वाशिम में अचानक भारी बारिश से दिवाली बाजारों में उथल-पुथल; किसानों की चिंता बढ़ी

वाशिम जिल्ह्यातील मानोरा,मंगरूळपीर मालेगाव,वाशिम व रिसोड या तालुक्यात काही भागात आज अचानक वादळ-वाऱ्यासह जोरदार पावसाने हजेरी लावली,तर वाशिम शहरात जोरदार पावसाची नोंद झाली.दिवाळी निमित्ताने सजलेल्या बाजारपेठा, फुलांची दुकाने, मिठाईचे स्टॉल तसेच फटाक्यांच्या गाड्यांवर या अवकाळी पावसामुळे गडबड उडाली.सणासुदीच्या खरेदीच्या काळात आलेल्या या हवामानातील बदलामुळे व्यापारी आणि ग्राहक दोघेही अडचणीत आले.अचानक आलेल्या या पावसामुळे बाजारातील फुलं, मिठाई आणि इतर वस्तूंना नुकसान होण्याची शक्यता निर्माण झाली आहे.जिल्ह्यातील शेतकरी वर्गावरही या पावसाचा परिणाम होण्याची भीती व्यक्त केली जात आहे.अतिवृष्टीतून थोडक्यात वाचलेले सोयाबीन कापणीचं काम सुरू असलेल्या शेतकऱ्यांच्या पिकाचे पुन्हा नुकसान होण्याची शक्यता असल्याने त्यांच्या चिंतेत भर पडली आहे.हवामान विभागाने पुढील काही तासांत हलक्या ते मध्यम पावसाचा अंदाज वर्तविला असून नागरिकांना आणि शेतकऱ्यांना सतर्क राहण्याचे आवाहन करण्यात आले आहे