गणेश चतुर्थीच्या दिवशी भामरागडात पुराचे संकट, गर्भवती महिलेचा अद्भुत रेस्क्यू!

Feed slug :--- 2708ZT_GAD_FLOOD_RESCUE ( single file sent on 2C)  टायटल:-- गणेश चतुर्थीच्या दिवशीच भामरागडात पुराचे संकट, शंभर गावांचा संपर्क तुटला, गर्भवती महिलेसाठी प्रशासनाचे सफल अभियान      अँकर:-- गडचिरोली जिल्ह्यात सीमावर्ती भागात मुसळधार पाऊस सुरू आहे. यामुळे नदी नाले ओसंडून वाहत आहेत. या दरम्यान भामरागड तालुक्यातील पामुलगौतम नदीपलीकडील हिंदेवाडा येथील एका गर्भवती महिलेला अचानक प्रसुतीच्या वेदना झाल्याने तिला रुग्णालयात दाखल करणे गरजेचे होते. मात्र पर्लकोटासह पामुलगौतम नदी देखील तुडुंब भरून वाहत असल्याने प्रशासनासमोर मोठे आव्हान उभे झाले होते. आज पहाटे चार वाजता च्या सुमारास एसडीआरएफ टीमच्या मदतीने बोटीद्वारे पामुल गौतम नदीतून रेस्क्यू करत त्या गर्भवती महिलेला पुराच्या पाण्यातून बाहेर काढण्यात आले. सौ. अर्चना विकास तिम्मा असे त्या गर्भवती महिलेचे नाव असून तिला भामरागड तालुका मुख्यालयातील ग्रामीण रुग्णालयात प्रसुती करिता दाखल करण्यात आले आहे. रुग्णालयात सफल प्रसूती होत टिनर कन्येला जन्म दिलाय. जिल्हाधिकारी अविश्यांत पंडा यांच्या सूचनेनुसार तहसीलदार किशोर बागडे यांनी संपूर्ण यंत्रणा सतर्क केली. भामरागडच्या मुख्य बाजारपेठेत पर्लकोटा नदीचे पाणी शिरले असून सुमारे ३० ते ३५ दुकानांत पाणी शिरले आहे. प्रशासनाच्या सूचनेनुसार व्यापाऱ्यांनी काल रात्रीच आपले साहित्य सुरक्षित स्थळी हलविल्याने मोठे नुकसान टळले आहे.लगतच्या भागात पावसाचे प्रमाण सुरू असल्याने जिल्हाधिकारी यांनी सर्व विभागांना सज्ज राहण्याच्या तसेच आवश्यक त्या उपाययोजना तातडीने करण्याच्या सूचना दिल्या आहेत.  आशीष अम्बाडे झी मीडिया गडचिरोली