यवलाकी मुक्तिदिन के अवसर पर नगरसूल स्टेशन पर मुंबई-नांदेड़ एक्सप्रेस का तात्कालिक ठहराव 11–13 अक्टूबर 2025

येवल्यातील मुक्तीभूमी येथे दि. १३ ऑक्टोबर रोजी होणाऱ्या मुक्तिदिन सोहळ्याच्या पार्श्वभूमीवर, मुंबई (CSMT) - नांदेड तपोवन एक्सप्रेस या रेल्वेला येवला तालुक्यातील नगरसूल स्थानकावर दि. ११, १२ आणि १३ ऑक्टोबर २०२५ या दिवशी तात्पुरता थांबा मंजूर करण्यात आला आहे. या तीनही दिवशी मुंबई-नांदेड एक्स्प्रेस सकाळी ११:२४ वा., तर नांदेड-मुंबई एक्स्प्रेस सायं. ३.५९ वा. नगरसूल येथे पोहचेल. त्यामुळे राज्यभरातून येणाऱ्या लाखो आंबेडकरी अनुयायांना या रेल्वेचा विशेष फायदा होणार आहे. राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी दक्षिण मध्य रेल्वेचे महाव्यवस्थापक संजयकुमार श्रीवास्तव यांना पत्र लिहून याबाबत मागणी केली होती.