடைபெற்று வருகிறது. பிப். 7ஆம் தேதி தொடங்கிய நிலையில், வரும் மார்ச் 8ஆம் தேதி இத்தொடர் நடைபெறும்.

இந்திய அணி இம்முறை ஏ குரூப்பில் இடம்பெற்றுள்ளது. இதில் பாகிஸ்தான், அமெரிக்கா, நெதர்லாந்து, நமீபியா அணிகள் இடம்பெற்றுள்ளன. இந்திய அணி ஏற்கெனவே அமெரிக்க அணியுடன் மோதி 29 ரன்கள் வித்தியாசத்தில் வெற்றிபெற்றது. அடுத்து நாளை (பிப். 12) டெல்லி அருண் ஜெட்லி மைதானத்தில் நமீபியா அணியை எதிர்கொள்கிறது.

இந்திய அணியின் பிளேயிங் 11 மாற்றம்

கடந்த போட்டியில் பும்ரா வைரல் காய்ச்சல் காரணமாக விளையாடவில்லை. இதனால், அவருக்கு பதில் சிராஜ் பிளேயிங் லெவனில் இடம்பெற்று, 3 விக்கெட்டை வீழ்த்தி அசத்தினார். வாஷிங்டன் சுந்தர் தற்போது ஸ்குவாடுடன் இணைந்துள்ளார். நமீபியா அணிக்கு எதிரான போட்டியில் பும்ரா களமிறக்கப்படலாம். அடுத்து வரும் பிப். 15ஆம் தேதி அன்று பாகிஸ்தான் அணிக்கு எதிரான போட்டியில் பும்ரா கண்டிப்பாக விளையாடுவார் என்பதால் அதற்கு முன் ஒரு போட்டியில் அவரை விளையாட வைக்க இந்தியா திட்டமிடும். 

South Africa vs Afghanistan, ICC T20 World Cup 2026: ஐசிசி டி20 உலகக் கோப்பை தொடர் கடந்த பிப். 7ஆம் தேதி தொடங்கியது. இந்தியா, இலங்கையில் நடைபெறும் இத்தொடரில் ஒவ்வொரு போட்டியிலும் பரபரப்புக்கு பஞ்சமில்லை. 

அந்த வகையில், தென்னாப்பிரிக்கா - ஆப்கானிஸ்தான் அணிகள் அகமதாபாத் நரேந்திர மோடி மைதானத்தில் இன்று காலை 11 மணிக்கு தொடங்கியது. டாஸ் வென்ற ஆப்கானிஸ்தான் அணி கேப்டன் ரஷீத் கான் பந்துவீச்சை தேர்வு செய்தார். அதன்படி முதலில் விளையாடிய தென்னாப்பிரிக்கா அணி 6 விக்கெட்டை இழந்து 187 ரன்களை குவித்தது. அதிகபட்சமாக ரியான் ரிக்கல்டன் 61, குவின்டன் டி காக் 59 ரன்களை அடித்தனர். ஆப்கானிஸ்தான் பந்துவீச்சில் அஸ்மத்துல்லா ஓமர்ஸாய் 3 விக்கெட்டையும், ரஷீத் கான் 2 விக்கெட்டையும் வீழ்த்தினர்.

188 ரன்கள் என்ற இலக்கை துரத்திய ஆப்கானிஸ்தான் அணி, முதல் 4 ஓவர்களில் 50 ரன்களை குவித்தது. குர்பாஸ் அகமது அதில் பெரும்பான்மையான ரன்களை குவித்தார். ஆனால் அடுத்த 2 ஓவர்களில் ஆப்கான் அணி சறுக்கலை சந்தித்தது. அடுத்த 2 ஓவர்களை முறையே இங்கிடி, ரபாடா ஆகியோர் வீசினர். இங்கிடி ஒரே ஓவரில் இரண்டு விக்கெட் எடுக்க, ரபாடா ஓவரிலும் ஒரு விக்கெட் சரிந்தது. இதனால் 6 ஓவர்களில் 56 ரன்களை எடுத்த ஆப்கான் அணி 3 விக்கெட்டை இழந்தது. 

அடுத்து அதிரடியாக ரன்கள் வந்தாலும், ஆப்கானிஸ்தான் அணி தொடர்ச்சியாக விக்கெட்டையும் இழந்து வந்தது. குர்பாஸ் 42 பந்துகளில் 7 சிக்ஸர், 4 பவுண்டரி என 84 ரன்களை குவித்து ஆட்டமிழந்தார். ஓமர்ஸாய் 22, ரஷீத் கான் 20 ரன்களை அடித்து ஆட்டமிழந்தனர். 10வது வீரராக களமிறங்கிய நூர் அகமதும் சிக்ஸரை அடித்து பரபரப்பை கிளப்பினார். 

கடைசி ஓவரில் ஆப்கான் அணி வெற்றிக்கு 13 ரன்கள் தேவைப்பட்டது, 1 விக்கெட் மட்டுமே கையில் இருந்தது. ரபாடா வீசிய கடைசி ஓவரில் நூர் அகமது கேட்ச் கொடுத்தார், ஆனால் அந்த பந்து நோ-பால் என அறிவிக்கப்பட்டது. நூர் அகமது மீண்டும் ஒரு வாய்ப்பை பெற்றார். Free Hit பந்து வைடாக வீசப்பட்டது. மீண்டும் முதல் பந்து வீசப்பட்டு பந்து டாட் ஆக முடிந்தது. அதேநேரத்தில் 2வது பந்தில் சிக்ஸர் அடித்தார். தொடர்ந்து 3வது பந்தில் 2 ரன்கள் அடிக்க, அந்த பந்தும் நோ-பால் என அறிவிக்கப்பட்டது. இதனால், ஆப்கான் அணி 3 பந்துகளில் 2 ரன்கள் தேவைப்பட்டது. 4வது பந்தில் 2 ரன்னுக்கு ஆசைப்பட்டு நூர் - பசல்ஹக் பரூக்கி ஜோடி ஓடியது. ஆனால், இரண்டாவது ரன் ஓடும்போது பரூக்கி ஆட்டமிழந்தார்.

