अकोला के सांगोलाड़ गाँव में दशहरा पर रावण पूजा, परंपरा आज भी जारी

अकोला जिल्ह्यातील सांगोळा गाव. अकोला शहरापासून सुमारे 45 किलोमीटर अंतरावर असलेलं हे गाव 'रावणाचं गाव' म्हणून ओळखलं जातं. जवळपास 300 वर्षांपूर्वी येथे काळ्या पाषाणातील दहा तोंडी रावणाची भव्य मूर्ती स्थापित करण्यात आली. हातात तलवार आणि इतर शस्त्र घेऊन युद्ध पेहरावात उभी असलेली ही मूर्ती आजही गावांचं वैशिष्ट्य आहे. मूर्ती इथपर्यंत कशी आली याचा ठोस इतिहास नसला तरी गावात आख्यायिका मात्र प्रचलित आहे. मूळतः ग्रामदैवतासाठी मूर्ती घडवली गेली होती, पण चुकून रावणाची मूर्ती घडली, ती गावाच्या हद्दीत येण्यापूर्वीच बैल थांबले आणि वेशीवरच नारळ फोड़ून मूर्तीची स्थापना करण्यात आली. आजही गावातील पुजारी दररोज या रावणाची पूजा करतात, तर दसऱ्याच्या दिवशी संपूर्ण गाव एकत्र येऊन रावणाची विधिवत पूजा करतो. गावकऱ्यांच्या मते, महादेवाचा भक्त असलेला रावण पूर्णपणे दृष्ट नव्हता. त्यांच्या पूर्वजांनी सांगितलेली परंपरा ते आजही जपत आहेत. याच श्रद्धेने सांगोळ्यात दरवर्षी विजयादशमीला रावणाची पूजा होते. जरी रावणाच्या मंदिराची उभारणी झाली नसली तरी गावकरी येथे सभा मंडप उभारण्याचा विचार करत आहेत. तर दहन रावणाच्या वाईट विचाराचे करावे रावणाचा नाही असं मत ही गावकरी मांडतात. Final VO : रावण चांगला होता की वाईट, हे सांगणं पुराणांचं काम आहे. मात्र अकोल्याच्या सांगोळा गावकऱ्यांची रावणाविषयीची श्रद्धा नक्कीच वेगळा विचार करायला भाग पाडते. जयेश जगड, झी मीडिया, अकोला