कल्यान-डोंबिवली में भाजपा-शिवसेना के बीच घमासान: पूर्व नगरसेवक प्रवेश पर सियासी उथल-पुथल

कल्याण-डोंबिवलीत भाजप-शिवसेना पुन्हा वाद पेटला; पक्षप्रवेशावरून भाजपचा शिंदे गटावर थेट आक्षेप. भाजपच्या दोन माजी नगरसेवकांना शिवसेनेत प्रवेश दिल्याचा भाजपचा आरोप. माजी नगरसेवक अरुण गीध आणि माजी नगरसेविका वंदना गीध हे भाजपचे सदस्य असून त्यांना उमेदवारी अर्ज देण्यात येणार असताना शिवसेनेमध्ये पक्षप्रवेश करण्यात आल्याचा भाजप माजी आमदार नरेंद्र पवार यांचा दावा. उपमुख्यमंत्री एकनाथ शिंदे यांच्या उपस्थितीत कल्याण मधील उबाठा गटाच्या माजी नगरसेविका उर्मिला गोसावी, काँग्रेसचे माजी नगरसेवक अरुण गीध व माजी नगरसेविका वंदना गीध बहुजन समाज पक्षाच्या माजी नगरसेविका सोनी अहिरे यांचा प्रवेश झाला. परंतु या पक्षप्रवेशची अधिकृत माहिती शिवसेनेकडून दिली गेली. मात्र दोन माजी नगरसेवक हे आधीपासूनच भाजपचे सदस्य असल्याचा दावा भाजपने केला. नरेंद्र पवार यांनी स्पष्ट केलं की भाजप-शिवसेना यांच्यात एक अलिखित करार झाला आहे. करारानुसार भाजपने शिवसेनेच्या पदाधिकारी व कार्यकर्त्यांना प्रवेश देऊ नये, असं ठरलं आहे. त्यामुळे प्रत्यक्षात प्रत्यक्ष भाजपचे अधिकृत सदस्य असल्याचा दावा पवार यांनी केला. भाजपकडून संबंधित नगरसेवकांना तिकीट जाहीर झाले होते. तरीही उपमुख्यमंत्री शिंदे यांनी त्यांना शिवसेनेत प्रवेश दिला, हे चुकीचं असल्याचं पवार म्हणाले. "नियम ठरवले जातात..." अशी टीका त्यांनी केली. भाजपमध्ये शिवसेनेतील अनेक नगरसेवक प्रवेश इच्छुक असूनही युती असल्याने कोणालाही प्रवेश दिलेला नाही. अम्बरनाथ, उल्हासनगर, डोंबिवली, कल्याण परिसरातील शिवसेना नगरसेवक भाजपमध्ये येण्यास इच्छुक असल्याचा दावाही पवार यांनी केला. देवेंद्र फडणवीस, रवींद्र चव्हाण आणि एकनाथ शिंदे यांनी युती होणार असल्याचं स्पष्ट केलं असताना अशी घटना युती विरोधात असल्याचं त्यांनी नमूद केलं. एकीकडे युतीच्या चर्चा, दुसरीकडे भाजपच्या पाठीमागे खंजीर खुपसण्याचं काम सुरू आहे, असा आरोप भाजपच्या माजी नगरसेवकांना शिवसेनेत प्रवेश देणं योग्य नसल्याचं पवार यांनी ठामपणे सांगितलं. या प्रकरणाची तक्रार भाजपच्या वरिष्ठ नेत्यांकडे केली गेली. मात्र या पक्षप्रवेशानंतर पुन्हा एकदा भाजप-शिवसेना मधला वाद चव्हाट्यावर आलेला पाहायला मिळत आहे.