जालना महापालिका चुनाव: भाजपा-शिवसेना-राष्ट्रवादी की युति तैयार, 65 सीटों पर दांव

जालना : युतीसाठी भाजपचे गोरंटयाल 40,शिवसेनेचे खोतकर 35 तर राष्ट्रवादीचे चव्हाण 5 जागांवर आडून जालना महानगरपालिकेच्या निवडणुकीसाठी ६५ जागांसाठी उमेदवारी अर्ज दाखल करण्याची प्रक्रिया सुरू झाली आहे. तरी प्रमुख राजकीय पक्षांमधील युतीचा तिढा अधिकच गुंतागुंतीचा होत चालला आहे. यामुळे राजकीय वर्तुळात संभ्रमाचे वातावरण निर्माण झाले आहे. याचा थेट परिणाम इच्छुक उमेदवारांवर आणि कार्यकर्त्यांच्या मनोबलावर होत आहे. दरम्यान, भाजप-शिवसेना-राष्ट्रवादी काँग्रेस या पक्षांमधील युतीबाबत बैठका सुरू आहेत. भाजपचे कैलास गोरंट्याल 40, शिवसेनेचे आमदार अर्जुन खोतकर 35, तर राष्ट्रवादीचे अरविंद चव्हाण हेसुद्धा 5 जागांवर आडून आहेत. दुसरीकडे 20 दिवसांवर मतदान प्रक्रिया येऊन ठेपली आहे. युतीबाबत घोषणा नसल्याने मतदार संभ्रमात पडलेले दिसतायत. भाजपचे लोकप्रतिनिधी युतीचा निर्णय शिवसेनेने घ्यावा, अशी भूमिका घेत आहेत. शिवसेनेचे पदाधिकारी भाजपवर निर्णयाची जबाबदारी ढकलताना दिसत आहेत.दरम्यान युती न झाल्यास स्वबळावर निवडणुक लढवण्याची तयारी या पक्षांनी केल्याची माहिती समोर आली आहे.