बीडच्या वडवणी न्यायालयात सरकारी वकिलाची आत्महत्या, कुटुंबावर शोककळा!

अँकर - बीडच्या वडवणी न्यायालयात सरकारी वकिल विनायक चंदेल यांनी आत्महत्या केल्याचा धक्कादायक प्रकार समोर आलाय. आत्महत्याग्रस्त चंदेल हे परभणीच्या इंदेवाडी या गावचे रहिवासी होते. या घटने नंतर इंदेवाडी गावावर शोककळा पसरलीय. तर त्यांचे कुटुंबीय अबोल झालीयेत. त्यांच्या पश्चात आई वडील पत्नी दोन मुले असा परिवार आहे. मोठ्या मेहनतीच्या जोरावर विनायक चंदेल हे 5 महिन्यांपूर्वीच सरकारी अभियोक्ता बनले होते, त्यांना सामाजिक जाण होती,शिवाय ते खूप नैतिक होते अस गावकरी सांगतायेत, घरातील कमावत व्यक्ती गेल्याने कुटुंब अडचणीत सापडलंय. बीडच्या वडवणी येथील दिवाणी आणि फौजदारी न्यायालयात काल सकाळी साडे दहा वाजता कक्षातील खिडकीच्या गजाला सत्कार स्वीकारलेल्या शालने ऍड. चंदेल यांनी गळफास लावून घेत आत्महत्या केलीय. त्यांच्या खिशात चिठ्ठी सापडली असून सदर चिठ्ठी मृतदेह ताब्यात घेण्यासाठी गेलेल्या त्यांच्या कुटुंबियांना पोलिसांनी हे प्रकरण गंभीर असल्याचे सांगत चिठ्ठी दडवल्याचा आरोप कुटुंबीयांनी केलाय. त्यांना घरगुती कुठली ही चिंता नव्हती मग त्यांनी कार्यालयीन कामकाजाच्या ताण तणावातून आत्महत्या केली असावी अस कुटुंबियांच म्हणणं आहे. पोलिसांनी चिठ्ठीतील माहिती दडवल्याने या प्रकरणात आता संशय व्यक्त होत आहे. ही चिठ्ठी तर बदलली तर जाणार नाही ना असा संशय ग्रामस्थ व्यक्त करतायेत तर चिठ्ठीत जे काही लिहल आहे,त्याप्रमाणे कारवाई व्हावी यासाठी या प्रकरणाचा तपास सीआयडी किंवा उच्चस्तरीय कमीटीच्या माध्यमातून व्हावा अशी मागणी मयत वकील यांचे भाऊ मुरलीधर आणि मुलगा विश्वजित यांनी केलीय... - १२१ with family बाईट- सुरेखा चंदेल- पत्नी बाईट- मुरलीधर चंदेल- मयताचा भाऊ बाईट- विश्वजीत चंदेल- मयताचा मुलगा बाईट- रंगनाथ कच्छवे- ग्रामस्थ