महानगरपालिका चुनाव: टिकट बंटवारे अटकलबाज़ी बीच 3170 अर्ज, मैदान में सिर्फ दो उमेदवार

महानगरपालिका निवडणुकीच्या रिंगणात उतरण्यासाठी इच्छुकांची मोठी झुंबड उडाली आहे. छत्रपती संभाजी नगरात अर्ज विक्रीच्या पहिल्या दोन दिवसांत तब्बल ३,१७० उमेदवारी अर्जाची विक्री झाली आहे. मात्र, तिकीट वाटपाचा पेच अद्याप सुटलेला नसल्याने, हजारो अर्ज विकले गेले असले तरी प्रत्यक्ष मैदानात उतरण्याचे धाडस केवळ दोनच उमेदवारांनी दाखवले आहे. ३० डिसेंबर शेवटची तारीख असून दुपारी २ वाजेपर्यंत अर्ज दाखल करता येणार आहे. मंगळवारी पहिल्या दिवशी एकही अर्ज दाखल झाला नाही. बुधवारी वंचित बहुजन आघाडीच्या उमेदवाराने आणि काँग्रेसच्या उमेदवाराने अर्ज दाखल केला. सध्या भाजप, शिवसेना शिंदे गट, शिवसेना उबाठा, राष्ट्रवादी काँग्रेस अजित पवार गट, राष्ट्रवादी काँग्रेस शरद पवार गट, वंचित, एमआयएम आणि इतर पक्षांचे इच्छुक प्रतीक्षेत आहेत, आज उद्या जागा वाटप होईल अशी सर्वानाच शक्यता वाटतेय...