இதனால், போட்டி டை ஆனது. சூப்பர் ஓவர் வீசப்பட்டது. முதலில் பேட்டிங் செய்த ஆப்கானிஸ்தான் தென்னாப்பிரிக்காவுக்கு 18 ரன்களை இலக்காக நிர்ணயிக்க, தென்னாப்பிரிக்க 17 ரன்களை அடித்து சூப்பர் ஓவரும் டை ஆனது. முதல் பந்தில் மில்லர் 1 ரன் அடிக்க, 2வது பந்தில் பிரெவிஸ் சிக்ஸர் அடித்து மிரட்டினார். 3வது பந்தில் பிரெவிஸ் ஆட்டமிழக்க, 4வது பந்தில் ஸ்டப்ஸ் பவுண்டரி அடித்தார். 5வது பந்து டாட் ஆனது. இதனால் கடைசி பந்துக்கு 7 ரன்கள் தேவைப்பட, ஸ்டப்ஸ் சிக்ஸர் அடித்து மிரட்டினார். 

இரண்டாவது சூப்பர் ஓவர் அடிக்கப்பட்டது.  தென்னாப்பிரிக்கா முதலில் பேட்டிங் செய்தது. ஸ்டப்ஸ் - மில்லர் ஜோடி களமிறங்கியது. இந்த ஓவரை அஸ்மத்துல்லா ஓமர்ஸாய் வீசினார். முதல் பந்தில் ஸ்டப்ஸ் சிக்ஸ் அடிக்க, 2வது பந்தில் சிங்கிள் அடித்தார்.  மூன்றாவது பந்தில் 2 ரன்கள் அடிக்க, மில்லர் அடுத்தடுத்த பந்துகளில் 2 சிக்ஸர்களை பறக்கவிட்டார். கடைசி பந்தில் 2 ரன்களை மில்லர் அடித்தார். ஆப்கானிஸ்தான் வெற்றிக்கு 24 ரன்கள் தேவைப்பட்டது. 

ஆப்கானிஸ்தானில் நபி மற்றும் அஸ்மத்துல்லா ஓமர்ஸாய் களமிறங்கினார், கேசவ் மகாராஜ் பந்துவீசினார். முதல் பந்து டாட் ஆக, 2வது பந்தில் நபி ஆட்டமிழந்தார். குர்பாஸ் களமிறங்க தொடர்ச்சியாக மூன்று சிக்ஸர்களை பறக்கவிட்டு மிரட்டினார். அடுத்து வைட் பந்தை கேசவ் மகாராஜ் வீசியதால், கடைசி பந்துக்கு 5 ரன்கள் தேவைப்பட்டது. ஆனால் கடைசி பந்தில் குர்பாஸ் அகமது கேட்ச் கொடுத்து ஆட்டமிழக்க, தென்னாப்பிரிக்க அணி 2வது சூப்பர் ஓவரில் 3 ரன்கள் வித்தியாசத்தில் வெற்றி பெற்றது. வெற்றியின் அருகே வரை வந்த ஆப்கானிஸ்தான் அணி, 2வது சூப்பர் ஓவரில் முகமது நபியை முதலில் பேட்டிங் செய்ய களமிறக்கி பெரிய தவறை செய்துவிட்டது. முதல் இரண்டு பந்துகளில் ரன்னும் வரவில்லை, விக்கெட்டும் விழுந்தது ஆப்கானிஸ்தானுக்கு சிக்கலை ஏற்படுத்திவிட்டது. இங்கிடி 3 விக்கெட்டை வீழ்த்தி ஆட்ட நாயகன் விருதை வென்றார். 

ஐசிசி டி20 உலகக் கோப்பை வரலாற்றில இன்றைய ஆப்கானிஸ்தான் - தென்னாப்பிரிக்கா போட்டி நிச்சயம் மறக்கமுடியாத மற்றும் தலைசிறந்த போட்டியாக பார்க்கப்படும். அழுத்தம் நிறைந்த போட்டியில் கடைசி வரை ஆப்கானிஸ்தான் அணி போராடியது, அதிலும் குர்பாஸ் அகமது தனது உயிரைக் கொடுத்து விளையாடியும் அந்த அணி தோல்வியை தழுவியது ரசிகர்கள் இடையே பெரும் சோகத்தை ஏற்படுத்தி உள்ளது. முதல் போட்டியில் நியூசிலாந்திடம் தோல்வியடைந்த நிலையில், இன்று தென்னாப்பிரிக்கா உடனும் தோல்வியடைந்ததால் குரூப் சுற்றுடன் ஆப்கானிஸ்தான் வெளியேறும் சூழல் உருவாகி உள்ளது. ஆப்கானிஸ்தான் அடுத்த இரண்டு போட்டிகளில் வெற்றி பெற்றாலும் கூட சூப்பர் 8 சுற்றுக்கு வரும் வாய்ப்பு 1% தான் உள்ளது. ஐக்கிய அரபு அமீரகம் தென்னாப்பிரிக்காவையோ, கனடா அணி நியூசிலாந்தையோ வீழ்த்தினால் மட்டுமே ஆப்கானிஸ்தானுக்கு வாய்ப்புண்டு.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

Wanindu Hasaranga Ruled Out World Cup: இந்தியாவுடன் சேர்ந்து டி20 உலகக் கோப்பை 2026 தொடரை நடந்தும் இலங்கை அணி, ஐசிசி டி20 உலகக் கோப்பை 2026 இல் வெற்றியுடன் தனது பிரச்சாரத்தைத் தொடங்கியது. இலங்கை அணி வரும் பிப்ரவரி 12 ஆம் தேதி (வியாழக்கிழமை) ஓமனுக்கு எதிரான இரண்டாவது போட்டியில் விளையாடவுள்ளது. இந்தநிலையில் இலங்கை அணிக்கு மிகவும் மோசமான பின்னடைவாக பார்க்கப்படும் செய்தி ஒன்று வெளியாகியுள்ளது. அந்த அணியின் மூத்த ஆல்ரவுண்டர் வனிந்து ஹசரங்கா (Wanindu Hasaranga) காயம் காரணமாக முழு தொடரிலிருந்தும் விலக உள்ளார் எனத்தகவல்கள் வெளியாகி வருகிறது. ஆனால் இலங்கை கிரிக்கெட் வாரியம் (SLC) இதை இன்னும் அதிகாரப்பூர்வமாக உறுதிப்படுத்தவில்லை.

