ਹੜ੍ਹ ਪ੍ਰਭਾਵਿਤ ਪਿੰਡ ਸਾਂਗਰਾ ਨੂੰ ਰਾਜਸਭਾ ਮੈਂਬਰ ਸੰਤ ਸੀਚੇਵਾਲ ਨੇ ਆਪਣੇ ਅਖਤਿਆਰੀ ਕੋਟੇ ਚੋਂ ਦਿੱਤੀ ਕਿਸਤੀ, ਔਖੇ ਸਮੇਂ ਚ ਹੋਵੇਗੀ ਸਹਾਈ ਸੁਲਤਾਨਪੁਰ ਲੋਧੀ ਇਲਾਕੇ ਦੇ ਹੜ ਪ੍ਰਭਾਵਿਤ ਖੇਤਰ ਨੂੰ ਰਾਹਤ ਪ੍ਰਦਾਨ ਕਰਦੇ ਹੋਏ ਰਾਜਸਭਾ ਮੈਂਬਰ ਅਤੇ ਵਾਤਾਵਰਣ ਪ੍ਰੇਮੀ ਪਦਮ ਸ੍ਰੀ ਸੰਤ ਬਲਬੀਰ ਸਿੰਘ ਸੀਚੇਵਾਲ ਨੇ ਆਪਣੇ ਅਖਤਿਆਰੀ ਕੋਟੇ ਦਾ ਇਸਤੇਮਾਲ ਕਰਦੇ ਹੋਏ ਇੱਕ ਕਿਸ਼ਤੀ ਪ੍ਰਦਾਨ ਕੀਤੀ ਹੈ। ਸੰਤ ਸੀਚੇਵਾਲ ਵੱਲੋਂ ਇਹ ਕਿਸ਼ਤੀ ਹੜ ਪ੍ਰਭਾਵਿਤ ਪਿੰਡ ਸਾਂਘਰਾ ਦੀ ਪੰਚਾਇਤ ਨੂੰ ਸਪੁਰਦ ਕੀਤੀ ਗਈ ਹੈ ਜੋ ਭਵਿੱਖ ਵਿੱਚ ਇਸ ਇਲਾਕੇ ਦੇ ਲਈ ਬੇਹੱਦ ਲਾਹੇਵੰਦ ਸਾਬਤ ਹੋਵੇਗੀ। ਇਹ ਕਿਸ਼ਤੀ ਨਾ ਸਿਰਫ ਹੜਾਂ ਦਾ ਮੁਕਾਬਲਾ ਕਰ ਰਹੇ ਲੋਕਾਂ ਲਈ ਲਾਹੇਵੰਦ ਸਾਬਿਤ ਹੋਵੇਗੀ ਬਲਕਿ ਭਵਿੱਖ ਵਿੱਚ ਔਖੀ ਘੜੀ ਵਿੱਚ ਵੀ ਵੱਡੀ ਮਦਦਗਾਰ ਸਾਬਤ ਹੋਵੇ। ਗੱਲਬਾਤ ਕਰਦੇ ਹੋਏ ਰਾਜ ਸਭਾ ਮੈਂਬਰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਨੇ ਦੱਸਿਆ ਕਿ ਉਹ ਆਉਣ ਵਾਲੇ ਸਮੇਂ ਚ ਹੋਰ ਇਲਾਕਿਆਂ ਨੂੰ ਵੀ ਅਜਿਹੀਆਂ ਕਿਸਤੀਆਂ ਪ੍ਰਦਾਨ ਕਰਨਗੇ ਤਾਂ ਜੋ ਕਦੇ ਵੀ ਭਵਿੱਖ ਵਿੱਚ ਹੜਾਂ ਦੇ ਹਾਲਾਤ ਬਣਨ ਤਾਂ ਉਹਨਾਂ ਨੂੰ ਕਿਸੇ ਐਸਡੀਆਰਐਫ ਜਾਂ ਐਨਡੀਆਰਐਫ ਦੀ ਉਡੀਕ ਨਾ ਕਰਨੀ ਪਵੇ ਉਹ ਖੁਦ ਮੁਖਤਿਆਰ ਹੋ ਕੇ ਆਪਣੇ ਆਪ ਦੀ ਰਾਖੀ ਬਿਨਾਂ ਕਿਸੇ ਦੇਰੀ ਕਰ ਸਕਣ। ਦੂਜੇ ਪਾਸੇ ਪਿੰਡ ਦੀ ਪੰਚਾਇਤ ਅਤੇ ਪਿੰਡ ਵਾਸੀਆਂ ਵੱਲੋਂ ਵੀ ਕਿਸ਼ਤੀ ਪ੍ਰਦਾਨ ਕਰਨ ਦੇ ਲਈ ਰਾਜ ਸਭਾ ਮੈਂਬਰ ਸੰਤ ਸੀਚੇਵਾਲ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ ਗਿਆ। ਬਾਈਟ: ਐੱਮਪੀ ਸੰਤ ਸੀਚੇਵਾਲ ਬਾਈਟ: ਗੁਰਮੀਤ ਸਿੰਘ ਕਾਹਲੋਂ (ਬੀਡੀਪੀਓ) ਬਾਈਟ: ਅਮਰਜੀਤ ਸਿੰਘ (ਸਰਪੰਚ)