गुरप्रीत सिंह ने चाचा के घर पर हमला किया, पुलिस कार्रवाई की मांग

ਬੀਤੀ ਰਾਤ ਜਗਰਾਓਂ ਦੇ ਪਿੰਡ ਸ਼ੇਖਦੋਲਤ ਵਿੱਚ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਪਿੰਡ ਦੇ ਇਕ ਨੌਜ਼ਵਾਨ ਵਲੋਂ ਆਪਣੇ ਹੀ ਚਾਚੇ ਦੇ ਘਰ ਤੇ ਇੱਟਾਂ ਰੋੜਿਆਂ ਨਾਲ ਹਮਲਾ ਕਰ ਦਿੱਤਾ ਤੇ ਮੌਕੇ ਤੋਂ ਗਾਲਾਂ ਕੱਢਦਾ ਫਰਾਰ ਹੋ ਗਿਆ। ਜਦੋਂ ਉਸਦੇ ਬਾਪ ਨੇ ਉਸਨੂੰ ਇਸ ਤਰਾਂ ਕਿਉਂ ਕਰਨ ਬਾਰੇ ਪੁੱਛਿਆ ਤਾਂ ਉਸਨੇ ਆਪਣਾ ਬਾਪ ਵੀ ਕੁੱਟ ਦਿੱਤਾ ਤੇ ਇਹ ਪੂਰੀ ਘਟਨਾ cctv ਵਿੱਚ ਵੀ ਕੈਦ ਹੋ ਗਈ ਤੇ ਪੁਲਿਸ ਨੂੰ ਇਸ ਘਟਨਾ ਦੀ ਸ਼ਿਕਾਇਤ ਦੇਣ ਦੇ ਬਾਅਦ ਵੀ ਪੁਲੀਸ ਨੇ ਇਸ ਨੌਜ਼ਵਾਨ ਨੂੰ ਕਾਬੂ ਨਹੀਂ ਕੀਤਾ ਹੈ,ਜਦਕਿ ਇਹ ਨੌਜ਼ਵਾਨ ਪਹਿਲਾਂ ਹੀ ਮਾਣਯੋਗ ਅਦਾਲਤ ਵਲੋਂ NDPS ਕੇਸ ਵਿੱਚ ਭਗੌੜਾ ਘੋਸ਼ਿਤ ਕੀਤਾ ਹੋਇਆ ਹੈ। ਪੂਰੀ ਜਾਣਕਾਰੀ ਦਿੰਦੇ ਹੋਏ ਪਿੰਡ ਸ਼ੇਖਦੋਲਤ ਵਿਖੇ ਇਕੱਠੇ ਹੋਏ ਪਰਿਵਾਰਿਕ ਮੈਂਬਰਾ ਨੇ ਦੱਸਿਆ ਕਿ ਬੀਤੀ ਰਾਤ ਓਨਾਂ ਦੇ ਹੀ ਤਾਏ ਦੇ ਮੁੰਡੇ ਗੁਰਪ੍ਰੀਤ ਸਿੰਘ ਨੇ ਘਰ ਦੇ ਗੇਟਾਂ ਤੇ ਅੰਦਰ ਵਿਹੜੇ ਵਿੱਚ ਇੱਟਾਂ ਰੋੜੇ ਮਾਰ ਕੇ ਹਮਲਾ ਸ਼ੁਰੂ ਕਰ ਦਿੱਤਾ।ਜਿਸ ਕਰਕੇ ਉਹ ਪੂਰੇ ਡਰ ਗਏ ਤੇ ਓਨਾਂ ਦਾ ਘਰ ਪੂਰੀ ਤਰਾਂ ਇੱਟਾਂ ਰੋੜਿਆਂ ਨਾਲ ਭਰ ਗਿਆ ਤੇ ਘਰ ਦਾ ਗੇਟ ਤੇ ਅੰਦਰਲੀਆਂ ਬਾਰੀਆਂ ਵੀ ਕਾਫੀ ਨੁਕਸਾਨੀਆਂ ਗਈਆਂ। ਉਨਾਂ ਨੇ ਫੌਰਨ ਇਸ ਹਮਲੇ ਦੀ ਸੂਚਨਾ 112 ਤੇ ਦਿੱਤੀ ਪਰ ਪੁਲਿਸ ਅਗਲੇ ਦਿਨ ਸਵੇਰੇ ਆਈ ਤੇ ਇਸ ਹਮਲੇ ਦੀ ਪੂਰੀ ਜਾਣਕਾਰੀ ਲਏ ਬਗੈਰ ਖ਼ਾਨਾਪੂਰਤੀ ਕਰਕੇ ਚਲਦੀ ਬਣੀ। ਇਸ ਮੌਕੇ ਪਰਿਵਾਰਿਕ ਮੈਂਬਰਾ ਨੇ ਇਹ ਵੀ ਦਸਿਆ ਕਿ ਹਮলা ਕਰਨ ਵਾਲੇ ਗੁਰਪ੍ਰੀਤ ਸਿੰਘ ਨੂੰ ਸ਼ੱਕ ਹੋ ਗਿਆ ਸੀ ਕਿ ਉਸਦਾ ਬਾਪ ਆਪਣੀ ਜਮੀਨ ਆਪਣੇ ਭਤੀਜੇ ਨੂੰ ਵੇਚਣੀ ਚਾਹੁੰਦਾ ਹੈ ਤੇ ਜਿਸ ਕਰਕੇ ਉਸਨੇ ਆਪਣੇ ਬਾਪ ਨੂੰ ਵੀ ਕੁੱਟਿਆ ਤੇ ਓਨਾਂ ਦੇ ਘਰ ਤੇ ਹਮਲਾ ਵੀ ਕੀਤਾ। ਜਦਕਿ ਹਮਲਾਵਰ ਦਾ ਬਾਪ ਨਾ ਤਾਂ ਕੋਈ ਜਮੀਨ ਸਾਨੂੰ ਵੇਚਣ ਲੱਗਿਆ ਸੀ ਨਾ ਹੀ ਉਹ ਖਰੀਦਣ ਲੱਗੇ ਸਨ। ਇਸ ਮੌਕੇ ਉਨਾਂ ਪੁਲਿਸ ਤੋ ਮੰਗ ਕੀਤੀ ਕਿ ਨਸ਼ੇ ਦੀ ਹਾਲਤ ਵਿੱਚ ਸਾਡੇ ਘਰ ਤੇ ਹਮਲਾ ਕਰਨ ਵਾਲੇ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ ,ਕਿਉਂਕਿ ਓਨਾ ਨੂੰ ਹੁਣ ਆਪਣੀ ਜਾਨ ਮਾਲ ਦਾ ਖਤਰਾ ਹੈ। ਇਸ ਮੌਕੇ ਹਮਲਾਵਰ ਗੁਰਪ੍ਰੀਤ ਸਿੰਘ ਦੇ ਪਿਤਾ ਚੰਦ ਸਿੰਘ ਨੇ ਕਿਹਾਃਕਿ ਉਸਦੇ ਪੁੱਤਰ ਨੇ ਜਿਥੇ ਉਸਦੇ ਭਰਾ ਦੇ ਘਰ ਤੇ ਹਮਲਾ ਕੀਤਾ ਹੈ,ਉਥੇ ਹੀ ਇਸ ਹਮਲੇ ਬਾਰੇ ਪੁੱਛਣ ਤੇ ਉਸਨੇ ਮੈਨੂੰ ਵੀ ਕੁੱਟਿਆ ਹੈ ਤੇ ਉਸਦੇ ਆਪਣੇ ਸਿਰ ਤੇ ਲੱਖਾਂ ਦਾ ਕਰਜਾ ਹੈ ਤੇ ਉਹ ਆਪਣਾ ਕਰਜ਼ਾ ਲਾਉਣ ਲਈ ਅੱਜ ਨਹੀਂ ਤੇ ਕਲ ਜਮੀਨ ਵੇਚੇਗਾ ਹੈ।ਉਸਨੇ ਆਪਣੇ ਬੇਟੇ ਖਿਲਾਫ ਕਾਨੂੰਨੀ ਕਾਰਵਾਈ ਦੀ ਮੰਗ ਵੀ ਕੀਤੀ ਹੈ। ਇਸ ਮੌਕੇ ਤੇ ਹਮਲਾਵਰ ਗੁਰਪ੍ਰੀਤ ਵੀ ਮੌਕੇ ਤੇ ਆਇਆ ਤੇ ਰੌਲਾ ਪਾਉਂਦੇ ਹੋਏ ਦੱਸਿਆ ਕਿ ਉਸਦਾ ਬਾਪ ਜਮੀਨ ਵੇਚਣੀ ਚਾਹੁੰਦਾ ਹੈ ਤੇ ਉਹ ਜ਼ਮੀਨ ਵਿਕਣ ਨਹੀਂ ਦੇਵੇਗਾ। ਇਸ ਮੌਕੇ ਇਸ ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਜਗਰੂਪ ਸਿੰਘ ਨੇ ਕਿਹਾਃਕਿ ਓਨਾ ਕੋਲ ਇਸ ਮਾਮਲੇ ਦੀ ਸ਼ਿਕਾਇਤ ਆ ਗਈ ਹੈ ਤੇ ਜਲਦੀ ਹੀ ਹਮਲਾ ਕਰਨ ਵਾਲੇ ਨੂੰ ਕਾਬੂ ਕਰਕੇ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਬਾਈਟ -- ਪੀੜਿਤ ਪਰਿਵਾਰ ਬਾਈਟ -- ਹਮਲਾਵਰ ਦਾ ਪਿਤਾ ਤੇ ਹਮਲਾਵਰ ਗੁਰਪ੍ਰੀਤ ਸਿੰਘ ਬਾਈਟ -- ਪੁਲਿਸ ਅਧਿਕਾਰੀ ਜਗਰੂਪ ਸਿੰਘ ਜਗਰਾਓਂ ਤੋ ਰਜਨੀਸ਼ ਬਾਂਸਲ ਦੀ ਰਿਪੋਰਟ