டி20 உலகக் கோப்பை 2026 தொடர்: வெளியேறிய இலங்கை வீரர்

28 வயதான வனிந்து ஹசரங்கா, ஞாயிற்றுக்கிழமை (பிப்ரவரி 8) அன்று கொழும்பில் நடைபெற்ற 2026 டி20 உலகக் கோப்பையின் முதல் போட்டியில் இலங்கையின் வெற்றியில் முக்கிய பங்கு வகித்தார். இந்தப் போட்டியில், அயர்லாந்துக்கு எதிரான 4 ஓவர்களில் 25 ரன்களுக்கு 3 விக்கெட்டுகளை வீழ்த்தினார். அதேநேரம் அந்த போட்டியில் விலையாடும் போது அவருக்கு வலி இருப்பது நன்றாகவே தெரிந்தது. மேலும் தொடை எலும்புப் பிரச்சினையால் அவர் அவதிப்பட்டார். யாரும் எதிர்பார்க்காத வண்ணம், இந்தக் காயம் தற்பொது அவரை டி20 உலகக் கோப்பையிலிருந்து வெளியேற்றியுள்ளது.

வனிந்து ஹசரங்காவுக்கு என்ன ஆச்சு?

இன்று (செவ்வாய்க்கிழமை) எடுக்கப்பட்ட எம்ஆர்ஐ ஸ்கேன் பரிசோதனையில் ஹசரங்காவின் இடது தொடை தசைநார் பகுதியில் கடுமையான காயம் ஏற்பட்டிருப்பது தெரியவந்தது. இதனால் அவர் 2026 டி20 உலகக் கோப்பை தொடரில் இருந்து நீக்கப்பட்டார். உலகக் கோப்பையில் இருந்து ஹசரங்கா நீக்கப்பட்டது இலங்கைக்கு பெரும் அடியாகப் பார்க்கப்படுகிறது. டி20 சர்வதேச போட்டிகளில் இலங்கையின் முன்னணி விக்கெட் வீழ்த்திய வீரராக அவர் உள்ளார். இதுவரை 94 டி20 போட்டிகளில் விளையாடி 154 விக்கெட்டுகளை வீழ்த்தியுள்ளார்.

வனிந்து ஹசரங்காவுக்கு பதில் யார்? 

கிரிசின்ஃபோவின் கூற்றுப்படி, லெக்-ஸ்பின் பவுலிங் ஆல்ரவுண்டர் துஷான் ஹேமந்தா ஹசரங்காவுக்கு பதிலாக இலங்கை அணியில் சேர்க்கப்படலாம். ஹேமந்தா இதுவரை இலங்கைக்காக மூன்று டி20 சர்வதேச போட்டிகளில் விளையாடி நான்கு விக்கெட்டுகளை வீழ்த்தியுள்ளார். 31 வயதான அவர் தனது கடைசி டி20 சர்வதேச போட்டியில் ஜிம்பாப்வேக்கு எதிராக செப்டம்பர் 2025 இல் விளையாடினார்.

Kanchipuram District News: காஞ்சிபுரம் மாவட்ட மக்களுக்கு முக்கிய செய்தி. இன்று வெயிலும், மேகமூட்டமும் கலந்த வானிலை நிலவும் நிலையில், நாளை வானிலை எப்படி இருக்கும்? எந்தெந்த பகுதிகளில் பவர் கட் இருக்கும்? இளைஞர்களுக்கு முக்கிய செய்திகள் உள்ளதா? அனைத்து விவரங்களையும் இந்த பதிவில் காணலாம்.

காஞ்சிபுரம் நாளைய வானிலை நிலவரம் (11-02-26)

இந்திய கிரிக்கெட் வாரியம் ஒவ்வொரு ஆண்டும் வீரர்களின் செயல்பாடு மற்றும் அவர்கள் விளையாடும் போட்டிகளின் அடிப்படையில் மத்திய ஒப்பந்தங்களை அறிவிக்கிறது. இதில் கிரேடு A,B,C ஆகிய அடிப்படையில் சம்பளங்கள் வழங்கப்படும். அந்த வகையில் இந்த ஆண்டிற்கான புதிய சம்பள பட்டியலை பிசிசிஐ தற்போது அறிவித்துள்ளது. இதில் சில வீரர்களுக்கு கூடுதல் சம்பளமும், சில வீரர்களுக்கு குறைவான சம்பளமும், சிலரின் பெயர்களும் நீக்கப்பட்டுள்ளது. மொத்தமாக 30 ஆண்களும், 21 பெண் கிரிக்கெட் வீராங்கனைகளும் இந்த சம்பளப் பட்டியலில் இடம் பெற்றுள்ளனர். கடந்த முறை சம்பளப் பட்டியலில் இருந்த ஐந்து வீரர்கள் இந்த முறை மத்திய ஒப்பந்தத்தில் இருந்து நீக்கப்பட்டுள்ளனர். 

Chennai Metro Rail Recruitment 2026: சென்னை மெட்ரோ ரயில் நிறுவனம் (CMRL) சென்னையில் செயல்பட்டு வருகிறது. சென்னை மெட்ரோ ரயில் நிறுவனத்தில் காலியாக உள்ள பணியிடங்களை அந்நிறுவனம் நிரப்பி வருகிறது. இந்த நிலையில், சென்னை மெட்ரோ ரயில் நிறுவனத்தில் காலியாக உள்ள பணியிடங்கள் நிரப்பப்படுவதாக  அறிவிக்கப்பட்டுள்ளது.  பல்வேறு  நிலைகளில் உள்ள மேனேஜர் பதவி நிரப்பப்படும் என தெரிவிக்கப்பட்டுள்ளது. எனவே, இந்த பணிக்கு தகுதியும், விருப்பமும் உள்ளவர்கள் விண்ணப்பிக்கலாம் என தெரிவிக்கப்பட்டுள்ளது.

