अकोला में अवैध रेत खनन: जेसीबी-पोकलेन से नदीपात्र में रेत निकासी, प्रशासन पर सवाल

अकोला जिल्ह्यातील तेल्हारा तालुक्यातील तळेगाव पातुर्डा येथे अवैध रेती उपसा मोठ्या प्रमाणात सुरू असल्याचे समोर आले आहे. जेसीबी आणि पोकलेनच्या सहाय्याने नदीपात्रातून सर्रास रेती काढली जात असून महसूल विभाग मात्र कारवाई करत नसल्याचा आरोप ग्रामस्थांकडून केला जात आहे. नियमानुसार कोणत्याही मशीन चा वापर रेती उत्खननासाठी केला जाऊ शकत नाही मात्र सर्व नियमांची पायमल्ली या ठिकाणी होत असल्याचा दिसून येत आहे. विशेष म्हणजे परिसरातील जिल्हा परिषद वरिष्ठ प्राथमिक शाळा, तळेगाव पातुर्डा समोरून भरधाव वेगाने रेती वाहतूक होत असल्याने लहान मुलांच्या सुरक्षिततेचा प्रश्न निर्माण झाला आहे. पर्यावरण विभागाने घालून दिलेल्या नियमांचे उल्लंघन करून नदीपात्रात थेट रस्ते तयार करण्यात आल्याचेही दिसून येत आहे. दरम्यान, शासनाने अटींसह रेती उपसा करण्यास परवानगी दिली असतानाही त्या अटींचे पालन होत नसल्याचा आरोप होत असून याकडे महसूल प्रशासन कधी कारवाई करणार, याकडे अकोला जिल्हा वासियांचे लक्ष लागले आहे.