मुकुंदवाड़ी में चेन स्नैचिंग: दो चोरों ने गले का मंगळसूत्र छीना, CCTV कैद

छत्रपती संभाजीनगरमधून एक धक्कादायक घटना समोर येत आहे. शहरातील मुकुंदवाडी परिसरात शतपावली करणाऱ्या महिलांना लक्ष्य करत मंगळसूत्र हिसकावण्याची घटना घडली आहे. दुचाकीवरून आलेल्या दोन चोरट्यांनी रस्त्यावर चालणाऱ्या दोन महिलांपैकी एका महिलेच्या गळ्यातील सोन्याचे मंगळसूत्र क्षणार्धात हिसकावले. विशेष म्हणजे ही संपूर्ण घटना सीसीटीव्ही कॅमेऱ्यात कैद झाली आहे. चोरीला गेलेले मंगळसूत्र अंदाजे १९ ग्रॅम वजनाचे असून त्याची किंमत सुमारे १ लाख २८ हजार रुपये असल्याची माहिती समोर आली आहे. या प्रकरणी मुकुंदवाडी पोलीस ठाण्यात गुन्हा दाखल करण्यात आला असून, सीसीटीव्ही फुटेजच्या आधारे पोलिसांनी आरोपींचा शोध सुरू केला आहे. दरम्यान, या घटनेमुळे परिसरात भीतीचे वातावरण निर्माण झाले असून नागरिकांनी सतर्क राहण्याचे आवाहन करण्यात येत आहे.