சென்னை மெட்ரோவில் வேலைவாய்ப்பு

சென்னை மெட்ரோ நிறுவனத்தில் தலைமை ஜென்ரல் மேனேஜர், கூடுதல் ஜென்ரல் மேனேஜர், இணை மற்றும் துணை ஜென்ரல் மேனேஜர், மேனேஜர், துணை மற்றும் உதவி மேனேஜர் என மொத்தம் 19 காலிப் பணியிடங்கள் நிரப்பப்படுகிறது. இந்த பணிக்கு தகுதியுள்ளவர்கள் விண்ணப்பிக்கலாம்.  இந்த பணிகள் முற்றிலும் ஒப்பந்ந அடிப்படையில் நிரப்பப்படுகிறது. 2 ஆண்டுகள் ஒப்பந்த அடிப்படையில் இந்த பணிக்கு ஆட்கள் நிரப்பப்படுகிறது.  

இந்த பணிகளுக்கான கல்வித்தகுதியை பொறுத்தவரை, B.E/B.TECH (Civil) முடித்திருக்க வேண்டும். மேலும், M.E/M.TECH (Civil) முடித்திருப்பவர்களுக்கு பணிக்கு முன்னுரிமை அளிக்கப்படும் என தெரிவிக்கப்பட்டுள்ளது. இந்த பணிக்கு 2 முதல் 7 ஆண்டுகள் வரை அனுபவம் வாய்ந்தவராக இருக்க வேண்டும். அந்தந்த பணிகளுக்கு ஏற்ப, அனுபவம் ஆண்டுகள் மாறக்கூடும். எனவே, இந்த பணிக்கான முழு அறிவிப்பை தெரிந்து கொள்ள சென்னை மெட்ரோவின் அதிகாரப்பூர்வ இணையதளத்தை பார்வையிட வேண்டும். வயது வரம்பை பொறுத்தவரை,  அந்தந்த பணிக்கு  மாறுப்படுகிறது. மேலும் அரசு விதிகளின்படி, வயது வரம்பில் தளர்வு அளிக்கப்படுகிறது. 

மாத சம்பளம்

மாத சம்பளத்தை பொறுத்தவரை, தலைமை ஜென்ரல் மேனேஜர் பணிக்கு மாத சம்பளமாக ரூ.2.70 லட்சம், ஜென்ரல் மேனேஜர் பணிக்கு மாதம் ரூ.2.25 லட்சம் வழங்கப்படும். கூடுதல் ஜென்ரல் மேனேஜர் பணிக்கு மாதம் ரூ.1.60 லட்சம்,  இணை ஜென்ரல் மேனேஜர் பணிக்கு ரூ.1.45 லட்சமும், துணை ஜென்ரல் மேனேஜர் பணிக்கு ரூ.1.25 லட்சமும், மேனேஜர், துணை, உதவி மேனேஜர் ஆகிய பணிக்கு ரூ.62,000 முதல் ரூ.85,000 வழங்கப்படும் என தெரிவிக்கப்பட்டுள்ளது. இந்த பணிக்கு கல்வித்தகுதி, அனுபவத்தின் அடிப்படையில் பணிக்கு ஆட்கள் தேர்வு செய்யப்படுகிறார்கள்.

விண்ணப்பிப்பது எப்படி? 

இப்பணியிடங்களுக்கு Chennaimetrorail.org என்ற  இணையதளம் வாயிலாக விண்ணப்பிக்க வேண்டும். விண்ணப்ப படிவத்தில் கேட்கப்பட்டுள்ள விவரங்களை பூர்த்தி செய்து, விண்ணப்பிக்க வேண்டும். விண்ணப்ப கட்டணமாக ரூ.300, எஸ்டி, எஸ்சி பிரிவினர் விண்ணப்ப கட்டணமாக ரூ.50 செலுத்த வேண்டும். மேலும், விண்ணப்ப படிவத்துடன் கல்வித்தகுதி, அனுபவம் சான்றிதழ் போன்றவற்றை சமர்ப்பிக்க வேண்டும் என தெரிவிக்கப்பட்டுள்ளது.  இந்த பணிக்கு பிப்ரவரி 23ஆம் தேதி கடைசி நாளாகும் என தெரிவிக்கப்பட்டுள்ளது.  எனவே, பொறியியல் துறையில் அனுபவம் வாய்ந்தவர்கள் இந்த பணிக்கு தவறாமல் விண்ணப்பிக்க வேண்டும் என தெரிவிக்கப்பட்டுள்ளது.

TNPSC Group 2, 2A Exam: தமிழ்நாடு முழுவதும் இன்று நடைபெற இருந்த குரூப் 2, 2ஏ முதன்மைத் தேர்வுகள் ஒத்திவைக்கப்படுவதாக அறிவிக்கப்பட்டது. சென்னை அரும்பாக்கம் மையத்தில் தேர்வர்களுக்கு ஒதுக்கப்பட்ட எண் இல்லை உள்ளிட்ட பல்வேறு குளறுபடி எழுந்த நிலையில், டிஎன்பிஎஸ்சி இத்தேர்வுகளை ஒத்திவைத்து அறிவிப்பு வெளியிட்டது.

TNPSC Group 2, 2A Exam: தேர்வுக் கட்டுப்பாட்டாளர் மாற்றம்

டிஎன்பிஎஸ்சி தேர்வில் முறைகேடு நடந்திருக்கலாம் என புகார் எழுந்ததை தொடர்ந்து, டிஎன்பிஎஸ்சி தேர்வுக் கட்டுப்பாட்டாளர் சண்முக சுந்தரம் ஐஏஎஸ் பணியிட மாற்றம் செய்யப்பட்டார். அவருக்குப் பதிலாக வெங்கட பிரியா ஐஏஎஸ் அப்பொறுப்பில் நியமிக்கப்பட்டுள்ளார். வெங்கட பிரியா தற்போது தமிழ்நாடு மாநில தேர்தல் ஆணையத்தின் செயலாளராகப் பணியாற்றி வருகிறார்.

