Feed send by 2c Reporter-sagar gaikwad Slug-nsk_nepal नाशिकमधील ४ नागरिक नेपाळमध्ये अडकले अँकर नाशिक जिल्ह्यातील अंबड येथील ४ नागरिक ७ सप्टेंबरपासून नेपाळमध्ये असून, सद्यस्थितीत ते नेपाळमध्ये पोखराजवळील एका हॉटेलमध्ये सुखरूप असल्याची माहिती जिल्हा आपत्ती व्यवस्थापनाच्या वतीने देण्यात आलीये.... गेल्या दोन दिवसांपासून नेपाळमध्ये सुरू असलेल्या अंतर्गत वादात देश धुमसतो आहे. नेपाळ सरकारने सोशल मीडियावर बंदी घातल्यानंतर तेथील तरुण वर्गाकडून हिंसक आंदोलन करण्यात आले. यामुळे नेपाळमध्ये अस्थिरता निर्माण झाली आहे. यात भारतातील अनेक नागरिक पर्यटनासाठी नेपाळमध्ये गेले होते. तेथील अस्थिर परिस्थितीमुळे ते तेथे अडकून पडले आहेत. त्यामध्ये नाशिकमधून चार नागरिकांचा समावेश आहे. मंगला गोसावी, रामगिरी गोसावी, सुनीता आहेर, भास्कर आहेर यांचा त्यात समावेश आहे. ७ तारखेला नेपाळला ते गेले होते. त्याच्याकडे १२ सप्टेंबरचे काठमांडू ते मुंबई असे परतीच्या प्रवासाचे तिकीट आहे. मात्र त्यांना विमानतळापर्यंत अथवा नेपाळबाहेर निघण्यासाठी मदत हवी असल्याची माहिती गोसावी यांचे चिरंजीव अमित यांनी आपत्ती व्यवस्थापन अधिकारी श्रीकृष्ण देशपांडे यानी दिली. नाशिक जिल्ह्यातील नागरिक पर्यटनासाठी काठमांडू येथे गेले असल्यास जिल्हा आपत्ती व्यवस्थापन विभागाशी संपर्क साधण्याचे आवाहनही देशपांडे यांनी केले आहे.