टेंभूर्णी होटल मालिक पर होटल कर्मी के साथ अमानवीय मारपीट का मामला दर्ज

तीन महिन्या पूर्वीचा अमानुष मारहाण व्हिडिओ व्हायरल झाला आणि हॉटेल मालकावर गुन्हा दाखल झाला टेंभुर्णीतील हॉटेल कामगाराला उघडे करून लोखंडी रॉडने अमानुष पने मारणाऱ्या हॉटेल मालकावर गुन्हा दाखल करून टेंभुर्णी पोलिसांनी अटक केली आहे. टेंभुर्णीतील हॉटेल 7777 येथे कामगारावर करण्यात आलेल्या अमानुष अत्याचाराचा व्हिडिओ व्हायरल झाल्यानंतर संपूर्ण सोलापूर जिल्ह्यात व महाराष्ट्रामध्ये खळबळ उडाली व सदर प्रकरण प्रसार माध्यमांनी मोठ्या प्रमाणात उचलून धरल्यानंतर संबंधित घटनेच्या बाबत टेंभूर्णी पोलीस ठाण्यात गुन्हा दाखल करण्यात आला आहे. टेंभुर्णी येथे हॉटेल मालक लखन हरिदास माने याने काम निट का करत नाही तुला जास्त मस्ती आली आहे काय..? असे म्हणुन हॉटेल कामगाराच्या अंगावरील कपडे काढुन खिशातील दोन हजार रूपये जबरदस्तीने घेऊन, नग्न करून हॉटेल बाहेर सर्व कामगारांसमोर शिविगाळी करून लोखंडी रॉडने बेदम मारहाण केली व कामगारांमध्ये दहशत निर्माण केली. तसेच "तु तक्रार दिली तर व तु काम सोडले तर तुला जिवे ठार मारीन" अशी हॉटेल कामगाराला धमकी देखील दिली होती संबंधित अमानुष मानवी कृत्याचे व्हीडिओ सोशल मीडियावरती व्हायरल केले हॉटेल मालक लखन हरिदास माने याचे विरूद्ध टेंभुर्णी पोलीस स्टेशन मध्ये पीडित कामगार निवास आप्पासाहेब नकाते (वय 44), रा. शिक्षक सोसायटी, बेंबळे रोड, टेंभुणी यांनी दिलेल्या तक्रारीवरून टेंभूर्णी पोलीस ठाणे मध्ये गु.र.नं.720/2025 भा. न्या. सं. 2023 चे कलम 119(1), 115(2), 352, 351(2), 118(1), 127(2), 133,356(2) प्रमाणे गुन्हा दाखल करण्यात आला आहे तसेच पुढील तपास सहाय्यक पोलीस निरीक्षक चौधरी करत आहेत.