Madurai Latest News Updates: விருதுநகர் நாடாளுமன்ற உறுப்பினரும், காங்கிரஸ் தலைவருமான மாணிக்கம் தாகூர், மதுரை திருநகர் பகுதியில் செய்தியாளர்களை சந்தித்தார். அப்போது பேசிய அவர், "நாடாளுமன்றத்தில் ராகுல் காந்தி பேச பாஜக அரசு எதிர்ப்பு தெரிவித்து வருகிறது. சீனா என்றாலும் சரி, எம்.எம். நரவனே என்றாலும் சரி பேச பிரதமர் மோடி அனுமதிப்பதில்லை.

Madurai News: நாடாளுமன்றத்தில் நடந்தது என்ன?

12 மணி நேரம் காங்கிரஸ் கட்சிக்கு ஒதுக்கப்பட்டபோதும், ஆறு நிமிடங்கள் மட்டுமே பேச அனுமதி அளித்துள்ளது. பாதுகாப்புத்துறை அமைச்சர் ராஜ்நாத் சிங் மற்றும் பிற மத்திய அமைச்சர்கள் ராகுல் காந்தியை அவையில் பேச விடாமல் தடுத்தார்கள். அதன் விளைவாக அவை மீண்டும் மீண்டும் ஒத்திவைக்கும் நிலை ஏற்பட்டது.

ராகுல் காந்தி அதிகாரப்பூர்வமாக எழுதிக் கொடுத்த புத்தகத்தை ஒப்படைத்தார். அதன் பின்னரும் பேச அனுமதி மறுப்பது ஏன்...?. நாடாளுமன்றத்தில் திரிணாமுல் காங்கிரஸ், சமாஜ்வாதி, டிஎம்கே உள்ளிட்ட எந்த எதிர்க்கட்சிகளையும் பேச அனுமதிக்கவில்லை. இதனை கண்டித்து நாடாளுமன்ற மைய மண்டபத்தில் எதிர்க்கட்சிகள் போராட வேண்டிய சூழ்நிலை ஏற்பட்டது. அநீதிக்கு எதிராக குரல் கொடுத்ததால் எட்டு நாடாளுமன்ற உறுப்பினர்களை சஸ்பெண்ட் செய்தனர்.

தொடர்ந்து எங்களுடைய போராட்டம் அறைக்கு வெளியே நடக்கும். உறுப்பினர்களை இடைநீக்கம் செய்த உத்தரவை ரத்து செய்து மீண்டும், பாராளுமன்றத்தில் பேச அனுமதிக்க வேண்டும். மக்களவை மக்களுக்கான விவாதத்தில் எதிர்க்கட்சிகளுக்கு பங்கேற்க உரிமை வழங்க வேண்டும். நாடாளுமன்றம் ஆளுங்கட்சிக்கு ஜால்ரா அடிக்கும் மன்றமாகவே செயல்படுகிறது" என்றார்.  

எய்ம்ஸ் பணிகள் குறித்த கேள்விக்கு, "மதுரை எய்ம்ஸ் பணிகள் குறித்து பத்திரிகையாளர்களை அழைத்து ஆய்வு செய்ய இயக்குநர் ராவ்விடம் பேசி உள்ளோம். அதிகாரியிடம் பேசி, எப்போது எய்ம்ஸ் மருத்துவமனையின் முழுமையான திறப்பு விழா நடைபெறும் என பேசியுள்ளோம். L&T நிறுவனம் கட்டுமான பணிகளை விரைவாக செய்து வருகிறது, நாடாளுமன்ற கூட்டத்தொடர் முடித்தவுடன் மீண்டும் இதை பார்வையிட உள்ளேன்" என்றார்.

Madurai News: தோழர்களை மதித்து காத்திருக்கிறோம்...

திமுகவுடன் கூட்டணி குறித்த கேள்விக்கு, "காங்கிரஸ் கட்சி டிசம்பர் ஒன்றாம் தேதி குழு அமைத்துவிட்டது. தமிழ்நாடு காங்கிரஸ் கட்சி தலைவர் செல்வப்பெருந்தகை, சட்டமன்ற காங்கிரஸ் தலைவர் ராஜேஷ் குமார் மற்றும் இரண்டு செயலாளர்களும் சேர்ந்து குழு அமைத்து டிசம்பர் மாதம் முதல் தொடர்ந்து பணிகளில் ஈடுபட்டு வருகின்றனர். திமுக எப்போது குழு அமைகிறதோ, அப்போது காங்கிரஸ் கட்சி சார்பில் பேச தயாராக உள்ளனர்" என பதிலளித்தார். மேலும், திமுகவுடன் கூட்டணி குறித்து பேச குழு அமைத்துள்ளோம் என்றும் காங்கிரஸ் கட்சி எப்பொதும் பொறுமையாக நண்பர்களை அவமதிக்காமல், தோழர்களை தோழமையுடன் மதித்து காத்திருக்கிறோம் என்றார். 

தொடர்ந்து பேசிய அவர், "திமுகவுடன் கூட்டணி குறித்து அவர்களிடம்தான் கேட்க வேண்டும். காங்கிரஸ் கட்சி உரிய மரியாதை கேட்கிறது. ஜனவரி 15ஆம் தேதி அகில இந்திய கூட்டத்தில் தலைவர்களை அழைத்து கருத்து கேட்டபின் பெரும்பான்மையான தலைவர்கள் சில உண்மைகளை தெளிவாக கூறினர். இதில் காங்கிரஸ் கட்சியை மரியாதையாக நடத்த வேண்டும் என காங்கிரஸ் கட்சி தலைமை அறிவுறுத்தி உள்ளது" என்றார்.

