बावनकुळे का कांग्रेस पर तीखा हमला, समर्थक छोड़ रहे हैं पार्टी

वाशिम: वाशिम जिल्ह्यातील कारंजा नगरपरिषद निवडणुकीच्या प्रचारासाठी आलेल्या महसूल मंत्री चंद्रशेखर बावनकुळे यांनी काँग्रेसवर जोरदार टीका केली. बावनकुळे म्हणाले की राज्यात काँग्रेसची अवस्था अतिशय बिकट झाली आहे. विजय वडेट्टीवार यांच्या ब्रह्मपुरीत ५ हजार कार्यकर्त्यांनी, तर नाना पटोले यांच्या साकोल्यात अनेकांनी काँग्रेसला रामराम केला. रोज मोठ्या प्रमाणात कार्यकर्ते पक्ष सोडत आहेत. ते म्हणाले, “कार्यकर्त्यांना विचारलं असता ते सांगतात की पक्षात कोणीच विचारत नाही. पटोले-वडेट्टीवार एकमेकांचे तोंड पाहत नाहीत. प्रदेशाध्यक्ष हर्षवर्धन सपकाळ यांना कोणी विचारत नाही, आणि हे तिघं मिळून राहुल गांधींचीही विचारपूस करत नाहीत. काँग्रेस आता डुबत्या जहाजासारखी झाली आहे आणि लवकरच देशातून हद्दपार होईल.” यावेळी बावनकुळे यांनी भाजपमध्ये बंडखोरी करणाऱ्यांवर कठोर भूमिका घेत सहा वर्षांसाठी पक्षातून हकालपट्टी करण्याची मागणी आपण प्रदेशाध्यक्ष रवींद्र चव्हाण यांच्याकडे करणार असल्याचेही सांगितले. स्टेज बाईट: चंद्रशेखर बावनकुळे,महसूल मंत्री