यवतमाळ में बाळासाहेब ठाकरे जन्मशताब्दी पर शिवसेना गुट ने एकजुट होकर श्रद्धांजलि दी

यवतमाळ मध्ये हिंदूहृदय सम्राट बाळासाहेब ठाकरे यांच्या जन्मशताब्दी निमित्त त्यांना अभिवादन करण्यासाठी शिवसेनेचे दोन्ही गट आमने-सामने आले. यावेळी गटबाजीचे प्रदर्शन करण्याचे टाळून पालकमंत्री संजय राठोड यांच्या सामंजस्याच्या भूमिकेमुळे दोन्ही शिवसेनच्या पदाधिकाऱ्यांनी एकत्रित येऊन बाळासाहेबांच्या प्रतिमेला अभिवादन केले. दाते कॉलेज चौकात शिवसेनेने बाळासाहेबांच्या जयंतीनिमित्त पोलीस भरतीमध्ये सहभागी होणाऱ्या विद्यार्थ्यांना स्पर्धा परीक्षा पुस्तकांच्या वितरणाचा कार्यक्रम घेतला होता. दरम्यान शिवसेना उबाठा चे संपर्कप्रमुख राजेंद्र गायकवाड व जिल्हाप्रमुख किशोर इंगळे शिवसैनिकांसमवेत त्या ठिकाणी पोहोचले. थोड्याच वेळात पालकमंत्री संजय राठोड व शिवसेना पदाधिकारी देखील तेथे पोहोचले. दोन्ही शिवसेना समोरासमोर आल्या. तेव्हा पालकमंत्री संजय राठोड यांनी समन्वय साधत एकत्रितपणे बाळासाहेबांना अभिवादन केले. यावेळी दोन्ही पक्षाच्या नेत्यांनी एकमेकांशी साधलेला संवाद चर्चेचा विषय ठरला.