Madurai News: மோடி ஒரு ஏமாற்றுக்காரர்

பிரதமர் மோடி பங்கேற்கும் கூட்டம் மதுரையில் நடைபெறுகிறது. இதுகுறித்த கேள்விக்கு, "மோடி டெல்லியில் இருந்து தமிழ்நாட்டிற்கு வருகிறார், அமித்ஷா தலைமையில் உள்ள கூட்டணி இந்த கூட்டணி சீமானுடன் போட்டி போடுகிறது. அதிமுக - பாஜக கூட்டணி என்பது நாம் தமிழர் உடன் போட்டியில் மூன்றாவது இடத்திற்கு சென்றுவிடும். மோடி ஏமாற்றுக்காரர், தமிழக மக்களை ஏமாற்ற மூன்றாவது, நான்காவது இடத்திற்கு செல்ல மோடி தயாராக உள்ளார்" என்றார். டிஎன்பிஎஸ்சி போட்டித் தேர்வு தள்ளி வைத்தது குறித்த கேள்விக்கு, "போட்டித் தேர்வுகளில் தயாராக இருந்த மாணவர்களின் எதிர்காலம் கேள்விக்குறியாகி உள்ளது" என்றார். 

Madurai News: கூட்டணியில் புகைச்சல்

ICC T20 World Cup 2026, ENG vs NEP: ஐசிசி டி20 உலகக் கோப்பை தொடர் இந்தியா மற்றும் இலங்கையில் நடைபெற்று வருகிறது. தொடரின் முதல் போட்டியில் இருந்தே பரபரப்பு தொற்றிக்கொண்டுள்ளது.

ICC T20 World Cup 2026: கதறவிடும் கத்துக்குட்டிகள் 

நேற்று கொழும்புவில் நடந்த முதல் போட்டியில் பாகிஸ்தான் அணி கடுமையாக போராடிதான் 3 விக்கெட் வித்தியாசத்தில் நெதர்லாந்து அணியை வீழ்த்தியிருந்தது. நேற்று மதியம் கொல்கத்தாவில் நடந்த போட்டியில் கூட ஸ்காட்லாந்து அணி சேஸிங்கில் மேற்கு இந்திய தீவுகளை சற்று கதிகலங்க செய்தது. ஆனால், ரொமாரியோ ஷெப்பர்ட் எடுத்த ஹாட்ரிக் விக்கெட்டால் 35 ரன்கள் வித்தியாசத்தில் மேற்கு இந்திய தீவுகள் வெற்றிபெற்றது. 

அதேபோல், நேற்றிரவு மும்பையில் நடந்த போட்டியில் கூட இந்திய அணியை பேட்டிங்கிலும், பந்துவீச்சிலும் அமெரிக்க அணி ஆட்டம் காண்பித்தது. போராடி 29 ரன்கள் வித்தியாசத்தில் இந்தியா வெற்றி பெற்றது. இன்று ஆப்கானிஸ்தான் அணியும் கூட ஓரளவுக்கு நியூசிலாந்தை பேட்டிங்கில் பதம்பார்த்தது என்றுதான் சொல்ல வேண்டும். கத்துக்குட்டி அணிகள் அனைத்து போட்டியிலும் தோற்றிருந்தாலும் கூட, அனைத்து போட்டிகளையும் சுவாரஸ்யமான ஒன்றாக மாற்றியிருக்கிறார்கள் என்பதில் ஐயமில்லை.

ENG vs NEP: பந்துவீச்சில் நேபாளம் சிறப்பு

அந்த வகையில், இன்று மதியம் மும்பையில் தொடங்கிய இங்கிலாந்து - நேபாளம் போட்டியும் இதற்கு விதிவிலக்கல்ல. இங்கிலாந்து அணி பேட்டிங்கிலும் பெரியளவில் அடிவாங்கியது. ஆனால் பெத்தெல் 55, புரூக் 53, ஜேக்ஸ் 39*, பட்லர் 26 ரன்களை எடுத்து மொத்தம் 184 ரன்களை  எடுத்தது. நேபாளம் பந்துவீச்சாளர்களும் சிறப்பான பந்துவீச்சை வெளிப்படுத்தினர். ஐரி, நந்தன் யாதவ் தலா 2 விக்கெட்டை வீழ்த்தினர். கடைசி மூன்று ஓவர்களில் 45 ரன்களை கொடுத்தது மட்டுமே சற்று பின்னடைவை கொடுத்தது. 

ENG vs NEP: பேட்டிங்கும் மிரட்டல் 

நேபாளம் அணி பந்துவீச்சை விட பேட்டிங்கிலும் பட்டையை கிளப்பியது. பவர்பிளேவில் சிறப்பாக விளையாடி 2 விக்கெட்டை மட்டும் வீழ்த்தி 47 ரன்களை அடித்தது. ஆர்ச்சரின் ஓவரில் 14 ரன்களை அடித்து புர்டெல் மிரட்டலான ஆட்டத்தை வெளிப்படுத்தினார். 3வது விக்கெட்டுக்கு ஜோடி சேர்ந்த ரோஹித் பவுடல் - ஐரி ஜோடி 54  பந்துகளில் 82 ரன்கள் பார்டனர்ஷிப் அமைத்தனர். ஐரி 44 ரன்களுக்கு ஆட்டமிழந்தார். தொடர்ந்து ரோஹித் பவுடல் 39, ஆரிஃப் 10 ரன்களுக்கு ஆட்டமிழந்தாலும், லோகேஷ் கடைசி கட்டத்தில் அதிரடி காட்டினார். ஆர்ச்சர் வீசிய 18வது ஓவரில் 22 ரன்கள், லுக் வுட் வீசிய 19வது ஓவரில் 14 ரன்கள் அடிக்கப்பட்டது.

