नंदुरबार की जिल्हाधिकारी ने जुड़वा बच्चों को अंगणवाड़ी में दाखिला कराया

ANCHOR - लोका सांगे ब्रह्मज्ञान स्वत मात्र कोरडे पाषाण , हि म्हण आपण ऐकली असेल , अनुभवली असेल. नेते, अधिकारी , राज्य करते , विरोधक , सर्व शासकीय शाळामंध्ये मुलांना प्रवेश देण्यासाठी बोलघेवडेपण करताना दिसतात. मात्र स्वकृतीतून नंदुरबार जिल्हाधिकारी मिताली सेठी यांनी एक नवा आदर्श घालून दिला आहे . त्यांनी आपल्या स्वतःच्या जुळ्या मुलांना सरकारी शाळेत टाकलं. आहे. VO - या आहेत नंदुरबार जिल्ह्याधिकारी मिताली सेठी , यांनी समाजापुढे आपल्या कृतीतून आदर्श घालून दिला आहे. नंदुरबार शहरापासून चार किलोमीटर अंतरावर असलेल्या टोकर तलाव अंगणवाडीत त्यांनी आपल्या जुळ्या मुलांना प्रवेशित केले आहे . विशेष म्हणजे त्या स्वतः मुलांना सोडायला अंगणवाडीत आल्यात. या चिमुरड्याने शिस्त लागावी, त्यांचा विरुंगुळा व्हावा या हेतूने सेठी यांनी आपल्या मुलाला या सरकारी अंगणवाडीत पाठवायला सुरुवात केली आहे. सर्वसाधारणपणे गरीब घरातली मुले अंगणवाडीत प्रवेश घेतात, हा सर्व साधारण समज. पण नंदुरबारच्या जिल्हाधिकारी डॉ. मिताली सेठी यांनी हा समज मोडीत काढून स्वतः च्या जुळ्या मुलांना अंगणवाडीत टाकलं आहे. नंदूरबार शहरापासून ३-४ किलोमीटरवर असलेल्या टोकरतलाव इथल्या अंगणवाडीत त्यांनी मुलांना टाकलं आहे. या अंगनवाडीतल्या सेविका आणि मदतनीसांनी तयार करुन घेतलेल्या झोळीची कल्पना आवडल्यानं जिल्हाधिकारी डॉ मिताली सेठी यांनी आपल्या शुकर आणि सबर या जुळ्या मुलांना टोकरतलावच्या अंगणवाडीत टाकले आहे. बाईट :- डॉ मिताली सेठी जिल्हाधिकारी नंदुरबार VO - या ठिकाणी शाळा आणि अंगणवाडी एकाच प्राणंगणात असल्याने दोन्हीवर लक्ष तर राहीलच शिवाय जिल्ह्यातल्या इतर अंगणवाडीमध्ये देखील काय सुधारणा करता येईल याबाबत देखील जातीने लक्ष घालता येईल, या उद्देशानेचे मुले अंगणवाडीमध्ये घातल्याचे जिल्हाधिकारी म्हणाल्या आहेत. बाईट :- डॉ मिताली सेठी जिल्हाधिकारी नंदुरबार VO - सामाजिक दायीत्वातून त्यांनी उचललेले हे पाऊल इतरांना प्रेरणादायी आणि कौतूकास्पद म्हणाव लागेल. त्यांच्या यां निर्णयामुळे पालकांमध्ये चांगलीच चर्चा रंगली आहे. इतकाच नव्हे तर सरकारी शाळांना दूषण देत न बसता, त्यांनी कृतीतून घालून दिलेला हा आदर्श इतरांच्या डोळ्यात अंजन घालणारा आहे. प्रशांत परदेशी, नंदुरबार.