तेल्हारा के पानी शुद्धीकरण प्रकल्प के विरोध में किसानों ने आंदोलन की चेतावनी दी

अकोला जिल्ह्यातील तेल्हारा तालुक्यात बाळापुर 69 खेडी पाणीपुरवठा योजनेअंतर्गत सुरू असलेल्या पाणी शुद्धीकरण प्रकल्पाच्या बांधकामाला शेतकऱ्यांनी तीव्र विरोध दर्शवला आहे.वारी भैरवगड परिसरात सुरू असलेले हे बांधकाम तत्काळ थांबवावे, अशी मागणी शेतकऱ्यांनी प्रशासनाकडे केली आहे.या संदर्भात शेतकऱ्यांनी तेल्हारा तहसीलदारांना निवेदन सादर केले आहे. 4 मार्च 2023 रोजीच्या शासन निर्णयानुसार या प्रकल्पाला स्पष्ट स्थगिती असतानाही नियमबाह्य पद्धतीने काम सुरू असल्याचा आरोप करण्यात आला आहे.तसेच कोणताही ग्रामपंचायत ठराव अथवा परवानगी न घेता तृतीय पक्ष कंपनीकडून हे बांधकाम करण्यात येत असल्याचे शेतकऱ्यांचे म्हणणे आहे.या प्रकल्पामुळे वान धरणावर अवलंबून असलेल्या शेतकऱ्यांच्या सिंचन हक्कांवर परिणाम होण्याची भीती व्यक्त करण्यात येत आहे.प्रशासनाने तात्काळ दखल न घेतल्यास तीव्र आंदोलन छेडण्याचा इशाराही शेतकऱ्यांनी दिला आहे.