ENG vs NEP: சாம் கர்ரணின் சாமர்த்தியமான பந்துவீச்சு

இதனால், கடைசி ஓவருக்கு 10 ரன்களே தேவைப்பட்டது. கடைசி ஓவரை சாம் கர்ரண் யார்க்கர் லெந்தில் அசத்தலாக வீசினார். முதல் 5 பந்துகளுக்கு வெறும் 4 ரன்களை மட்டுமே கொடுத்தார், கடைசி பந்தில் 6 ரன்கள் தேவைப்பட்டது. ஆனால் அந்த பந்தையும் யார்க்கராக வீசி 1 ரன்னை மட்டுமே கொடுத்தார். இதன்மூலம், இங்கிலாந்து 4 ரன்கள் வித்தியாசத்தில் வெற்றிபெற்றது. லோகேஷ் கடைசி வரை ஆட்டமிழக்காமல் லோகேஷ் 20 பந்துகளில் 4 பவுண்டரி, 2 சிக்ஸர் என 39 ரன்களை அடித்திருந்தார்.

ENG vs NEP: ரன்களை வாரி வழங்கிய ஆர்ச்சர், ரஷீத்

ஆர்ச்சர் 4 ஓவர்களை வீசி 1 விக்கெட்டை மட்டும் எடுத்து 42 ரன்களை கொடுத்தார். அனுபவ வீரர் அடில் ரஷித் 3 ஓவர்களை மட்டும் வீசி 42 ரன்களை கொடுத்தார், விக்கெட் எடுக்கவே இல்லை. சாம் கர்ரண் பேட்டிங்கில் சொதப்பினாலும், பந்துவீச்சில் 4 ஓவர்களுக்கு 1 விக்கெட்டை வீழ்த்தி 27 ரன்களை மட்டுமே கொடுத்தார். இவர் பந்தின் வேகத்தை குறைத்து வீசியதன் காரணமாகவே வெற்றி இங்கிலாந்து வசம் வந்தது. இவரின் வேரியேஷன்கள் பாராட்டத்தக்கது. பந்துவீச்சில் 1 விக்கெட்டையும், பேட்டிங்கில் 39 ரன்களையும் அடித்த வில் ஜாக்ஸ் ஆட்டநாயகன் விருதை வென்றார்.

ENG vs NEP: மனமுடைந்துபோன நேபாள ரசிகர்கள்

போட்டி மும்பையில் நடந்தாலும் வான்கெடே மைதானம் முழுவதும் நேபாளம் அணி ரசிகர்கள்தான் நிரம்பி வழிந்தார்கள். ஒவ்வொரு பந்திற்கும் நேபாள அணிக்கு தங்களின் ஆரவாரமான ஆதரவை வழங்கினார்கள். ஆனால், கடைசி பந்தில் நேபாள அணி வெற்றிக் கோட்டை தாண்ட முடியாமல் போனதால் மிகவும் மனமுடைந்து போனார்கள்.

ENG vs NEP: தோற்றாலும் குவியும் பாராட்டு

இருப்பினும் நேபாள அணி நேர்மறையாக இத்தொடரை தொடங்கி உள்ளது, அடுத்தடுத்த போட்டிகளில் வெற்றி பெறும்பட்சத்தில் நேபாளம் சூப்பர் 8 சுற்றுக்கு போக அதிக வாய்ப்புள்ளது. அதேநேரத்தில் நேபாளம் அணி அடுத்த மூன்று போட்டிகளையும் மும்பையில்தான் விளையாட உள்ளது என்பதும் குறிப்பிடத்தக்கது. கிரிக்கெட் உலகில் இருந்தும் நேபாளம் அணிக்கு பெரும் பாராட்டுகள் குவிந்து வருகின்றன. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

India vs USA Tamil Commentary Scorecard Live: ஐசிசி டி20 உலகக் கோப்பை 2026 தொடர் (ICC T20 World Cup 2026) இன்று தொடங்கியது. சுமார் ஒரு மாதம் நடைபெற இருக்கும் இந்த டி20ஐ திருவிழாவில் இன்று மட்டும் மூன்று போட்டிகள் நடைபெறுகின்றன.

India vs USA Live Scorecard: இந்தியா - அமெரிக்கா மோதல்

கொழும்புவில் உள்ள எஸ்எஸ்சி கிரிக்கெட் மைதானத்தில் பாகிஸ்தான் - நெதர்லாந்து அணிகள் மோதுகின்றன. தொடர்ந்து கொல்கத்தா ஈடன் கார்டன்ஸ் மைதானத்தில் மேற்கு இந்திய தீவுகள் - ஸ்காட்லாந்து அணிகள் மோதுகின்றன. இரவு 7 மணிக்கு மும்பை வான்கடே மைதானத்தில் இந்தியா - அமெரிக்கா அணிகள் மோதுகின்றன. இப்போட்டிக்கு முன்னதாக டி20 உலகக் கோப்பை தொடருக்கான அதிகாரப்பூர்வ தொடக்க விழா நிகழ்ச்சியும், பல்வேறு கலை நிகழ்ச்சிகளும் இன்று மும்பையில் நடைபெறுகிறது.

India vs USA Live Scorecard: கவனிக்க வேண்டிய அமெரிக்க வீரர்கள்

அமெரிக்க அணி கடந்த டி20 உலகக் கோப்பை குரூப் சுற்றில் பாகிஸ்தானை அணியை வீழ்த்தி, சூப்பர் 8 சுற்று வரை முன்னேறியது. ஆனால் சூப்பர் 8 சுற்றில் 3 போட்டிகளையும் தோற்று வெளியேறியது. தொடர்ச்சியாக அமெரிக்க அணியில் இடம்பெற்றுள்ள வீரர்கள் உலகம் முழுவதும் நடைபெறும் பல்வேறு டி20 லீக் தொடர்களில் விளையாடி கவனம் பெற்றுள்ளனர். கேப்டன் மோனக் பட்டேல், இடது கை வேகப்பந்துவீச்சாளர் சௌரப் நேத்ராவல்கர், சைதேஜா முக்கமல்லா, ஷெஹான் ஜெயசூர்யா, ஆண்ட்ரிஸ் கௌஸ், சஞ்சய் கிருஷ்ணமூர்த்தி உள்ளிட்ட அமெரிக்க வீரர்கள் கவனம் பெறுகிறார்கள். 

India vs USA Live Scorecard: உள்ளே வரும் சிராஜ்

Attack Plan On PM Narendra Modi: நாடாளுமன்றத்தில் பிரதமர் மோடியை தாக்க எதிர்க்கட்சிகள் திட்டம் தீட்டியதாகவும், அதனாலேயே பிரதமரை நேற்று அவைக்கு வர வேண்டாம் என தானே சொன்னதாகவும் மக்களவை சபாநாயகர் ஓம் பிர்லா தெரிவித்திருப்பது பரபரப்பை உண்டாக்கி உள்ளது.

கடந்த ஜனவரி 28ஆம் தேதி குடியரசுத் தலைவர் திரௌபதி முர்முவின் உரையுடன் பட்ஜெட் கூட்டத்தொடர் தொடங்கியது. ஜனவரி 28ஆம் தேதி முதல் பிப்ரவரி 13ஆம் தேதிவரை முதல் கட்டமாகவும், மார்ச் 9ஆம் தேதி முதல் ஏப்ரல் 2ஆம் தேதிவரை இரண்டாம் கட்டமாகவும் பட்ஜெட் கூட்டத்தொடர் நடைபெறுகிறது. 

கடந்த பிப்ரவரி 1ஆம் தேதி 2026-27 நிதியாண்டுக்கான நிதிநிலை அறிக்கையை மத்திய நிதி அமைச்சர் நிர்மலா சீதாராமன் மக்களவையில் தாக்கல் செய்தார். தொடர்ந்து, குடியரசுத் தலைவர் உரைக்கு நன்றி தெரிவிக்கும் தீர்மானம் மீதான விவாதம் நடைபெற்றது. 

அந்த வகையில், குடியரசுத் தலைவரின் உரைக்கு நன்றி தெரிவிக்கும் தீர்மானம் மீது பிரதமர் மோடி நேற்று மக்களவையில் பதிலுரை ஆற்ற இருந்தார். ஆனால், பிரதமர் மோடி நேற்று அவைக்கு வரவில்லை, அவரது உரை ரத்து செய்யப்பட்டது. இதனால், எதிர்க்கட்சிகளின் கேள்விகளுக்கு பதில் அளிக்க அஞ்சி பிரதமர் மோடி மக்களவைக்கு வரவில்லை என காங்கிரஸ் குற்றஞ்சாட்டியிருந்தது. 

இந்நிலையில், மக்களவை சபாநாயகர் ஓம் பிர்லா இன்று அவையில் பேசியபோது, "ஜனாதிபதியின் உரைக்கு பிரதமர் மோடி பதிலளிக்க வேண்டியிருந்தபோது, ​​காங்கிரஸ் கட்சியின் பல உறுப்பினர்கள் பிரதமரின் இருக்கைக்குச் சென்று எதிர்பாராத ஒன்றைச் செய்யக்கூடும் என்ற உறுதியான தகவல் எனக்குக் கிடைத்தது. இந்த காட்சியை நான் அவையில் கூட பார்த்தேன். அப்படி ஒரு சம்பவம் நடந்திருந்தால், அது நாட்டின் ஜனநாயக மரபுகளையே உடைக்கும் ஒரு விரும்பத்தகாத நிகழ்வாக இருந்திருக்கும். இதைத் தவிர்க்கவே, பிரதமர் அவைக்கு வருவதைத் தவிர்க்குமாறு நான் கேட்டுக் கொண்டேன்" என்றார். இதன்மூலம், காங்கிரஸ் வைத்த குற்றச்சாட்டுக்கு மக்களவை சபாநாயகர் பதிலடி கொடுத்துள்ளார். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

திமுக அரசு பல்வேறு வழிகளில் ஊழல் செய்வது போல் தவெக மக்கள் சந்திப்பு பயணத்திற்கு பல தடைகள் செய்வதாகவும், ஆட்சியில் இருக்கும் தீய சக்திகளை அகற்றுவது எங்கள் முதன்மை குறிக்கோள்; மற்றவர்களைப் பற்றி கவலைப்படமாட்டோம்” என கடலூரில் தவெக கொள்கை பரப்பு செயலாளர் அருண்ராஜ் பேட்டி அளித்துள்ளார். வரும் 2026 தேர்தலை முன்னிட்டு தமிழக வெற்றி கழகத்தின் தேர்தல் அறிக்கை குழுவின் மக்கள் கருத்துக்கேட்பு கூட்டம் கடலூர் முதுநகரில் உள்ள தனியார் திருமண மண்டபத்தில் நடைபெற்றது. இதில் கட்சியின் பொதுச்செயலாளர் ஆனந்த், கொள்கை பரப்பு செயலாளர் அருண்ராஜ் உள்ளிட்ட நிர்வாகிகள் மற்றும் தொண்டர்கள் பங்கேற்றனர். 

மதுரை மாவட்டம் மேலூர் அருகே பொய்கைகரைப்பட்டியில் அமைந்துள்ள தனியார் திருமண மண்டபத்தில் பரம்பொருள் பவுண்டேஷன் சார்பாக அதன் தலைவர் மகாவிஷ்ணு தலைமையில் தைப்பூசத் திருநாள் கொண்டாடப்பட்டது. இதில் முருக பக்தர்கள் உள்ளிட்ட ஆயிரத்திற்கும் மேற்பட்டோர் பங்கேற்ற நிகழ்வில், பரம்பொருள் பவுண்டேஷன் தலைவர் மகாவிஷ்ணு செய்தியாளருக்கு பேட்டி அளித்துள்ளார். அதில்,  ரசிகர்களின் உயிரை பணயம் வைத்து அரசியல் செய்யக்கூடாது எனவும், அரசியலில் தனது ரசிகர்களை அரசியல் பக்குவப்படுத்த வேண்டிய கடமை விஜய்க்கு இருக்கிறது எனவும் மகாவிஷ்ணு தெரிவித்துள்ளார்.